|ថ្ងៃទី 19 ឧសភា 2014 ម៉ោង 15:59:53
នៅព្រឹកថ្ងៃទី១៩ ខែឧសភា ដែលជាថ្ងៃទី២នៃការអញ្ជើញចូលរួមកិច្ចប្រជុំ កំពូលលើកទី៤នៃសន្និសីទអន្ដរសកម្មភាព និងវិធានការកសាងទំនុកចិត្ដនៅអាស៊ីនៅទីក្រុងសៀងហៃសាធារណរដ្ឋប្រជាមានិតចិនសម្ដេចតេជោ ហ៊ុន សែន សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន និងគណៈប្រតិភូជាន់ខ្ពស់រាជរដ្ឋាភិបាលកម្ពុជាអញ្ជើញទស្សនាវិទ្យាស្ថានរចនាយន្ដហោះក្នុងទីក្រុងសៀងហៃនៃ សាធារណរដ្ឋប្រជាមានិតចិន ។
វត្ដមាននៃការអញ្ជើញដល់របស់ សម្ដេចតេជោត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរាក់ទាក់ពី សំណាក់ថ្នាក់ដឹកនាំ បុគ្គលិក និងកម្មករ នៃវិទ្យាស្ថានស្រាវជ្រាវរចនាយន្ដហោះ សៀងហៃ ។
តាមការអះអាងពីប្រធានផ្នែកវិទ្យាស្ថានស្រាវជ្រាវរចនាយន្ដហោះបានឱ្យ ដឹងថា វិទ្យាស្ថាននេះត្រូវបានរដ្ឋាភិបាល ចិនអនុញ្ញាតឱ្យធ្វើការសាងសង់នៅ ចំកណ្ដាលទីក្រុងសៀងហៃនិងដាក់ឱ្យ ដំណើរការជាផ្លូវការនៅឆ្នាំ២០០៨ដែលមានបុគ្គលិកបម្រើការងារនៅការិយា ល័យកណ្ដាលជាង៣ពាន់នាក់ និងមាន សាខានៅតាមទីកន្លែងប្រតិបត្ដិជាច្រើនម៉ឺននាក់ ។
មជ្ឈមណ្ឌលកណ្ដាលនៃវិទ្យាស្ថាន ស្រាវជ្រាវនេះមានភារកិច្ចធ្វើការសិក្សាស្រាវជ្រាវទៅលើរបកគំហើញថ្មីនៃប្រព័ន្ធ បច្ចេកវិទ្យាយន្ដហោះក្នុងសម័យកាល ទំនើប ពិសេសសិក្សាទៅលើសោភណ ភាពយន្ដហោះ ប្រព័ន្ធការពារសុវត្ថិភាព ប្រព័ន្ធទិន្នន័យសម្ភារ បរិក្ខារសម្រាប់ បម្រើសេវាអតិថិជនរួមទាំងរចនាសម្ព័ន្ធដទៃទៀតដែលជាសេចក្ដីត្រូវការរបស់មនុស្សសម័យទំនើប ។
ក្នុងឱកាសនៃការអញ្ជើញចុះពិនិត្យ ដោយផ្ទាល់នោះសម្ដេចតេជោនិង សម្ដេចកិត្ដិព្រឹទ្ធបណ្ឌិតបានតាមដាន យ៉ាងយកចិត្ដទុកដាក់ពីការពន្យល់ណែនាំ ពីរចនាសម្ព័ន្ធនានាក្នុងវិទ្យាស្ថានស្រាវ ជ្រាវរចនាយន្ដហោះ ។
ប្រធានផ្នែកនៃវិទ្យាស្ថានស្រាវជ្រាវមានប្រសាសន៍ឱ្យដឹងថា វិទ្យាស្ថានស្រាវ ជ្រាវនេះមានការប្រកួតប្រជែងខ្លាំង ណាស់ជាមួយនឹងដៃគូវិនិយោគរបស់ បរទេស ហើយនៅក្នុងវិទ្យាស្ថាននេះបាន ធ្វើការសិក្សាស្រាវជ្រាវនូវប្រភេទយន្ដ ហោះសម័យទំនើបចំនួន២ប្រភេទដែលជាតម្រូវការរបស់អតិថិជនក្នុងសម័យ ទំនើបនេះគឺ ទី១-ប្រភេទយន្ដហោះដែល ផ្ទុកកៅអីចំណុះក្រោម៥០កៅអី និងទី២-ប្រភេទយន្ដហោះដែលមានផ្ទុកកៅអី ចំណុះក្រោម២០០កៅអី ។
ប្រធានផ្នែកទីផ្សារក៏បានឱ្យដឹងដែរថា នៅក្នុងឆ្នាំ២០១៤នេះមានការបញ្ជាទិញ នូវប្រភេទទាំងពីរប្រភេទនេះជាង៣០០ គ្រឿងដែលជាអតិថិជនមកពីជុំវិញពិភពលោក ។ វិទ្យាស្ថាននេះនឹងផលិតប្រភេទ យន្ដហោះទំនើបៗនិងបច្ចេកវិទ្យាចុង ក្រោយគេបំផុតតាមរយៈការបញ្ជាទិញពីដៃគូវិនិយោគនិងអតិថិជនដែលជាអ្នកប្រើប្រាស់ជាប្រភេទឯកជននិងសម្រាប់ បម្រើសេវាកម្មផ្សេងៗលើការងារជំនួញ។
នៅក្នុងឱកាសនៃការអញ្ជើញទស្សនាដល់ទីកន្លែងនៃវិទ្យាស្ថានស្រាវជ្រាវនោះ សម្ដេចតេជោ ហ៊ុន សែន និងសម្ដេច កិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន មានប្រសាសន៍ថ្លែងអំណរគុណយ៉ាង ជ្រាលជ្រៅបំផុតជូនចំពោះថ្នាក់ដឹកនាំ មន្ដ្រីបុគ្គលិក និងអ្នកស្រាវជ្រាវទាំងអស់ ដែលបានចំណាយពេលវេលាដ៏មាន តម្លៃបំផុតអនុញ្ញាតឱ្យសម្ដេចនិងគណៈ ប្រតិភូអញ្ជើញមកទស្សនាដល់ទីកន្លែង នៃវិទ្យាស្ថានស្រាវជ្រាវនេះ ។
សម្ដេចតេជោក៏បានសម្ដែងការវាយតម្លៃខ្ពស់និងកោតសរសើរជូនចំពោះ អ្នកស្រាវជ្រាវទាំងអស់ក្នុងវិទ្យាស្ថានដែល បានខិតខំពុះពាររាល់ការលំបាកក្នុងការសិក្សាស្រាវជ្រាវរកនូវរបកគំហើញថ្មីៗ តួយ៉ាងដូចជាការសិក្សាទៅលើសោភណភាពយន្ដហោះ ប្រព័ន្ធការពារសុវត្ថិភាព ប្រព័ន្ធទិន្នន័យសម្ភារបរិក្ខារសម្រាប់ បម្រើសេវាអតិថិជនរួមទាំងរចនាសម្ព័ន្ធ ដទៃទៀតដែលជាសេចក្ដីត្រូវការរបស់មនុស្សសម័យទំនើប ។
សម្ដេចតេជោមានប្រសាសន៍បន្ដថា កិច្ចខិតខំប្រឹងប្រែងពីសំណាក់អ្នកស្រាវ ជ្រាវទាំងអស់នៅទីនេះបានបង្ហាញឱ្យឃើញ ថាគ្រឿងសម្ភារបរិក្ខារនិងបច្ចេកវិទ្យា ទំនើបដែលចេញពីវិទ្យាស្ថាននេះនឹងទទួល បានការប្រកួតប្រជែងជាមួយទីផ្សារអន្ដរជាតិនិងទទួលនូវចំណាត់ថ្នាក់ឈានមុខ គេនៅថ្ងៃអនាគតដ៏ខ្លីខាងមុខ ។
តំណាងផ្នែកគ្រប់គ្រងនៃវិទ្យាស្ថាន មានប្រសាសន៍ថ្លែងអំណរគុណយ៉ាង ជ្រាលជ្រៅបំផុតជូនចំពោះសម្ដេចតេជោ និងសម្ដេចកិត្ដិព្រឹទ្ធបណ្ឌិត ព្រមទាំងគណៈ ប្រតិភូជាន់ខ្ពស់រាជរដ្ឋាភិបាលកម្ពុជា ទាំងអស់ដែលបានចំណាយពេលវេលាដ៏មានតម្លៃអញ្ជើញមកទស្សនាវិទ្យាស្ថានស្រាវជ្រាវរចនាយន្ដហោះដែលនោះ បានបង្ហាញឱ្យឃើញពីការយកចិត្ដទុក ដាក់និងការជំរុញលើកទឹកចិត្ដដ៏ខ្ពង់ខ្ពស់បំផុតពីសំណាក់សម្ដេចតេជោដល់ថ្នាក់ដឹកនាំបុគ្គលិកនៃវិទ្យាស្ថាននេះបន្ដធ្វើ ការសិក្សាជ្រាវជ្រាវពីរបកគំហើញថ្មីៗ ថែមទៀត ពិសេសពីបច្ចេកវិទ្យាទំនើប ចុងក្រោយបំផុតរបស់ពិភពលោកដើម្បីបម្រើឱ្យសេចក្ដីត្រូវការរបស់អតិថិជន និងអ្នកប្រើប្រាស់ទាំងអស់ក្នុងពិភពលោក។
សូមបញ្ជាក់ថា នៅក្នុងសាកលភាវូ បនីយកម្មដ៏ទំនើបនេះប្រទេសចិនបាន ក្លាយជាប្រទេសសេដ្ឋកិច្ចដ៏ធំលំដាប់ទី២លើពិភពលោកបន្ទាប់ពីសហរដ្ឋអាមេ រិក ។ បច្ចេកវិទ្យានិងសម្ភារបរិក្ខារដែល ប្រជាជននៅទូទាំងពិភពលោកប្រើប្រាស់នៅពេលបច្ចុប្បន្ននេះត្រូវបានសិក្សាស្រាវ ជ្រាវនិងផលិតចេញពីប្រទេសចិន ។
បច្ចេកវិទ្យានិងសម្ភារបរិក្ខារទាំង អស់នោះទទួលបានការនិយមចូលចិត្ដ និងការប្រើប្រាស់ពីសំណាក់អតិថិជន និង អ្នកប្រើប្រាស់ផងទាំងពួង ពិសេសបច្ចេក វិទ្យានិងសម្ភារទាំងអស់នោះត្រូវបាន ផលិតឡើងតាមបទដ្ឋាននិងតាមស្ដង់ដារ អន្ដរជាតិ ពិសេសមានសុវត្ថិភាពនិង មានគុណភាពខ្ពង់បំផុត ។
ប្រធានទីផ្សារនៃវិទ្យាស្ថានស្រាវជ្រាវ បានឱ្យដឹងថា នៅថ្ងៃអនាគតវិទ្យាស្ថាន នេះនឹងផលិតសម្ភារបរិក្ខារទំនើបទាន់ សម័យដើម្បីបម្រើឱ្យក្រុមហ៊ុនអាកាសចរណ៍របស់ប្រទេសកម្ពុជាផងដែរ ។
គួរបញ្ជាក់ថា ទីក្រុងសៀងហៃមាន ផ្ទៃក្រឡា៦.៣៤០គីឡូម៉ែត្រការ៉េនិង មានផ្ទៃទឹកក្នុងក្រុង៦៩៧គីឡូម៉ែត្រការ៉េ មានប្រជាជនរស់នៅចំនួនជាង២៤លាននាក់ ។ សៀងហៃគឺជាទីក្រុងលំដាប់ទី១ក្នុង ប្រទេសចិននិងជាទីក្រុងទី១ក្នុងពិភព លោកដង់ស៊ីតេនៃប្រជាជនរស់នៅប្រមាណ ៣ពាន់៨០០នាក់ក្នុង១គីឡូម៉ែត្រការ៉េ កំណើនGDPនៃផលទុនសរុបប្រមាណ ៣៥២,៣៦ពាន់លានដុល្លារអាមេរិកក្នុង១ឆ្នាំក្នុងនោះGDPសម្រាប់មនុស្សម្នាក់ប្រមាណ១៤ពាន់៨៦២ដុល្លារអាមេរិក។ សៀងហៃគឺជាទីក្រុងសេដ្ឋកិច្ចពាណិជ្ជ កម្ម ឧស្សាហកម្មនិងទេសចរណ៍ដ៏សំខាន់ លំដាប់ទី១របស់ប្រទេសចិន ។
ការអភិវឌ្ឍទីក្រុងសៀងហៃត្រូវបាន ធ្វើឡើងយ៉ាងឆាប់រហ័សបំផុតបើប្រៀបធៀបទៅនឹងទីក្រុងសំខាន់ៗដទៃទៀតក្នុង ប្រទេសចិនដោយសារតែសៀងហៃគឺជាទីក្រុងដែលមានសក្ដានុពលសេដ្ឋកិច្ច ពាណិជ្ជកម្ម ឧស្សាហកម្ម សេវាកម្ម និងផ្នែកដទៃទៀតមានភាពប្រទាក់ក្រឡាគ្នាបំផុត ។
នៅក្នុងឱកាសនៃការអញ្ជើញទស្សនាវិទ្យាស្ថានស្រាវជ្រាវរចនាយន្ដហោះនោះ ដែរសម្ដេចអគ្គមហាសេនាបតីតេជោហ៊ុន សែន អញ្ជើញឡើងបញ្ជាការហោះ ហើរយន្ដហោះនៅក្នុងបន្ទប់ពិសោធន៍នៃការហោះហើរយន្ដហោះគ្រប់ប្រភេទ ។
នៅក្នុងឱកាសនៃការអញ្ជើញទស្សនាវិទ្យាស្ថានស្រាវជ្រាវរចនាយន្ដហោះនោះ ដែរសម្ដេចអគ្គមហាសេនាបតីតេជោហ៊ុន សែន អញ្ជើញឡើងបញ្ជាការហោះ ហើរយន្ដហោះនៅក្នុងបន្ទប់ពិសោធន៍នៃការហោះហើរយន្ដហោះគ្រប់ប្រភេទ ។
បើតាមការអះអាងពីប្រធានផ្នែកនៃបន្ទប់ពិសោធន៍បានឱ្យដឹងថា គ្រប់ប្រភេទ យន្ដហោះទាំងអស់ដែលបានសិក្សាស្រាវជ្រាវនិងផលិតឡើងរួចហើយនោះត្រូវ បានត្រួតពិនិត្យយ៉ាងសម្រិតសម្រាំង ពីលក្ខណៈបច្ចេកទេសនិងប្រព័ន្ធសុវត្ថិ ភាពគ្រប់បែបយ៉ាងពីបន្ទប់ពីសោធន៍ នេះមុននិងយកទៅដំណើរការជាផ្លូវការ នៅលើសេវាកម្មនៃការហោះហើររបស់យន្ដហោះនីមួយៗ ។
បន្ទប់ពិសោធន៍នេះត្រូវបានធ្វើឡើងដូចគ្នាទៅនឹងការបើកបរយន្ដហោះ ជាក់ស្ដែងផងដែរ ដោយសារនៅក្នុង បន្ទប់ពិសោធន៍នោះត្រូវបានស្ថាបនា ឡើងដូចគ្នាទៅនឹងបន្ទប់ត្រួតពិនិត្យការ ហោះហើរ បន្ទប់បញ្ជាការរត់ឡើងការ រត់ចុះ សេវាបើកបរនៅលើអាកាស ពេលថ្ងៃ ពេលយប់ និងគ្រប់ទីកន្លែងទាំងអស់ផងដែរ ។
សាធារណរដ្ឋប្រជាមានិតចិនមាន ផ្ទៃដីទំហំ៩លាន៥៩៦ពាន់៩៦១គីឡូម៉ែត្រ ការ៉េមាន២៣ខេត្ដ តំបន់ស្វយ័តចំនួន៥ និងតំបន់រដ្ឋបាលពិសេសចំនួន២និង មានប្រជាពលរដ្ឋរស់នៅចំនួនជាង១ ពាន់៣៥៨លាននាក់ពោលគឺកំណើនប្រជា ពលរដ្ឋរស់នៅមានការកើនឡើងប្រមាណ ០,៤៧៩ភាគរយក្នុងឆ្នាំ២០១១ ។
នៅក្នុងស្ថានភាពសេដ្ឋកិច្ចប្រទេស ចិនមានកំណើនសេដ្ឋកិច្ចដែលជាផលិតផលក្នុងស្រុក (GDP) ៧,៨ភាគរយក្នុង ឆ្នាំ២០១២ក្នុងនោះផលិតផលក្នុងស្រុកសម្រាប់មនុស្សម្នាក់ប្រមាណ៩១០០ ដុល្លារក្នុងឆ្នាំ២០១២ ។ ជាមួយកំណើន នេះការរីកចម្រើនលើវិស័យកសិកម្ម មានកំណើន៩,៧ភាគរយវិស័យឧស្សា ហកម្មមាន៤៦,៦ភាគរយនិងលើវិស័យ សេវាកម្មមាន៤៣,៧ភាគរយ ។ ចិន បានក្លាយជាប្រទេសមហាអំណាចសេដ្ឋកិច្ចទី២លើពិភពលោកជំនួសប្រទេសជប៉ុនចាប់តាំងពីឆ្នាំ២០១០រហូតមកដល់បច្ចុប្បន្ន ។
នៅក្នុងកិច្ចប្រជុំសភាតំណាងប្រជា ជនទូទាំងប្រទេសចិនលើកទី១២នីតិកាល ទី១កាលពីថ្ងៃទី៥ ដល់ថ្ងៃទី១៧ ខែមីនា ឆ្នាំ២០១៣បានបោះឆ្នោតជ្រើសតាំង លោក Yu Zheng Sheng ជាប្រធាន សភាប្រឹក្សានយោបាយប្រជាជនចិន, លោក ចាង តេជាង ជាប្រធានសភា ប្រជាជនចិន, លោក ស៊ី ជិនពីង ជា អគ្គលេខាធិការបក្សប្រធានគណៈកម្ម ការយោធាមជ្ឈិមនៃបក្សកុម្មុយនីស្ដចិន និងជាប្រធានាធិបតី និងលោក លី ខឺជាំង ជានាយករដ្ឋមន្ដ្រីនៃសាធារណ រដ្ឋប្រជាមានិតចិន ។ ប្រទេសចិននិង ប្រទេសកម្ពុជាមានទំនាក់ទំនងគ្នាយ៉ាង ជិតស្និទ្ធពីមួយថ្ងៃទៅមួយ ជាពិសេស បន្ទាប់ពីប្រទេសទាំង២បានជំរុញទំនាក់ ទំនងកិច្ចសហប្រតិបត្ដិការក្នុងភាពជា ដៃគូយុទ្ធសាស្ដ្រគ្រប់ជ្រុងជ្រោយក្នុងរយៈពេលដ៏ខ្លីមកនេះ ។ ជាមួយនឹងការរីក ចម្រើននិងកិច្ចសហប្រតិបត្ដិការនៃ ប្រទេសទាំង២បានផ្លាស់ប្ដូរដំណើរទស្សនកិច្ចពីគ្នាទៅវិញទៅមកនៅគ្រប់កម្រិត ទាំងអស់សំដៅធ្វើយ៉ាងណាឱ្យទំនាក់ទំនង និងកិច្ចសហប្រតិបត្ដិការនៃប្រទេសទាំង២ឈានដល់ចំណុចកំពូលថ្មីមួយទៀត ៕