ភ្នំពេញ: សម្តេច ហ៊ុន សែន បានចុះហត្ថលេខាលើអនុក្រឹត្យថ្មីមួយ ចេញថ្ងៃទី២០ ខែមិថុនា ឆ្នាំ២០១៤ ដោយកំណត់ ផ្តល់លិខិតឆ្លងដែនធម្មតា ជូនពលករ ពលការិនីខ្មែរ និងសិស្សនិស្សិត ដែលត្រូវបានទៅធ្វើការដោយស្របច្បាប់ និងទៅរៀននៅបរទេស ត្រូវបង់ត្រឹមតែ ៤ ដុល្លារអាមេរិក សម្រាប់ថ្លៃថតរូប។
អនុក្រឹត្យដដែល បានបញ្ជាក់ថា លិខិតឆ្លងដែនធម្មតា ត្រូវផ្តល់ជូនពលករ ពលការិនី និងសិស្សនិស្សិតខ្មែរ ក្នុងរយៈពេលយ៉ាងយូរ ២០ ថ្ងៃ នៃថ្ងៃធ្វើការ គិតចាប់ពីថ្ងៃទទួលពាក្យស្នើសុំ៕ ប្រភពពត៌មាន ៖ CEN