បុគ្គលិកក្រុមហ៊ុនប្រេងឥន្ធនៈកាល់តិច (CALTEX) ប្រមាណជា២៦សាខា ទូទាំងប្រទេសកម្ពុជា ធ្វើផ្ទុះកូដកម្មព្រមគ្នា នៅថ្ងៃចន្ទនេះ ដើម្បីទាមទារឲ្យថៅកែក្រុមហ៊ុនដំឡើងប្រាក់ឈ្នួលគោល១៦០ដុល្លារ និងផ្តល់មប្រាក់ខែទី១៣ដល់បុគ្គលិកដូចមុន។តំណាងបុគ្គលិកប្រចាំស្ថានីយកាល់តិច សាខាស្តុបបូកគោ លោក យស់ ពិសិដ្ឋ ប្រាប់ VOD ថា នៅព្រឹកថ្ងៃចន្ទនេះ បុគ្គលិកធ្វើការនៅក្រុមហ៊ុនកាល់តិចប្រមាណជា២៦សាលា នៅតាមបណ្តាខេត្តរាជធានី នាំគ្នាតវ៉ាទាមទារប្រាក់ខែគោលចំនួន ១៦០ដុល្លារ និងប្រាក់ខែទី១៣ ដូចមុន។ លោកថា បុគ្គលិកធ្វើការនៅសាខាកាល់តិចស្តុបបូកគោប្រមាណជាង៤០នាក់ ខ្លះជាបុគ្គលិកផ្នែកចាក់សាំង ផ្នែកគិតលុយ និងផ្នែកសម្អាត បានដាក់ពាក្យស្នើឲ្យមានការដំឡើងប្រាក់ខែទៅប្រធានក្រុមហ៊ុន តែមិនមានការអើពើ។ លោកបន្ថែមថា កាលពីមុនពួកលោកទទួលបានប្រាក់ខែទី១៣ តែចាប់ពីឆ្នាំ២០០៥ ក្រុមហ៊ុនបានបញ្ឈប់ការផ្តល់ប្រាក់ខែទី១៣នេះ ខណៈដែលក្រុមហ៊ុនដំឡើងប្រាក់ខែតែបន្តិចបន្តួច។
តំណាងបុគ្គលិកប្រចាំស្ថានីយកាល់តិច សាខាទល់មុខស្ថានទូតចិន លោក សំអុល ប្រាប់ថា បុគ្គលិកក្រុមហ៊ុនទាំងអស់បានតវ៉ាតាំងពីម៉ោង៥ព្រឹកម្ល៉េះ តែរហូតមកដល់ពេលនេះ មិនឃើញមានតំណាងក្រុមហ៊ុនចេញមកដោះស្រាយនៅឡើយ។ លោកថា បុគ្គលិកទាំងអស់នឹងបន្តទាមទារដោយមិនធ្វើការ រហូតដល់មានដំណោះស្រាយសមស្រប។
ការធ្វើកូដកម្មរបស់បុគ្គលិកក្រុមហ៊ុនកាល់តិចនេះ នៅព្រឹកនេះ ក៏បានធ្វើឲ្យអាជីវកម្មលក់សាំងរបស់ស្ថានីយ៍ប្រេងឥន្ទនៈមួយនេះ ផ្អាក់ដំណើរការផងដែរ។
VOD មិនអាចទាក់ទងប្រធានគ្រប់គ្រងក្រុមហ៊ុនកាល់តិចប្រចាំតំបន់ លោក អឿង វណ្ណៈ បានទេ...
*** កំណត់សម្គាល់ ***
ព័ត៍មាននេះ ផ្សព្វផ្សាយ ជាសាធារណៈ នៅ ម៉ោង10:17 ថ្ងៃទី12 ខែ05 ឆ្នាំ2014 ដោយ គេហទំព័រ សារព័ត៌មានខ្មែរ VoD ។ សូមបញ្ចាក់ថា ទិន្នន័យខាងលើ អាចត្រូវបាន កែប្រែរ ឬ លុប ដោយ ម្ចាស់នៃព័ត៍មាន ហើយ Khmer-News.Org មិនមែនជាភាគីគ្រប់គ្រង ឬ ទទូលខុសត្រូវឡើយ។ អំពី បញ្ហាផ្សេងៗ ឬ កំរិតជំនឿទុកចិត្ត នៃ ព័ត៍មាននេះ សូមទាក់ទង ទៅ សារព័ត៌មាន VoD ។
ព័ត៍មាននេះ ផ្សព្វផ្សាយ ជាសាធារណៈ នៅ ម៉ោង10:17 ថ្ងៃទី12 ខែ05 ឆ្នាំ2014 ដោយ គេហទំព័រ សារព័ត៌មានខ្មែរ VoD ។ សូមបញ្ចាក់ថា ទិន្នន័យខាងលើ អាចត្រូវបាន កែប្រែរ ឬ លុប ដោយ ម្ចាស់នៃព័ត៍មាន ហើយ Khmer-News.Org មិនមែនជាភាគីគ្រប់គ្រង ឬ ទទូលខុសត្រូវឡើយ។ អំពី បញ្ហាផ្សេងៗ ឬ កំរិតជំនឿទុកចិត្ត នៃ ព័ត៍មាននេះ សូមទាក់ទង ទៅ សារព័ត៌មាន VoD ។
