|ថ្ងៃទី 19 ឧសភា 2014 ម៉ោង 16:12:26
ខេត្ដរតនគិរី ៖ ក្រុមអាជីវករប្រមាណ ជាង១០០តូបលក់ដូរនៅក្នុងផ្សារបានលុង បាននាំគ្នាតវ៉ានៅមុខស្នាក់ការផ្សារ បានលុងដើម្បីឱ្យប្រធានផ្សារដែលបាន ដេញថ្លៃផ្គត់ផ្គងភ្លើងនៅផ្សារមួយនេះ ខណៈភ្លើងដាច់ស្ទើរគ្រប់ម៉ោងដែល មិនអាចឱ្យពួកគាត់ទ្រាំនឹងភាពក្ដៅ ហប់គ្មានខ្យល់នេះបាន ។
ការតវ៉ារបស់ក្រុមអាជីវករបាន ធ្វើឡើងនៅរសៀលថ្ងៃទី១៩ ខែឧសភា ឆ្នាំ២០១៤ ប៉ុន្ដែការតវ៉ារបស់អាជីវករ ពុំមានអំពើហិង្សាណាមួយកើតឡើង នោះទេ បើទោះបីជាដំណោះស្រាយនៅមានភាពស្រពិចស្រពិលនៅឡើយ ។អាជីវករម្នាក់បាននិយាយថា ភ្លើង អគ្គិសនីនៅក្នុងផ្សារបានលង់ដាច់ស្ទើរ គ្រប់ម៉ោងហើយគីឡូកុងទ័រភ្លើងដើរ លឿនដូចមនុស្សរត់ ។
អាជីវកររូបនេះបញ្ជាក់ថា ភ្លើង ដែរពួកគាត់ប្រើមួយគីឡូវ៉ាត់ស្មើរនឹង ១០០០រៀលលើសពីតម្លៃភ្លើងវារីអគ្គិស នីកម្ពុជាដល់ទៅ៣៣០រៀលក្នុងមួយគីឡូ ឯណោះ ។អាជីវករម្នាក់ទៀតបានអះអាងថា នៅភ្លើងដាច់ម្ដងៗក្រុមអាជីវករលក់ដូរ នៅក្នុងផ្សារបានលុងមិនអាចនាំគ្នាទ្រាំ អង្គុយលក់បានទេ ព្រោះវាក្ដៅខ្លាំងដូច គេស្រុះដកដង្ហើមមិនបានព្រោះគ្មាន ខ្យល់អុកស៊ីសែនពិសេសអាជីវករដែល មានកូនខ្ចីនិងកូនតូច ។
អាជីវករដដែលនេះបានបន្ដថា ប្រសិន បើភ្លើងដាច់ស្ទើរគ្រប់ម៉ោងអ្នកផ្គត់ផ្គង់ ភ្លើងគួរតែរកម៉ាស៊ីនភ្លើងដើម្បីទុកបម្រុង ពេលភ្លើងដាច់ ។ជុំវិញការតវ៉ារបស់អាជីវករនៅផ្សារ ក្រុងបានលុងនេះលោកជៀម សុផាត តំណាងឱ្យអ្នកផ្គត់ផ្គង់ភ្លើងបាននិយាយ ទៅកាន់អ្នកតវ៉ាថា បញ្ហាភ្លើងដាច់នេះ គួរតែក្រុមអាជីវករទៅទាក់ទងជាមួយ ក្រុមហ៊ុនអគ្គិសនី ។លោកបានបន្ដថា បច្ចុប្បន្ននៅក្នុង ផ្សារបានលុងនេះក៏មានម៉ាស៊ីនភ្លើង ត្រៀមបម្រុងដែរ ប៉ុន្ដែម៉ាស៊ីនភ្លើងនោះ វាតូចអូសមិនរួចទេនៅពេលថ្ងៃតែបើ នៅពេលយប់គឺអាចបញ្ឆេះបាន ។
តាមអាជីវករឱ្យដឹងថា ការផ្គត់ផ្គង់ អគ្គិសនីនៅក្នុងផ្សារក្រុងបានលុងនេះ គឺក្រុមហ៊ុនលោកឧកញ៉ា សាលាង ជា អ្នកដេញថ្លៃបានដើម្បីផ្គត់ផ្គង់ដល់អាជីវ ករនៅក្នុងផ្សារទាំងមូល ។ ក៏ប៉ុន្ដែការ ដែលតំណាងរបស់ក្រុមហ៊ុនលោកជាម សុផាត ដែលអះអាងថា ឱ្យប្រជាពលរដ្ឋ ទៅសួរក្រុមហ៊ុបនអគ្គិសនីនោះចម្លើយ នេះដូចជាមិនទទួលខុសត្រូវក្រៅតែ មើលកុងទ័រភ្លើងយកលុយ ។
ពាក់ព័ន្ធនឹងការតវ៉ារបស់ក្រុមអាជីវ ករហើយនៅមិនទាន់ទទួលបានដំណោះ ស្រាយនៅឡើយនោះអ្នកយកព័ត៌មាន នគរវត្ដមិនអាចរកការពន្យល់ពីលោក ឧកញ៉ា សាលាង ប្រធានផ្សារផងនិងជា អ្នកផ្គត់ផ្គង់អគ្គិសនីនៅផ្សារមួយនេះបាន ទេ ថាតើនឹងមានដំណោះស្រាយយ៉ាង ណាដើម្បីកុំឱ្យភ្លើងដាច់? ហើយបើភ្លើង ដាច់ត្រូវមានម៉ាស៊ីនបញ្ឆេះផ្គត់ផ្គង់ភ្លើង ដល់អាជីវករដែរឬទេ? ព្រោះពេលនេះ ជារដូវប្រាំងក្ដៅស្ទើររលាក ៕