knewdaily

Monday, June 30, 2014

កម្មករខ្មែររាប់ពាន់នាក់ធ្វើដំណើរត្រឡប់ទៅធ្វើការនៅប្រទេសថៃវិញ

កម្មករខ្មែររាប់ពាន់នាក់បានធ្វើដំណើរត្រឡប់ទៅធ្វើការនៅប្រទេសថៃវិញហើយដោយសារការសម្រុកចាកចេញពីប្រទេសនេះបានបញ្ចប់ និងសូម្បីតែនៅពេលដែលរដ្ឋាភិបាលកម្ពុជាបានបង្កើនចំនួនការងារទ្វេដងសម្រាប់អ្នកដែលបានវិលត្រឡប់មកវិញដែលចង់ស្វែងរកការងារធ្វើនៅទីនេះក៏ដោយ។

កម្មករខ្មែរជាង២៤០.០០០នាក់បានសម្រុកចាកចេញពីប្រទេសថៃក្នុងរយៈពេលពីរបីសប្តាហ៍កាលពីដើមខែនេះចំពេលមានពាក្យចចាមអារ៉ាមថា ទាហានថៃបានបាញ់និងចាប់ខ្លួនកម្មករខុសច្បាប់បន្ទាប់ពីការផ្តួលរំលំរដ្ឋាភិបាលក្រុងបាងកកកាលពីខែមុន ហើយបានប្រកាសប្រើច្បាប់អាជ្ញាសឹក។

ក្រៅពីការប្រឹងប្រែងនៅតាមព្រំដែនកម្ពុជា-ថៃដើម្បីជួយដល់អ្នកវិលត្រឡប់មកវិញ និងជួយសម្រួលឲ្យកម្មករវិលត្រឡប់ទៅស្រុកកំណើតរបស់ខ្លួនវិញនៅតាមបណ្តាខេត្តនានានោះ រដ្ឋាភិបាលបានកាត់បន្ថយតម្លៃធ្វើលិខិតឆ្លងដែន និងប័ណ្ណការងារដើម្បីឲ្យពួកគេត្រឡប់ទៅធ្វើការងារចាស់របស់ខ្លួនវិញឲ្យបានឆាប់។

លោក គោស៊ុំ សារឿត អភិបាលខេត្តបន្ទាយមានជ័យបានមានប្រសាសន៍កាលពីម្សិលមិញថា កម្មករប្រហែល១០.០០០នាក់បានធ្វើដំណើរវិលត្រឡប់ទៅប្រទេសថៃវិញដោយមានឯកសារចាំបាច់ក្នុងដៃកាលពីសប្តាហ៍មុន។

មន្ត្រីក្នុងស្រុកមួយចំនួនបានរាយការណ៍ថា អ្នកវិលត្រឡប់មកវិញដែលធុញទ្រាន់នឹងការរង់ចាំឯកសារចាំបាច់បានធ្វើដំណើរទៅព្រំដែនវិញដោយមានផែនការឆ្លងចូលប្រទេសថៃដោយខុសច្បាប់ទៀត។ ប៉ុន្តែលោក សារឿត បានមានប្រសាសន៍ថា លោកមានជំនឿថា ពួកគេនឹងមិនអាចឆ្លងកាត់ទេ។ លោកបានមានប្រសាសន៍ថា “ខ្ញុំមិនបារម្ភទេ។ ថៃតឹងរ៉ឹងណាស់ឥឡូវនេះ។ គេមិនអនុញ្ញាតឲ្យកម្មករខុសច្បាប់ឆ្លងព្រំដែនទេ”។

លោក សុ៊ុន សំអាត ប្រធាននគរបាលអន្តោប្រវេសន៍នៅច្រកទ្វារព្រំដែនអន្តរជាតិប៉ោយប៉ែតក្នុងខេត្តបន្ទាយមានជ័យបានមានប្រសាសន៍ថា ពលរដ្ឋខ្មែរប្រហែល២.០០០នាក់បានឆ្លងដែនចូលប្រទេសថៃក្នុងរយៈពេលបីថ្ងៃមកនេះ ប៉ុន្តែលោកមិនដឹងថាតើមានប៉ុន្មាននាក់ជាកម្មករចំណាកស្រុកឡើយ។

ទន្ទឹមនឹងនោះដែរ ទីភ្នាក់ងារការងារជាតិលើកឡើងថា ឥឡូវនេះគេរកការងារបានចំនួន៣៧.០០០សម្រាប់អ្នកវិលត្រឡប់មកវិញដែលចង់ធ្វើការក្នុងប្រទេសកម្ពុជា គឺកើនឡើងជាងទ្វេដងពីការងារចំនួន១៦.០០០ដែលខ្លួនបានបញ្ជាក់កាលពីថ្ងៃពុធសប្តាហ៍មុន។

លោក ហុង ជឿន ប្រធានទីភ្នាក់ងារនេះបានមានប្រសាសន៍ថា “នៅពេលពួកគេត្រឡប់មកតាមច្រកទ្វារប៉ោយប៉ែត យើងបានសួរពួកគេថា តើពួកគេចង់ធ្វើអ្វី។ យើងមានការងារចំនួន៣៧.០០០សម្រាប់ពួកគេ ហើយមានច្រើនជាងនេះទៀត”។ ដើម្បីជួយផ្គូផ្គងកម្មករជាមួយការងារទាំងនោះ លោក ជឿន បានមានប្រសាសន៍ថា ព័ត៌មានលម្អិតអំពីឱកាសការងារនេះនឹងត្រូវបញ្ជូនទៅមន្ទីរការងារ

សង្ឃបរាជិក១អង្គបៀតបៀនក្មេងស្រី៣នាក់ត្រូវចាប់ផ្សឹកបញ្ជូនទៅតុលាការ

ដោយ ៖ គឹម សុខជា|ថ្ងៃទី 30 មិថុនា 2014 ម៉ោង 17:26:53

ខេត្ដបាត់ដំបង ៖ សង្ឃបរាជិក១អង្គបានបៀតបៀនក្មេងស្រី៣នាក់ក្នុងចំណោមក្មេង៦នាក់ដែលរត់លេងក្នុងភូមិដោយ ចងអំបោះក្រហមឱ្យក្មេងប្រុស រីឯក្មេង ស្រីត្រូវសង្ឃអង្គនេះចាប់ឱបថើបនិង ស្រាតសំពត់ហើយដឹងដល់អាណាព្យា បាលក៏ប្ដឹងនគរបាលឱ្យឃាត់ខ្លួនកាលពី វេលា ម៉ោង៣រសៀលថ្ងៃទី២៩ ខែមិថុនា ឆ្នាំ២០១៤ នៅភូមិរំចេក៥ សង្កាត់រតនៈ ក្រុងបាត់ដំបង ។

តាមប្រភពពីមន្ដ្រីនគរបាលបានឱ្យដឹងថា សង្ឃបរាជិក១អង្គដែលត្រូវសមត្ថកិច្ចឃាត់ខ្លួននេះនាម ផាន់ថង សុវណ្ណារ័ត្ន ព្រះជន្ម៣១ឆ្នាំគង់នៅវត្ដមុន្នី រស្មីហៅវត្ដកន្ទុយក្រពើ ស្ថិតក្នុងភូមិ ក្រពើ ឃុំភ្នំសំពៅ ស្រុកបាណន់ ខេត្ដបាត់ដំបង មានស្រុកកំណើតនៅស្រុក ព្រះនេតព្រះ ខេត្ដបន្ទាយមានជ័យ ។ ចំណែក ក្មេងស្រីរងគ្រោះមាន ទី១អាយុ១០ឆ្នាំ ទី២អាយុ៦ឆ្នាំ និងទី៣ អាយុ៧ឆ្នាំ មានទីលំនៅក្នុងភូមិកើតហេតុខាងលើ ។

អាណាព្យាបាលជនរងគ្រោះបានឱ្យ ដឹងថា នៅរសៀលថ្ងៃទី២៩ ខែមិថុនានៅ ក្នុងភូមិកើតេ្ដុនេះចាស់ៗរវល់ការងារ និងអ្នកខ្លះទៀតកំពុងដេកដេក ចំណែក ក្មេងៗបាននាំគ្នារត់លេងហើយក្នុងចំណោមនោះមានក្មេងប្រុសម្នាក់បានទៅប្រាប់ ជីដូនថា មានលោកសង្ឃយកអំបោះ ក្រហមចងដៃឱ្យ ។ បន្ទាប់មកមានក្មេង ស្រីរងគ្រោះម្នាក់បានយំរត់ទៅផ្ទះរបស់ ខ្លួនស្មានតែកូនភ័យរឿងសង្ឃចងអំបោះសីមាឱ្យក៏សួរនាំហើយកូនប្រាប់ថា មាន លោកសង្ឃ១អង្គចាប់នាងថីប ហើយ សម្រាតសំពត់នាងភ្លាមៗនោះពួកខ្លួន បាននាំគ្នាទៅមើលក៏ឃើញសង្ឃកំពុង ប្រព្រឹត្ដផ្ដេសផ្ដាសនៅក្នុងរបងដីអ្នកភូមិដែលម្ចាស់បិទទ្វារ ។ ក្រោយមកពួកគាត់ បានហៅនគរបាលឱ្យឃាត់ខ្លួនសង្ឃអង្គ នោះតែម្ដង ។

តាមប្រភពពីមន្ដ្រីនគរបាលបានឱ្យដឹងថា នៅព្រឹកថ្ងៃទី៣០ខែមិថុនាសង្ឃ បរាជិកត្រូវចាប់ផ្សឹក រួចកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕

- See more at: http://www.nokorwatnews.com/detailnews.php?newsid=42474&mnu=2&cid=4#sthash.CMDEZ2Qc.dpuf

សេចក្តីជូនដំណឹង ស្តីពីនីតិវិធីធ្វើលិខិត ឆ្លងដែន ទៅធ្វើការ នៅក្រៅប្រទេស

រដ្ឋាភិបាល សម្រេចយកថ្លៃលិខិតឆ្លងដែន សម្រាប់ពលករ និងនិស្សិតខ្មែរ ត្រឹមតែ ៤ ដុល្លារ ថ្លៃថតរូប

June 21, 2014រដ្ឋាភិបាល សម្រេចយកថ្លៃលិខិតឆ្លងដែន សម្រាប់ពលករ និងនិស្សិតខ្មែរ ត្រឹមតែ ៤ ដុល្លារ ថ្លៃថតរូប2014-06-21T01:05:08+00:00

SELECT AUDIO FILE

ភ្នំពេញ: សម្តេច ហ៊ុន សែន បានចុះហត្ថលេខាលើអនុក្រឹត្យថ្មីមួយ ចេញថ្ងៃទី២០ ខែមិថុនា ឆ្នាំ២០១៤ ដោយកំណត់ ផ្តល់លិខិតឆ្លងដែនធម្មតា ជូនពលករ ពលការិនីខ្មែរ និងសិស្សនិស្សិត ដែលត្រូវបានទៅធ្វើការដោយស្របច្បាប់ និងទៅរៀននៅបរទេស ត្រូវបង់ត្រឹមតែ ៤ ដុល្លារអាមេរិក សម្រាប់ថ្លៃថតរូប។

អនុក្រឹត្យដដែល បានបញ្ជាក់ថា លិខិតឆ្លងដែនធម្មតា ត្រូវផ្តល់ជូនពលករ ពលការិនី និងសិស្សនិស្សិតខ្មែរ ក្នុងរយៈពេលយ៉ាងយូរ ២០ ថ្ងៃ នៃថ្ងៃធ្វើការ គិតចាប់ពីថ្ងៃទទួលពាក្យស្នើសុំ៕ ប្រភពពត៌មាន ៖ CEN

សាកសពអប់អាយុកាល ៦០០ ឆ្នាំ នៅ…ទាំងមូល

Lengkhun June 19, 2014សាកសពអប់អាយុកាល ៦០០ ឆ្នាំ នៅ…ទាំងមូល2014-06-19T10:20:00+00:00 feature, ប្លែកៗ

SELECT AUDIO FILE

កាលពីខែ មេសា ឆ្នាំ ២០១៤ កន្លងមក កម្មករនៅការដ្ឋានសួនឡាង ទីក្រុង Taizhou ប្រទេសចិន បានជីកកាយឃើញម្ឈូសជំនាន់សក្តិភូមិ ៣ ។ ភ្លាមៗនោះ អ្នកជំនាញការនៅ Taizhou បានទៅពិនិត្យ ។

ម្ឈូសទាំងបី ត្រូវបានបញ្ចុះទន្ទឹមគ្នា ។ ផ្អែកតាមរចនាបទខាងក្រៅនៃម្ឈូស គឺវាមានតាំងពីជំនាន់រជ្ជកាលម៉េង (១៣៦៨-១៦៤៤) ។ បន្ទាប់ពីសុំយោបល់ថ្នាក់លើ គេបញ្ជូនវាមកកាន់សារមន្ទីរ Taizhou ។

…ផ្ទៃមុខរបស់សាកសពអប់នៅស្ទើរទាំងស្រុង ហាក់ដូចកំពុងលង់លក់ក្នុងដំណេក

តាមការពណ៌នា នោះនៅពីក្រៅម្ឈូស គឺជាសារធាតុចម្រុះ រួមមានអង្ករដំណើប និងកំបោរ ដែលមានកម្រាស់ប្រមាណ ១០ មីលីម៉ែត្រ ។

បន្ទាប់ពីគាស់គំរបម្ឈូស ក៏មានក្លិនហិរៗជះឡើង ។ គេកាន់តែភ្ញាក់ផ្អើល ព្រោះសាកសព៣មានតែ១ប៉ុណ្ណោះ គឺនៅស្ថានភាពស្ទើរដូចដើមទាំងស្រុង ។ រីឯ២ទៀត គឺរលះរលួយតាមបែបធម្មជាតិ ។

សាកសពនៅល្អរបស់នារីម្នាក់ ត្រូវបានត្រាំក្នុងសារធាតុរាវពណ៌លឿង ។ មួក និងស្បែកជើង មានស្ថានភាពល្អ ពុំពុកផុយនោះទេ ។

បុគ្គលិកកាស៊ីណូហ្គ្រោនដេកស្លាប់ក្នុងបន្ទប់ផ្ទះជួល

ដោយ ៖ ស្អាងជ័យ|ថ្ងៃទី 19 មិថុនា 2014 ម៉ោង 11:35:35

ភ្នំពេញ ៖ បុរសជនជាតិឥណ្ឌូនេស៊ីម្នាក់បម្រើការងារនៅក្នុងកាស៊ីណូហ្គ្រោន ឋិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល បានដេកស្លាប់នៅក្នុងបន្ទប់ផ្ទះជួល បង្កឲ្យមានការភ្ញាក់ផ្អើល កាលពីវេលាម៉ោង៧និង៣០នាទីព្រឹក ថ្ងៃទី១៩ ខែមិថុនា ឆ្នាំ២០១៤ ខែមិថុនា ឆ្នាំ២០១៤ ។

នគរបាលស្រុកកោះធំ បានឲ្យដឹងថា ជនរងគ្រោះមានឈ្មោះ ដេវីដ ភេទប្រុស អាយុ៣០ឆ្នាំ ជនជាតិ ឥណ្ឌូនេស៊ី មុខរបរជាបុគ្គលិកផ្នែកអនឡាញនៅក្នុងកាស៊ីណូហ្គ្រោន បច្ចុប្បន្នស្នាក់ផ្ទះជួលលេខ៣៦០ បន្ទប់លេខ៧ មានទីតាំងឋិតនៅភូមិ-ឃុំខាងលើ ។

ប្រភពដដែលបានបន្តថា នៅមុនពេលកើតហេតុ ជនរងគ្រោះនៅធ្វើការក្នុងកាស៊ីណូជាធម្មតា រហូត ដល់វេលាយប់ថ្ងៃទី១៨ មិថុនា ជនរងគ្រោះបានចូលទៅដេកក្នុងបន្ទប់ផ្ទះជួល ។ លុះវេលាម៉ោងកើត ហេតុខាងលើ មិត្តភក្តិបានចូលដាស់ទៅធ្វើការ តែពេលទៅដល់ឃើញជនរងគ្រោះដេកស្លាប់នៅក្នុង បន្ទប់បាត់ទៅហើយ ។ ក្រោយមានហេតុការណ៍កើតឡើង នគរបាលស្រុកដឹកនាំដោយលោកវរេសនីយ៍ មុយ ចាន់ពេជ្រ អធិការនគរបាលសុ្រក ចុះពិនិត្យសាក សព ហើយសន្តិដ្ឋានថា ជនរងគ្រោះស្លាប់ដោយសារខ្យល់គ ។

បច្ចុប្បន្ន សមត្ថកិច្ចនគរបាលស្រុកកោះធំបានយកសាកសពទៅតម្កល់ទុកនៅវត្តក្នុងភូមិខាងលើ ដើម្បី ទំនាក់ទំនងទៅស្ថានមកទទួលយកសាកសព ៕

- See more at: http://www.nokorwatnews.com/detailnews.php?newsid=42081&mnu=2&cid=4#sthash.gFF2AGHi.dpuf

អាជ្ញាធរខេត្ដបន្ទាយមានជ័យគ្រោងចុះបិទអាជីវកម្មជីកកកាយភ្នំយកដីនិងថ្មលក់នៅក្រុងសិរីសោភ័ណ

ដោយ ៖ វិច្ឆិកា|ថ្ងៃទី 17 មិថុនា 2014 ម៉ោង 15:32:22

ខេត្ដបន្ទាយមានជ័យ ៖ ទីតាំង៤កន្លែង នៅចំកណ្ដាលទីរួមខេត្ដបន្ទាយមានជ័យ ដែលពួកឈ្មួញធ្វើអាជីវកម្មជីកកកាយដីនិងថ្មភ្នំយកទៅលក់យ៉ាងគគ្រឹកគគ្រេង នោះត្រូវបានអាជ្ញាធរខេត្ដឱ្យដឹងថា ការធ្វើអាជីវកម្មនោះអាជ្ញាធរខេត្ដនឹងចុះទៅត្រួតពិនិត្យដល់ទីតាំងជាក់ស្ដែងដើម្បី បញ្ឈប់ទាំងស្រុងតែម្ដង ។

ការចុះបញ្ឈប់អាជីវកម្មជីកកកាយដីនៅក្រុងសិរីសោភ័ណត្រូវគេមើលឃើញថា ធ្វើឡើងបន្ទាប់ពីលោក គោស៊ុំ សារឿត អភិបាលខេត្ដបន្ទាយមានជ័យ បានស្នើសុំទៅក្រសួងរ៉ែ និងថាមពលឱ្យ បញ្ចប់អាជ្ញាប័ណ្ណធ្វើអាជីវកម្មដីភ្នំក្នុង ខេត្ដមួយនេះ ។

ការធ្វើអាជីវកម្មដីភ្នំក្នុងខេត្ដបន្ទាយមានជ័យកន្លងមករងការរិះគន់ធ្ងន់ៗពី សំណាក់មជ្ឈដ្ឋានប្រជាពលរដ្ឋ ពីព្រោះ ធ្វើឱ្យប៉ះពាល់និងបាត់បង់សោភណភាពទីក្រុង ការដឹកជញ្ជូនដីបង្កឱ្យហុយមកលើ ភូមិម្ករ បង្កឱ្យមានគ្រោះថ្នាក់ចរាចរណ៍ និងធ្វើឱ្យផ្លូវលំនិងផ្លូវជាតិ បាក់ស្រុត ដោយអន្លើៗ ហើយអ្វីដែលប៉ះពាល់ធ្ងន់ ធ្ងរនោះគឺនៅពេលភ្លៀងធ្លាក់ខ្លាំងភ្នំមាន ចំណោតធ្វើឱ្យជ្រោះដីបាក់ស្រុតបង្កឱ្យ មានគ្រោះថ្នាក់ដល់អាយុជីវិតមនុស្ស និងសត្វ ព្រមទាំងបាត់បង់សោភណភាព ការទាក់ទាញលើវិស័យទេសចរណ៍ ធម្មជាតិផងដែរ ។ កន្លងមកសិស្សនិង លោកគ្រូអ្នកគ្រូសាលាអូរអំបិលធ្លាប់ធ្វើបាតុកម្មប្រឆាំងនឹងការដឹកដីឆ្លងកាត់ មុខសាលារៀន ដោយសារភ័យខ្លាចពី គ្រោះថ្នាក់ដល់អាយុជីវិត ។

ជុំវិញបញ្ហានេះប្រជាពលរដ្ឋបាន លើកឡើងទៀតថា ធម្មតាប្រទេសមាន ការអភិវឌ្ឍរីកចម្រើនការជីកដី និងថ្មភ្នំ សម្រាប់យកទៅអភិវឌ្ឍន៍ប្រទេសជាតិ ជារឿងសំខាន់ពួកគាត់មិនបដិសេធនោះទេ ។ ប៉ុន្ដែការចេញច្បាប់ពីសំណាក់អាជ្ញា ធរនិងក្រសួងពាក់ព័ន្ធឱ្យឈ្មួញធ្វើអាជីវ កម្មដីភ្នំគួរណាស់រកទីតាំងនៅឱ្យឆ្ងាយជាង នេះបន្ដិច ពីព្រោះទីតាំង៤កន្លែងដែល ឈ្មួញកំពុងធ្វើអាជីវកម្មនេះជាទីតាំងនៅក្នុងទីរួមខេត្ដបន្ទាយមានជ័យ ។
ជុំវិញការបិទអាជីវកម្មជីកកកាយដីភ្នំនេះលោក គោស៊ុំ សារឿត អភិបាល ខេត្ដបន្ទាយមានជ័យបានប្រាប់នគរវត្ដឱ្យដឹងតាមទូរស័ព្ទថា ពិតណាស់លោក នឹងចុះត្រួតពិនិត្យបិទអាជីវកម្មជីកកកាយ ដីភ្នំចំនួន៤កន្លែងក្នុងក្រុងសិរីសោភ័ណ ដោយសារលោកបានស្នើសុំឱ្យក្រសួងរ៉ែនិងថាមពល ហើយខាងក្រសួងក៏មាន ការគាំទ្រផងដែរ ។ លោកគ្រោងនឹងចុះ ត្រួតពិនិត្យនៅថ្ងៃទី១៨ ខែមិថុនានេះ ប៉ុន្ដែដោយលោកមានការជាប់រវល់នឹង អាចពន្យារពេលទៅថ្ងៃក្រោយទៀត ។

លោកអភិបាលខេត្ដបានបញ្ជាក់ឱ្យ ដឹងទៀតថា ការបិទអាជីវកម្មដីភ្នំប្រសិន បើឈ្មួញនៅតែលួចលាក់លបធ្វើអាជីវកម្មលោកនឹងមានវិធានការតាមច្បាប់ ។

គួរបញ្ជាក់ថា ភ្នំដែលឈ្មួញជីកក កាយមានភ្នំដូងព្រះ ភ្នំបាក់ ភ្នំខ្លាកូន និង ភ្នំពង្រ ធ្វើឡើងពីសំណាក់ឈ្មួញ៤នាក់ ១-ឈ្មោះ ភ្លន់ តារា មេបញ្ជាការតំបន់ ប្រតិបត្ដិការសឹករងខេត្ដបន្ទាយមានជ័យ, ២-ឈ្មោះ ឡាច ហុក, ៣-ឈ្មោះ ញាំ សាវ៉ួន និង៤-ឈ្មោះ យឿម គង់ ឈ្មួញទាំង នេះបច្ចុប្បន្នរស់នៅក្នុងខេត្ដបន្ទាយមានជ័យ ។ ការបំផ្លាញភ្នំដើម្បីធ្វើអាជីវកម្ម នោះមិនមែនមានតែខេត្ដបន្ទាយមាន ជ័យប៉ុណ្ណោះទេ សូម្បីតែខេត្ដដទៃទៀត ដូចជាខេត្ដកំពង់ស្ពឺ ក៏មានឈ្មួញធ្វើអាជីវ កម្មភ្នំដែរ ។ អនាគតធនធានធម្មជាតិ ស្រុកខ្មែរនឹងរលាយហិនហោចជាមិនខាន ៕

មេព្រៃចាប់ឃាត់រថយន្ដសាំងយ៉ុងដឹកអ្នកដំណើរលួចបង្កប់ឈើប្រណីតជាច្រើនសន្លឹក

|ថ្ងៃទី 17 មិថុនា 2014 ម៉ោង 15:57:50

ខេត្ដក្រចេះ ៖ មេព្រៃសង្កាត់រដ្ឋបាលព្រៃឈើថ្មគ្រែសហការជាមួយកម្លាំង កងរាជអាវុធហត្ថខេត្ដបានចាប់ឃាត់ រថយន្ដសាំយ៉ុងដឹកអ្នកដំណើរមួយគ្រឿង ដោយសារលួចដឹកឈើប្រណីតជាច្រើនសន្លឹកចេញពីខេត្ដស្ទឹងត្រែងឆ្ពោះទៅ ស្រុកតំបែរ ខេត្ដត្បូងឃ្មុំ ។

ករនីឃាត់រថយន្ដសាំយ៉ុងលួចដឹក ឈើប្រណីតពីសំណាក់កម្លាំងចម្រុះបាន ធ្វើឡើងកាលពីព្រឹកថ្ងៃទី១៧ ខែមិថុនា ឆ្នាំ២០១៤ នៅលើផ្លូវក្រាលកៅស៊ូ ចំណុច ទំនប់ត្រនូលឆ្នាំង ក្នុងសង្កាត់ក្រគរ ក្រុង ក្រចេះ ហើយត្រូវបានកម្លាំងជំនាញនាំ មករក្សាទុកនៅស្ថានីយបណ្ដុះកូនឈើ ខ្សា ។ សកម្មភាពនាព្រឹកនោះដែរសមត្ថ កិច្ចពុំបានចាប់ឃាត់ខ្លួនជនណាម្នាក់ ដែលជាប់ពាក់ព័ន្ធនឹងជំនួញឈើខុស ច្បាប់នេះទេ ដោយសមត្ថកិច្ចបានចាប់ ដកហូតតែរថយន្ដម៉ាកសាំយ៉ុង ពណ៌ស មួយគ្រឿងពាក់ស្លាកលេខភ្នំពេញ 2Q-3091 តែប៉ុណ្ណោះ ។

នាយសង្កាត់រដ្ឋបាលព្រៃឈើថ្មគ្រែ លោក ប៉ុក វណ្ណា បានឱ្យដឹងថា រថយន្ដ មួយគ្រឿងនេះត្រូវបានកម្លាំងសមត្ថកិច្ចស្ទាក់ចាប់បាននៅលើផ្លូវក្រាលកៅស៊ូ ក្នុងសង្កាត់ក្រគរ ក្រុងក្រចេះ ។

នាយសង្កាត់ដដែលបានឱ្យដឹងទៀតថា រថយន្ដសាំយ៉ុងមួយគ្រឿងនេះបាននាំមក រក្សាទុកនៅស្ថានីយបណ្ដុះកូនឈើខ្សា និងបានវាស់វែងភ្លាមៗដែរ ហើយឈើ ទាំងនេះមានចំនួន១០២សន្លឹកសុទ្ធសឹង ជាឈើប្រណីតប្រភេទធ្នង់ស្មើជាង១ម៉ែត្រគូប ៕

កែវសីម៉ាមណ្ឌលគិរីមានច្រករបៀងចំនួន៣ ជាកន្លែងចេញឈើប្រណីតទៅស្រុកយួន

June 17, 2014, ដោយៈមាតុភូមិ, Comment closed

នៅក្នុងស្រុកកែវសីមា ខេត្តមណ្ឌលគិរី ដែលគ្រប់គ្រងដោយលោក ស៊ិន វ៉ាន់វុឌ្ឍត្រូវបានគេដឹងថាមានច្រករបៀងចំនួន៣ដែលអាចឆ្លងចូលទៅប្រទេសវៀតណាមគឺ ច្រកង៉ាំដី,ច្រកង៉ាំបាវ៉េ និងច្រកង៉ាំបរឡាង។ឥឡូវច្រករបៀងទាំងបីនេះបាននិងកំពុងក្លាយទៅជាច្រកយ៉ាងសំខាន់ក្នុងការនាំឈើប្រណិត ក៏ដូចជាសត្វព្រៃខុសច្បាប់ ដើម្បីយកទៅលក់នៅប្រទេសវៀតណាមដោយសារតែមានកាឃុបឃឹតពីសមត្តកិច្ចដែលទទួលខុសត្រូវច្រកនេះ។

សេចក្តីរាយការណ៍របស់ប្រជាពលរដ្ឋបានឲ្យដឹងថា គិតត្រឹមពីយប់ថ្ងៃទី១៣ ខែមិថុនា ចុងសប្តាហ៍កន្លងទៅ រហូតមកដល់យប់ថ្ងៃទី១៥មិថុនា២ឥ១៤មាន ឈើប្រណិតមិនតិចជាង១៩៥រថយន្តទេ ដែលត្រូវក្រុមឈ្មួញដឹកជញ្ជូនចេញដោយរលូន តាមច្រករបៀងទាំង៣ ដែលគ្រប់គ្រងដោយលោក សេង ប៉ូ មេប៉ុស្តិ៍ច្រកអន្តរជាតិឡាបាខេ នោះ។

សេចក្តីរាយការណ៍បានបន្ថែមថា ឈើប្រណិតដែលនាំចេញតាមច្រករបៀងទាំង៣នោះ ត្រូវបានគេដឹកជញ្ជូនតាមរថយន្តប្រភេទខុសៗគ្នា ដូចជា ប្រភេទកាមរីស្វិត,កាមរីហើម,ឡង់គ្រីស័រ និង ឡិចស៊ីស ជាដើម។

ចំពោះបញ្ហាដឹកជញ្ជូនឈើប្រណិត យ៉ាងអនាធិបតេយ្យនេះ លោក ស៊ិន វ៉ាន់វុឌ្ឍ អភិបាលស្រុកកែវសីមា បានទទយលស្គាលថា កន្លងមកគណៈបញ្ជាការឯកភាពស្រុកបានធ្វើការងារលើបញ្ហានេះដែរ ប៉ុន្តែបច្ចុប្បន្ននេះ ដោយសារតែមានបញ្ហាដល់សន្តិសុខ នៅពេលដែលចុះបង្ក្រាប ណាមួយដោយគ្មានការរវីរវល់ពីស្ថាប័នពាក់ព័ន្ធ ដូច្នេះទើបមិនអាចបង្ក្រាបបាន។បើតាមសម្តីរបស់ចៅហ្វាយស្រុកកែវសីមាបង្ហាញថាសមត្តកិច្ចជំនាញមេព្រៃមានគាឃុបឃឹតដោយមិសហការជាមួយអាជ្ញាធរស្រុក។តែម្យាងទៀក័បង្ហាញថាអាជ្ញាធរស្រុកែវសីមាអសមត្តភាពឬក៏អាចហៅថាល្បិចកន្ទេលធំបន្លំដេកក៏ថាបានដែរ។

លោក សេង ប៉ូ ប្រធានគ្រប់គ្រងច្រករបៀងទាំង៣ និងលោក ទូច យ៉ុន ស្នងការរងនគរបាលខេត្តមណ្ឌលគីរីទទួលបន្ទុកព្រុំដែន វិរៈ ៦២១ សារព័តិមានយើង ពុំអាចសុំការបំភ្លឺបានទេ ។

ពិធីប្រកាស ស្នងការខេត្ត ព្រះសីហនុ

ព្រះសីហនុ ៖ នៅព្រឹកថ្ងៃទី១៧ ខែមិថុនា ឆ្នាំ២០១៤ នៅស្នងការដ្ឋាន នគរបាលខេត្តព្រះសីហនុ មានរៀបចំពិធី ប្រកាសស្នងការ នគរបាល ខេត្តព្រះ សីហនុ ក្រោមអធិបតីភាព លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងលោក ឈិត សុខុន អភិបាលខេត្តព្រះសីហនុ ។
តាមប្រកាស របស់ក្រសួងមហាផ្ទៃ លេខ១៥៧៩ប្រក ចុះថ្ងៃទី១៩ ខែឧសភា ឆ្នាំ២០១៤ ចុះហត្ថលេខាដោយលោកឧប ស ខេង សំរេចតែងតាំង លោកឧត្រី ស៊ាង កុសល អត្តលេខ ០៤២៧ ស្នងការរង និងជាប្រធានការិយាល័យកណ្តាលសណ្តាប់ធ្នាប់ ជាស្នងការជំនួសលោកឧទោ តាក វណ្ណថា ដែលចូលនិវត្តន៍ និងប្រកាសលេខ១៦១៥ប្រក ចុះថ្ងៃទី ២៣ ខែឧសភា ឆ្នាំ២០១៤ សំរេចតាំងតាំងលោកវទោ អ៊ី សុខា នាយការិយា ល័យនគរបាលប្រឆាំងការជួញដូរមនុស្សនិងការពារអនិតិជន ជាស្នងការរងជំនួសលោក ស៊ាង កុសល វិញ ៕

*** កំណត់សម្គាល់ ***

ក្នុងរយៈពេលប្រមាណ១០ថ្ងៃមកនេះ គេសង្កេតឃើញមានរថយន្ដរាប់រយគ្រឿងរបស់អាជ្ញាធរខ្មែរ ចាំដឹកបន្តទៅកាន់ស្រុកកំណើតនៅតាមបណ្ដាខេត្ដរៀងខ្លួន ចំពោះពលករខ្មែរ ដែលត្រូវបានរដ្ឋាភិបាលយោធាថៃចាប់ដឹកមកទម្លាក់ចោលនៅច្រកព្រំដែន។
រហូតដល់ម៉ោងជាង១២រំលងអធ្រាត្រទៅហើយ គេនៅតែឃើញពលករខ្មែររាប់រយនាក់បន្តដំណើរចេញពីប្រទេសថៃ ចូលមកកម្ពុជាជាបន្ដបន្ទាប់។ ពួកគេខ្លះបានទៅរកកន្លែងស្នាក់នៅតាមផ្សារ និងមួយចំនួនទៀតអង្គុយ...

*** កំណត់សម្គាល់ ***
ព័ត៍មាននេះ ផ្សព្វផ្សាយ ជាសាធារណៈ នៅ ម៉ោង09:56 ថ្ងៃទី17 ខែ06 ឆ្នាំ2014 ដោយ គេហទំព័រ សារព័ត៌មានខ្មែរ VoD ។ សូមបញ្ចាក់ថា ទិន្នន័យខាងលើ អាចត្រូវបាន កែប្រែរ ឬ លុប ដោយ ម្ចាស់នៃព័ត៍មាន ហើយ Khmer-News.Org មិនមែនជាភាគីគ្រប់គ្រង ឬ ទទូលខុសត្រូវឡើយ។ អំពី បញ្ហាផ្សេងៗ ឬ កំរិតជំនឿទុកចិត្ត នៃ ព័ត៍មាននេះ សូមទាក់ទង ទៅ សារព័ត៌មាន VoD ។

ក្រុមអាជីវករផ្សារដើមក្រឡាញ់ជិត១០០នាក់តវ៉ាឱ្យសាលាខេត្ដធ្វើផ្សារបន្ទាប់ពីសម្ដេចតេជោផ្ដល់លុយជាង៣០ម៉ឺនដុល្លារអត់ធ្វើ

ដោយ ៖ ជា និរន្តរ៍|ថ្ងៃទី 16 មិថុនា 2014 ម៉ោង 16:56:47

ខេត្ដសៀមរាប ៖ ក្រុមអាជីវករផ្សារ ដើមក្រឡាញ់ជិត១០០នាក់បានលើកគ្នាមកកាន់សាលាខេត្ដសៀមរាបតវ៉ាបង្ខំឱ្យអាជ្ញាធរខេត្ដធ្វើផ្សារឱ្យវិញក្រោយ សម្ដេចតេជោផ្ដល់លុយដល់អាជីវករ ផ្សារដើមក្រឡាញ់បន្ទាប់ពីភ្លើងឆេះអស់រយៈពេលជិត១ឆ្នាំមកហើយៗសម្ដេច តេជោ ហ៊ុន សែន បានទម្លាក់លុយជាង៣០ម៉ឺនដុល្លារតែមិនព្រមធ្វើ ។ សកម្មភាពតវ៉ារបស់ក្រុមអាជីវករ បានធ្វើឡើងនៅព្រឹកថ្ងៃទី១៦ ខែមិថុនា ឆ្នាំ២០១៤ នៅក្នុងបរិវេណសាលាខេត្ដ សៀមរាបផ្លូវ៦០ម៉ែត្រ ។

ក្រុមអាជីវករបានលើកឡើងថា ក្រោយអគ្គិភ័យបានឆាបឆេះផ្សារដើម ក្រឡាញ់ទាំងមូលដោយបានបំផ្លាញតូបលក់ប្រមាណជាង៤០០តូបរាបដល់ដីមក សម្ដេចតេជោបានផ្ដល់ថវិកាប្រមាណ ជាង៣០ម៉ឺនដុល្លារឱ្យអាជ្ញាធរខេត្ដសាងសង់ឡើងវិញ ។ រហូតមកទល់ពេលនេះ ផ្សារដើមក្រឡាញ់នៅតែជាផ្សារបែប អនាធិបតេយ្យដដែលក្រុមអាជីវករលក់ដូរក្នុងភក់ជ្រាំក្រោមដំបូលកៅស៊ូតង់ ហាក់ពុំមែនជាផ្សារក្រុងទេសចរណ៍។ អាជីវករនិយាយថា គោលបំណងថ្ងៃនេះ គឺសុំឱ្យអាជ្ញាធរដោះស្រាយតែរឿងធ្វើ ផ្សារតែប៉ុណ្ណោះគ្មានទាមទារអ្វីទាំងអស់។

ក្រុមអាជីវករបញ្ជាក់ថា ប្រសិនបើ អាជ្ញាធរមិនកំណត់ថ្ងៃសាងសង់ផ្សារឱ្យ បានច្បាស់លាស់ទេ ពួកគាត់នឹងបន្ដ ដំណើរទៅរាជធានីភ្នំពេញជួបសម្ដេចតេជោតែម្ដង ។

ក្រោយក្រុមអាជីវករបញ្ជាក់អំពី គោលបំណងរបស់ពួកគាត់ អាជ្ញាធរ បានអនុញ្ញាតឱ្យពួកគាត់ចូលអគារ សាលាខេត្ដដើម្បីដោះស្រាយគ្នា ។
ក្រុមអាជីវករបន្ថែមថា ក្រោយពីបាន ចូលជួបមន្ដ្រីតំណាងអាជ្ញាធរខេត្ដសៀមរាបគឺពួកគាត់ជាអាជីវករបានទុកពេលឱ្យអាជ្ញាធរខេត្ដចំនួន៥ថ្ងៃដើម្បីកំណត់ថ្ងៃសាងសង់ផ្សារដើមក្រឡាញ់ជាថ្មីបើសិនលើស៥ថ្ងៃមិនមានគោលការណ៍កំណត់ឱ្យ បានច្បាស់លាស់ទេពួកគាត់នឹងលើកគ្នា ទៅជួបសម្ដេចតេជោតែម្ដង ៕

នាយករដ្ឋមន្ដ្រីប្រទេសឡាវនិងនាយករដ្ឋមន្ដ្រីប្រទេសថៃមកដល់ព្រលានយន្ដហោះភ្នំពេញរសៀលម៉ោង២

ឃ្លាំងអាវុធមីស៊ីលដ៏សម្បូបែបបំផុតនៅលើពិភពលោករបស់ចិនធ្វើឱ្យអាមេរិកព្រួយបារម្ភ

អាជ្ញាធរថៃពិចារណាតាមចាប់ខ្លួនអតីតសង្ឃកំហូច

Monday, June 30, 2014

កម្មករខ្មែររាប់ពាន់នាក់ធ្វើដំណើរត្រឡប់ទៅធ្វើការនៅប្រទេសថៃវិញ

សង្ឃបរាជិក១អង្គបៀតបៀនក្មេងស្រី៣នាក់ត្រូវចាប់ផ្សឹកបញ្ជូនទៅតុលាការ

Tuesday, June 24, 2014

សេចក្តីជូនដំណឹង ស្តីពីនីតិវិធីធ្វើលិខិត ឆ្លងដែន ទៅធ្វើការ នៅក្រៅប្រទេស

Friday, June 20, 2014

រដ្ឋាភិបាល សម្រេចយកថ្លៃលិខិតឆ្លងដែន សម្រាប់ពលករ និងនិស្សិតខ្មែរ ត្រឹមតែ ៤ ដុល្លារ ថ្លៃថតរូប

សាកសពអប់អាយុកាល ៦០០ ឆ្នាំ នៅ…ទាំងមូល

Wednesday, June 18, 2014

បុគ្គលិកកាស៊ីណូហ្គ្រោនដេកស្លាប់ក្នុងបន្ទប់ផ្ទះជួល

Tuesday, June 17, 2014

អាជ្ញាធរខេត្ដបន្ទាយមានជ័យគ្រោងចុះបិទអាជីវកម្មជីកកកាយភ្នំយកដីនិងថ្មលក់នៅក្រុងសិរីសោភ័ណ

មេព្រៃចាប់ឃាត់រថយន្ដសាំងយ៉ុងដឹកអ្នកដំណើរលួចបង្កប់ឈើប្រណីតជាច្រើនសន្លឹក

Monday, June 16, 2014

កែវសីម៉ាមណ្ឌលគិរីមានច្រករបៀងចំនួន៣ ជាកន្លែងចេញឈើប្រណីតទៅស្រុកយួន

ពិធីប្រកាស ស្នងការខេត្ត ព្រះសីហនុ

បទយការណ៍៖ ពលករខ្មែរអំពាវឲ្យរដ្ឋាភិបាល ផ្តល់ការងារឲ្យធ្វើបន្ទាប់ពីយោធាថៃបញ្ជូនពួកគេមកវិញ

ទូរស័ព្ទទំនាក់ទំនង

-ទូរទស្សន៍មួយចំនួននៅកម្ពុជា ទីនេះ

ស្ដាប់វិទ្យុផ្សេងៗនៅទីទីនេះ

-វិទ្យុមិត្តភាពចិន

សារព័រមានផ្សេងទៀតនៅទីនេះ

អ្នកចូលទស្សនាតាមប្រទេសនីមួយៗ

ចំនួនភ្ញៀវចូលទស្សនាថ្ងៃនេះ

រូបត្លុក(cartoon)

ផលិតផលរបស់ក្រុមហ៊ុនJ&C

ស៊ិន ស៊ីសាមុត

លោកម៉ម សូណង់ដូត្រូវបានចាប់ខ្លូន

លោកម៉ម សូណង់ដូបញ្ជូនទៅកាន់តុលាការ

ណែមនៅបាត់ដំបង

អាជ្ញាធររេរាំងគ្មេងបឺងកក់

ប៉ូលីសចុះអនុវត្ត

សូមប្រយ័ត្នចំពោះទឹកជំនន់

ឃ្លាំង​អាវុធ​មី​ស៊ី​ល​ដ៏​សម្បូ​បែប​បំផុត​នៅ​លើ​ពិភពលោក​របស់​ចិន​ធ្វើ​ឱ្យ​អា​មេ​រិ​ក​ព្រួយបារម្ភ​

អាជ្ញាធរ​ថៃ​ពិចារណា​តាម​ចាប់ខ្លួន​អតីត​សង្ឃ​កំហូច​

Monday, June 30, 2014

Tuesday, June 24, 2014

Friday, June 20, 2014

Wednesday, June 18, 2014

Tuesday, June 17, 2014

Monday, June 16, 2014

ទូរស័ព្ទទំនាក់ទំនង

-ទូរទស្សន៍មួយចំនួននៅកម្ពុជា ទីនេះ

ស្ដាប់វិទ្យុផ្សេងៗនៅទីទីនេះ

-វិទ្យុមិត្តភាពចិន

សារព័រមានផ្សេងទៀតនៅទីនេះ

អ្នកចូលទស្សនាតាមប្រទេសនីមួយៗ

ចំនួនភ្ញៀវចូលទស្សនាថ្ងៃនេះ

រូបត្លុក(cartoon)

ផលិតផលរបស់ក្រុមហ៊ុនJ&C

ស៊ិន ស៊ីសាមុត

លោកម៉ម សូណង់ដូត្រូវបានចាប់ខ្លូន

លោកម៉ម សូណង់ដូបញ្ជូនទៅកាន់តុលាការ

ណែមនៅបាត់ដំបង

អាជ្ញាធររេរាំងគ្មេងបឺងកក់

ប៉ូលីសចុះអនុវត្ត

សូមប្រយ័ត្នចំពោះទឹកជំនន់

ឃ្លាំងអាវុធមីស៊ីលដ៏សម្បូបែបបំផុតនៅលើពិភពលោករបស់ចិនធ្វើឱ្យអាមេរិកព្រួយបារម្ភ

អាជ្ញាធរថៃពិចារណាតាមចាប់ខ្លួនអតីតសង្ឃកំហូច