Monday, May 19, 2014
ឃួន ជឿនមេបញ្ជាការ វរៈ៥១៥ បើកឱ្យមានច្រក របៀងសម្ងាត់ គឺ“ច្រកដើម ចារ” ដើម្បីរកលាភសក្ការៈ
តាមប្រភពព័ត៌មាន ពីប្រជាពល រដ្ឋ រស់នៅក្បែរព្រំដែនកម្ពុជា-ថៃបាន ឱ្យដឹងថាៈ មានបទល្មើសជាច្រើនបាន និងកំពុងកើតឡើង នៅក្នុងភូមិសាស្ត្រ ដែលគ្រប់គ្រង ដោយវរៈសេនាតូច លេខ៥១៥ នៅស្រុកអូរជ្រៅ ខេត្តបន្ទាយ មានជ័យ ដែលគ្រប់គ្រងដោយលោក វរសេនីយទោឃួន ជឿន ។បទល្មើស ដែលកើតមាន នៅក្នុងភូមិសាស្ត្រខាង លើនេះ មានដូចជា ការនាំចេញ-ចូល នូវទំនិញគេចពន្ធខុសច្បាប់ យ៉ាងអនា-ធិបតេយ្យតាមច្រករបៀងនានា ពី កម្ពុជាឆ្លងទៅថៃ និងពីថៃចូលមក កម្ពុជា ដោយគ្មានការបង្ក្រាបប្ញុទប់ ស្កាត់សោះឡើយ ។ ជាក់ស្តែងកាល ពីថ្ងៃទី១៩ខែមេសាឆ្នាំ ២០១៤ ក្រោយ ចូលឆ្នាំខ្មែរ ក្រុមពលករខ្មែរទាំងហ្វូងៗ ដែលធ្វើចំណាកស្រុក ទៅធ្វើការខុស ច្បាប់ក្នុងទឹកដីថៃ ត្រូវបានគេដឹកយក ទៅស្តុកទុក នៅក្បែរច្រករបៀងសម្ងាត់ ឈ្មោះ“ដើមចារ” ហើយត្រូវបានគេ យករថយន្តថៃ មកដឹកពលករខ្មែរទាំង នោះបន្តចូលទៅក្នុងប្រទេសថៃ យ៉ាង រលូនបំផុត គ្មានការទប់ស្កាត់ពីសមត្ថ កិច្ចប្រចាំការ នៅក្នុងភូមិសាស្ត្រនោះ ឡើយ ។ បើតាមសេចក្តីរាយការណ៍ បានឱ្យដឹងថាៈ នៅចំណុចភូមិអូរបីជាន់ ឃុំអូរបីជាន់ ក្នុងស្រុកអូរជ្រៅ ខេត្ត បន្ទាយមានជ័យ ស្ថិតនៅតំបន់“ប៉ុស្តិ៍ ប្ញុស្សី”ដែលមានឈ្មោះ សុខ ចំរើន ហៅជ័យ ជាអ្នកទទួលខុសត្រូវក្នុងការ ល្បាតត្រួតពិនិត្យ នៅតាមបណ្តោយ ផ្លូវលំ ពីភូមិអូរបីជាន់ ទៅភូមិព្រៃចាន់ ចំណុះឱ្យល្បាត២ នៃវរៈលេខ៥១៥នេះ មានការលួចលាក់ បង្កើតឡើងនូវច្រក សម្ងាត់មួយកន្លែងមានឈ្មោះថា ៖ “ច្រកដើមចារ” នៅជាប់ព្រំប្រទល់ ភូមិណូនម៉ាក់មុន ស្រុកគោកស៊ួង ខេត្ត ស្រះកែវ នៃប្រទេសថៃឡង់ដ៍ ។ច្រក សម្ងាត់បំបែកថ្មីឈ្មោះ ដើមចារនេះ ត្រូវបានគេឃុបឃិតគ្នា ជាលក្ខណៈ ប្រព័ន្ធ ដឹកពលករខ្មែរចំណាកស្រុកជា ច្រើននាក់យកទៅលាក់ទុក នៅក្បែរ ច្រកសម្ងាត់ខាងលើ ដោយមានឈ្មោះ ជា ជាអ្នកទទួលខុសត្រូវក្នុងការទាក់ ទងជាមួយថៃ ដើម្បីយករថយន្តមក ដឹកជញ្ជូនបន្តពីកន្លែងសម្ងាត់នោះ ជា បន្តបន្ទាប់ ស្ទើររាប់មិនអស់។ ការ ដឹកជញ្ជូនក្រុមពលករ ចេញពីស្រុកខ្មែរ ទៅស្រុកសៀម នៅកន្លែងច្រកសម្ងាត់ ថ្មីដើមចារនេះ មានថៅកែថៃមករាប់ ក្បាលមនុស្សយកលុយ ក្នុងម្នាក់ៗចំនួន ២៥០០បាត(ប្រាក់ថៃ)។ ទីតាំងច្រក សម្ងាត់ដើមចារនេះ មិនមែនចេះតែ មានអ្នកសារព័ត៌មាន អាចចូលទៅថត ពីសកម្មភាព នៃការប្រព្រឹត្តល្មើសច្បាប់ បានដោយស្រួលៗទេ គឺមានការគម្រាម កំហែងថាៈ វាប៉ះពាល់ដល់ព័ត៌មាន សន្តិសុខជាតិ ពិសេសទីតាំងយោធា ។ តែង្រ់ថាៈ គេបើកឱ្យមានបទល្មើស ហេតុអ្វីគេមិនគិតថាៈ ប៉ះពាល់ដល់ ទីតាំងយោធានិងសន្តិសុខជាតិ?! ។ សូមបញ្ជាក់ថា ៈ ក្រៅពីច្រកសម្ងាត់ ដើមចារក្នុងភូមិសាស្ត្រអូរបីជាន់ ដែល គ្រប់គ្រងដោយវរៈ៥១៥នេះ ក៏មានបទ ល្មើសនាំទំនិញគេចពន្ធ និងហាមឃាត់ ផងដែរ ។ប្រជាពលរដ្ឋរស់នៅក្នុងភូមិ ឃុំអូរបីជាន់ បានឱ្យដឹងថាៈមិនថាថ្ងៃ ប្ញុយប់ជ្រៅនោះទេ នៅច្រករបៀង ដែលគ្រប់គ្រង ដោយទាហានកងពល ៥១ បានបើកឱ្យមានទំនិញគេចពន្ធនាំ ចេញពីប្រទេសថៃ ចូលមកកម្ពុជា យ៉ាងគគ្រឹកគគ្រេង ជាងច្រកតំបន់បឹង ត្រកួន និងម៉ាឡៃទៅទៀត ។ប្រភព បន្តថាៈទំនិញភាគច្រើន ដែលនាំចូល តាមច្រកនេះមានដូចជា មាន់ ទា ជ្រូក គោក្របី និងទំនិញផ្សេងៗជាច្រើនមុខ ទៀត ។ ការនាំចូលទំនិញទាំងនេះគឺ ធ្វើឡើងនៅពេលយប់ជ្រៅ តាមរថ យន្តនីសាន់ ទួរីស និងរថយន្តកាមរី រាប់សិបឡាន ។ លោក ហ៊ុយ ទូច ប្រធានការិយាល័យ បសុពេទ្យខេត្ត បន្ទាយមានជ័យ បានឱ្យដឹងថាៈជាមួយ នឹងការនាំចូលមាន់ ទា ជ្រូក គោ ក្របី សមត្ថកិច្ចរបស់លោក ពុំដែលនៅស្ងៀម នោះទេ គឺតែងតែចេញបង្ក្រាបបានជា បន្តបន្ទាប់ តែការបង្ក្រាបនេះនៅមិន ទាន់មានប្រសិទ្ធភាពទេ ព្រោះការនាំ ចូលទំនិញខាងលើ ពីសំណាក់ក្រុម ឈ្មួញក្នុងខេត្តបន្ទាយមានជ័យនេះ មាន ច្រករបៀងជាច្រើន ដែលគ្រប់គ្រង ដោយសមត្ថកិច្ច តាមបន្ទាត់ព្រំដែន ដូច្នេះ សម្រាប់ជំនាញរបស់បសុពេទ្យ គឺពិបាកខ្លាំងណាស់ក្នុងការបង្ក្រាប ។ លោក ហ៊ុយ ទូច បន្តទៀតថាៈច្រកអូរ បីជាន់ ឥឡូវសម្បូរទៅដោយមាន់ ទា ជ្រូក គោក្របី នាំចូល លោកបានដាក់ កម្លាំងចាំបង្ក្រាបជាញឹកញាប់ ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា ក៏ដូចជាឯកឧត្តមនាយ ឧត្តមសេនីយ៍ ទៀ បាញ់ ឧបនាយក រដ្ឋមន្ត្រី រដ្ឋមន្ត្រីក្រសួងការពារជាតិ និង ឯកឧត្តម ឧត្តមសេនីយ៍ឯកប៊ុន សេង មេបញ្ជាការយោធភូមិភាគទី៥ ព្រម ទាំងឯកឧត្តម គោ ស៊ុំសារឿត អភិបាល នៃគណៈ អភិបាលខេត្តបន្ទាយមានជ័យ តែងតែបានដាក់បញ្ជា យ៉ាងតឹងរ៉ឹង ម៉ឺងម៉ាត់បំផុត ឱ្យអស់លោកសមត្ថកិច្ច ពាក់ពាន់ទាំងអស់ ដែលមានតួនាទី ប្រចាំការ នៅតាមច្រកព្រំដែននានា ត្រូវតែសហការគ្នាបង្ក្រាប ទប់ស្កាត់ រាល់បទល្មើសគ្រប់ប្រភេទ ឱ្យមាន ប្រសិទ្ធភាព ដោយមិនត្រូវយកតួននាទី របស់ខ្លួន ទៅឃុបឃិតឱ្យមានការ ប្រព្រឹត្តបទល្មើសនោះឡើយ ហើយបើ មន្ត្រីសមត្ថកិច្ចណា នៅតែហ៊ានប្រព្រឹត្ត ផ្ទុយពីបទបញ្ជានេះ ត្រូវតែទទួលខុស ត្រូវចំពោះមុខច្បាប់ដោយខ្លួនឯង និង គ្មានការលើកលែងជាដាច់ខាត ។ចុះ បើគេឃើញមានបទល្មើស ជាក់ស្តែង បែបនេះ មានន័យថាៈសម្តីនិងបទបញ្ជា ថ្នាក់លើគ្មានតម្លៃហើយ ។!, ដោយៈមាតុភូមិ, Comment closed