ខេត្ដបន្ទាយមានជ័យ ៖ យុវជនម្នាក់បើកបរម៉ូតូចេញពីស្រុកស្វាយចេក ត្រឡប់ទៅធ្វើការនៅស្រុកម៉ាឡៃ ក្នុង សភាពផ្លូវងងឹតហើយប្រើល្បឿនលឿន មកដល់ពាក់កណ្ដាលផ្លូវសង្ស័យចាំងភ្លើងរថយន្ដដែលបើកបរបញ្ច្រាសទិស គ្នា ធ្វើឱ្យជនរងគ្រោះមើលមិនឃើញ រថយន្ដមួយគ្រឿងទៀតដែលអស់ប្រេង ចតនៅលើចិញ្ចើមផ្លូវក៏បានជ្រុលបុកពី ក្រោយពេញទំហឹង បណ្ដាលឱ្យជនរង គ្រោះស្លាប់ពេលបញ្ជូនទៅមន្ទីរពេទ្យ ។
ហេតុការណ៍គ្រោះថ្នាក់ចរាចរណ៍ដ៏ គួរឱ្យរន្ធត់នេះ បានកើតឡើងកាលពី វេលាម៉ោង៥និង៣០នាទីព្រឹកថ្ងៃទី១២ ខែឧសភា ឆ្នាំ២០១៤ នៅលើកំណាត់ផ្លូវ ជាតិលេខ៥ ស្ថិតក្នុងភូមិសូរិយាថ្មី ឃុំ កូប ស្រុកអូរជ្រៅ ខេត្ដបន្ទាយមានជ័យ។
បើតាមប្រភពពីនគរបាលចរាចបានឱ្យដឹងថា ជនរងគ្រោះឈ្មោះ អូន រដ្ឋា ភេទប្រុស អាយុ១៩ឆ្នាំ មានទីលំនៅភូមិ គោករកា ឃុំតាបែន ស្រុកស្វាយចេក ជាបុគ្គលិក ធនាគារមួយប្រចាំនៅស្រុក ម៉ាឡៃ ខេត្ដបន្ទាយមានជ័យ ។
នគរបាលខាងលើបានបន្ដថា មុនពេលកើតហេតុ ជនរងគ្រោះបានជិះ ម៉ូតូចេញទៅលេងផ្ទះនៅស្រុកស្វាយចេក ហើយដើមសបា្ដហ៍ព្រឹកថ្ងៃច័ន្ទ ជនរងគ្រោះ បានក្រោកជិះម៉ូតូត្រឡប់ទៅធ្វើការនៅ ស្រុកម៉ាឡៃបើកបរក្នុងល្បឿនលឿនមក ដល់កំណាត់ផ្លូវជាតិលេខ៥ក្នុងទិសដៅ ពីកើតទៅលិច ។ លុះមកដល់ចំណុច កើតហេតុទំនងជាចាំងភ្លើងហ្វារថយន្ដ ដែលបើកបរច្រាសទិសគ្នា ធ្វើឱ្យជនរង គ្រោះមើលរថយន្ដអស់ប្រេងចតនៅលើចិញ្ចើមផ្លូវមិនឃើញក៏បុកតែម្ដង ។ រថយន្ដដែលជនរងគ្រោះបុកម៉ាក ហ៊ីយ៉ាន់ដាយ ពណ៌ស លាយខៀវ ពាក់ ស្លាកលេខភ្នំពេញ 3A-9720 ដែលតាម អ្នកស្រុកអះអាងថា រថយន្ដខាងលើនេះ បានអស់ប្រេងហើយអ្នកបើកបរចតនៅលើចិញ្ចើមផ្លូវ។ចំណែកម៉ូតូជនរងគ្រោះម៉ាកហុងដាសេ១២៥ ស៊េរីឆ្នាំ២០១១ ពណ៌ខ្មៅ ពាក់ស្លាកលេខ បន្ទាយមាន ជ័យ1G-7398 ខូចខាតផ្នែកខាងមុខទាំង ស្រុង ។
ក្រោយពីកើតហេតុនគរបាលចរាចរបានចុះទៅវាស់វែងនិងស្រាវជ្រាវរក ក្រុមគ្រួសារសាច់ញាតិជនរងគ្រោះ ហើយមកដល់ពេលនេះសមត្ថកិច្ចបាន រកឃើញនិងប្រគល់សាកសពជនរង គ្រោះឱ្យទៅក្រុមគ្រួសាររួចហើយដើម្បីយកសាកសពទៅធ្វើបុណ្យតាមប្រពៃណី។ ចំណែកម៉ូតូនិងរថយន្ដត្រូវបានសមត្ថ កិច្ចនគរបាលចរាចយកទៅរក្សាទុកនៅអធិការដ្ឋាននគរបាលស្រុកអូរជ្រៅដើម្បីរង់ចាំការដោះស្រាយនាពេលក្រោយ ៕
.jpg)
