Saturday, May 31, 2014
សមត្ថកិច្ចប៉េអឹមចាប់បានថ្នាំញៀនយ៉ាម៉ាជាង២ម៉ឺនគ្រាប់ និងខេទឹកកកជិតកន្លះគីឡូក្រាមនភប៉ោយប៉ែត
បន្ទាយមានជ័យ៖កាលពីវេលាម៉ោង០៩និង០០នាទីព្រឹកព្រឹកថ្ងៃទី២៥ឧសភាឆ្នាំ២០១៤កម្លាំងសមត្ថកិច្ចមូលដ្ឋានរាជអាវុធហត្ថក្រុងប៉ោយប៉ែតបានធើ្វសកម្មភាពដេញតាមប្រមាញ់ក្រុមអ្នករកស៊ីគ្រឿងញៀនខ្នាតយក្សនៅក្រុងប៉ោយប៉ែតខេត្តបន្ទាយមានជ័យជាយដែនខ្មែរថៃ ។ កម្លាំងបានតាមរហូតកំណត់បានមុខសញ្ញាច្បាស់ហើយបានធើ្វសកម្មភាពឆ្មក់ចូលឆែកក្នុងផ្ទះមួយកន្លែងស្ថិតនៅភូមិព្រៃព្រឹចសង្កាត់ និងក្រុងប៉ោយប៉ែតដកហូតបានថ្នាំញៀនយ៉ាម៉ាចំនួន១៧៥២៣គ្រាប់និងម៉ាទឹកកប្រភេទម្សៅពណ៌សទម្ងន់៣០.៥៨ក្រាមឃាត់ខ្លួនជនសង្ស័យករណីជូញដូរថ្នាំញៀនចំនួន០២នាក់ក្នុងចំណោមសង្ស័យ០៤នាក់ហើយដកហូតបានភស្តុតាងរថយន្តកាមរី១គ្រឿងម៉ូតូចំនួន០៤គ្រឿង ។ ជនសង្ស័យដែលសមត្ថកិច្ចបានឃាត់ខ្លួននោះ ១ ឈ្មោះ ថៃ ចន្ថា ភេទប្រុសអាយុ៣៥ឆ្នាំនៅភូមិក្បាលកោះសង្កាត់និងក្រុងប៉ោយប៉ែត២ឈ្មោះឈួន វុទ្ធី ភេទប្រុសអាយុ ២៩ឆ្នាំនៅភូមិព្រៃចាស់ឃុំព្រៃចាស់ស្រុកឯកភ្នំខេត្តបាត់ដំបង ។បន្ទាប់មកនៅព្រឹកថ្ងៃទី២៦ឧសភាឆ្នាំ២០១៤កម្លាំងសមត្ថកិច្ចខាងលើបានសហការជាមួយអាជ្ញាធរបានចុះទៅឆែកលំនៅដ្ឋានសង្ស័យផ្សេងទៀតប៉ុន្តែមិនបានរកឃើញថ្នាំញៀននោះឡើយគឺឃើញតែវត្ថុតាងផ្សេងៗដែលពាក់ពន្ធ័និងការវេចខ្ចប់ថ្នាំតែប៉ុណ្ណោះ។នេះជាលើកទីមួយហើយដែលកម្លាំងសមត្ថកិច្ចបានបំបែកហ្វូងអ្នកជូញដូរថ្នាំញៀនខ្នាតយក្សបាននៅតំបន់ជាយដែនខ្មែរថៃនេះកន្លងមកសមត្ថកិច្ចកម្ពុជាយើងមិនអាចកំណត់បានមុខសញ្ញាធំៗដូចនេះទេមានតែសមត្ថកិច្ចថៃ ។ ប្រជាពលរដ្ឋនៅក្រុងប៉ោយប៉ែតបានសម្តែងការព្រួយបារម្ភ យ៉ាងខ្លាំងចំពោះសភាពការណ៍ថ្នាំញៀនដែលអុកឡុកសង្គមខ្មែរនាសម័យទំនើបកម្មនេះ។ ពួកគាត់ថា៖បើសមត្ថកិច្ចក្តាប់ឳកាសមុខសញ្ញាជួញដូរមិនបានទេនោះមុខជាកូនចៅរបស់គាត់នឹងធ្លាក់ចូលក្នុងដៃគ្រឿងញៀនជាមិនខាន ?ចំណែកក្រុមអ្នកតាមដានរឿងសង្គម បានលើកឡើងថា៖ កត្តាមានករណីជួញដូរនិងចរាចរណ៏ថ្នាំញៀននៅជាយដែនជាពិសេសនៅតំបន់ប៉ោយប៉ែតនេះ គឺអាជ្ញាធរបានបណ្តោយឲ្យមានការបើកបនផឹកស៊ីនិងក្លិបកំសាន្តច្រើនដូច្នេះថ្នាំញៀន និងអ្នកជួញដូរអាចសម្ងំលាក់ខ្លួនតាមក្លឹបកំសាន្តទាំងនោះផងក៏ថាបាន ។ ប្រជាពលរដ្ឋខ្លះនិយាយថាសមត្តកិច្ចមិនមែនមិនដឹងមុខសញ្ញាជួញដូរគ្រឿងញៀនក្នុងក្រុងប៉ោយប៉ែតទេគ្រាន់តែគេទុកជាឆ្នាំងបាយតែប៉ុណ្ណោះ។នៅពេលពួកនោះអស់តម្លៃប្រើប្រាស់គេនឺងធ្វើស៊ីហើយ។
