|ថ្ងៃទី 11 មិថុនា 2014 ម៉ោង 17:30:00
ខេត្ដបន្ទាយមានជ័យ ៖ រយៈពេល៣ថ្ងៃជាប់ៗគ្នាគិតចាប់ពីថ្ងៃទី៩ ដល់ថ្ងៃទី១១ ខែមិថុនា ឆ្នាំ២០១៤នេះគេបាន សង្កេតឃើញពលករខ្មែរទាំងប្រុសនិងស្រីរាប់ពាន់នាក់ត្រូវអាជ្ញាធរ និងតម្រួតដៃដឹកតាមរថយន្ដចូលមកច្រកអន្ដរជាតិ នានាតាមបន្ទាត់ព្រំដែនភាគខាងលិច ចូលមកទឹកដីកម្ពុជាវិញ ។
នៅក្នុងការដឹកបញ្ជូនពលករខ្មែរ ជាច្រើននាក់ត្រឡប់មកប្រទេសកម្ពុជា វិញស្របពេលដែលមានពាក្យលើកឡើងថា ពលករខ្មែរមួយចំនួនត្រូវតម្រួតថៃ បាញ់សម្លាប់និងវាយធ្វើបាបទើបមាន ពលករខ្លះចាកចេញពីប្រទេសថៃដោយខ្លួនឯងក៏មាន ។
ពលករដែលអាជ្ញាធរថៃដឹកមកទម្លាក់ នៅតាមព្រំដែនកម្ពុជា-ថៃបាននិយាយថា ពលករខ្មែរមួយចំនួនធំមិនបានបើកប្រាក់ ខែពីថៅកែថៃដែលពួកគេបានធ្វើការជា មួយនោះទេ ហើយមានពលករខ្លះចាក ចេញដោយគ្មានសោហ៊ុយមកស្រុកទៀត ផង ។ ចំពោះបញ្ហានេះប៉ុន្មានថ្ងៃជាប់ៗ គ្នានេះដែរសម្រាប់ច្រកទ្វារអន្ដរជាតិ ប៉ោយប៉ែតគេបានសង្កេតឃើញអាជ្ញាធរ ពាក់ព័ន្ធបានចុះណែនាំដល់អ្នករត់តាក់ ស៊ី អ្នកប្ដូរប្រាក់តាមតូប ពិសេសអ្នក ប្ដូរប្រាក់នៅទីសាធារណៈមិនត្រូវដំឡើង ថ្លៃរថយន្ដនិងដំឡើងថ្លៃអត្រាប្ដូរប្រាក់ នោះឡើយដើម្បីជួយសម្រួលដល់ពលករ ជាចំណាកស្រុក ។
ទាក់ទិននឹងការបញ្ជូនពលករខ្មែរពី ប្រទេសថៃគួរឱ្យចាប់អារម្មណ៍នេះអ្នក នាំពាក្យក្រសួងការបរទេសនិងសហប្រតិ បត្ដិការអន្ដរជាតិបានចេញសេចក្ដីបំភ្លឺជុំវិញពាក្យចចាមអារ៉ាមនិងការបញ្ជូន ពលករខ្មែរមកកម្ពុជាវិញ ។
នៅក្នុងសេចក្ដីបំភ្លឺរបស់លោក កុយ គួង អ្នកនាំពាក្យក្រសួងការបរទេសនិងសហប្រតិបត្ដិការអន្ដរជាតិចុះថ្ងៃទី១ ខែ មិថុនា ឆ្នាំ២០១៤ បានឱ្យដឹងថា ចំពោះ ពាក្យចចាមអារ៉ាមដែលថា កងយោធា ថៃធ្វើសកម្មភាពដេញបាញ់ពលករខ្មែរ ខុសច្បាប់នោះស្ថានទូតកម្ពុជានៅទីក្រុង បាងកកនិងស្ថានអគ្គកុងស៊ុកម្ពុជានៅខេត្ដស្រះកែវប្រទេសថៃបានស្រាវជ្រាវ រួចរាល់ហើយៗបញ្ជាក់ថា មិនមានព័ត៌ មានបែបនេះទេ ។ ករណីអាជ្ញាធរថៃ បញ្ជូនពលករខ្មែរខុសច្បាប់ជាច្រើននាក់មកកម្ពុជាវិញនោះខ្ញុំសូមបញ្ជាក់ដូច តទៅ ១-អាជ្ញាធរយោធាថៃបានដាក់ កំហិតឱ្យក្រុមហ៊ុន រោងចក្រ សហគ្រាស ឯកជនថៃបញ្ឈប់ការប្រើប្រាស់ពលករ ខុសច្បាប់តទៅទៀត ។ ដូច្នេះក្រុម ហ៊ុនរោងចក្រសហគ្រាសទាំងនោះសម្រេច ឱ្យពលករខុសច្បាប់ត្រឡប់ទៅប្រទេស របស់ខ្លួនវិញ រួមទាំងពលករខ្មែរខុស ច្បាប់ផងដែរ ។
ទី២-ករណីដែលអាជ្ញាធរថៃបច្ចុប្បន្ន បញ្ជូនពលករខ្មែរខុសច្បាប់មកកម្ពុជា វិញនេះមិនមែនជាលើកទី១នោះទេ ។ កន្លងមកទោះជានៅមុនពេលប្រទេសថៃ គ្រប់គ្រងដោយអាជ្ញាធរយោធាក៏ដោយ ក៏អាជ្ញាធរថៃបានបញ្ជូនពលករខ្មែរខុសច្បាប់មកកម្ពុជាវិញដែរ ដោយជារៀង រាល់២ឬ៣ថ្ងៃម្ដងអាជ្ញាធរថៃបានបញ្ជូនពលករខ្មែរខុសច្បាប់ចំនួនរាប់រយនាក់ មកកម្ពុជាវិញ ។
ទី៣-ក្នុងរយៈពេល៩ថ្ងៃគិតចាប់ពី ថ្ងៃទី១ដល់ថ្ងៃទី៩ ខែមិថុនា ឆ្នាំ២០១៤ អាជ្ញាធរថៃបានបញ្ជូនពលករខ្មែរខុស ច្បាប់ចំនួន៧.៥០៧នាក់មកកម្ពុជាវិញ។
ទី៤-នៅថ្ងៃទី១០ ខែមិថុនា ឆ្នាំ២០១៤ ឯកឧត្ដមអ៊ុង ស៊ាន រដ្ឋលេខាធិការក្រសួង ការបរទេសនិងសហប្រតិបត្ដិការអន្ដរ ជាតិបានជួបពិភាក្សាជាមួយឯកអគ្គរាជ ទូតថៃប្រចាំកម្ពុជាអំពីស្ថានការណ៍ បច្ចុប្បន្ននៅប្រទេសថៃ ។ ក្នុងជំនួប នោះឯកឧត្ដម អ៊ុង ស៊ាន បានស្នើឱ្យភាគី ថៃបញ្ជូនពលករខ្មែរដែលចូលធ្វើការ ខុសច្បាប់នៅក្នុងប្រទេសថៃមកកម្ពុជា វិញមានលក្ខណៈមនុស្សធម៌ដោយមិន ត្រូវដាក់ឱ្យឈរប្រជ្រៀតគ្នាក្នុងរថយន្ដ ទ្រុងព័ទ្ធដោយសំណាញ់ដែកនោះទេ ៕
