Saturday, May 31, 2014
អគ្គនាយដ្ឋានរដ្ឋបាលមូលដ្ឋានក្រសួងមហាផ្ទៃទទួលស្គាល់ថាកាស៊ីណូហូលីដេរំលោភដីរដ្ឋនៅ ប៉ោយប៉ែត
បន្ទាយមានជ័យ៖ កាលពីព្រឹកថ្ងៃទី២៦ខែឧសភាឆ្នាំ២០១៤លោក ឌុច សុន អគ្គនាយនៃអគ្គនាយកដ្ឋានរដ្ឋបាលមូលដ្ឋានក្រសួងមហាផ្ទៃរួមជាមួយមន្ត្រីអាជ្ញាធរថ្នាក់មូលដ្ឋានជាច្រើនរូបទៀតក្នុងការចុះពិនិត្យនិងសិក្សាគំរោងសាងសង់អាគាររដ្ឋបាលនៅច្រកទ្វារអន្តរជាតិប៉ោយប៉ែតបានរកឃើញថាកាស៊ីណូហូលីដេបានរំលោភដីរដ្ឋ។
ក្នុងការចុះពិនិត្យគំរោងសាងសង់អគាររដ្ឋបាលនៅច្រកទ្វារអន្តរជាតិប៉ោយប៉ែត នេះ មគណៈប្រតិភូបានចុះទៅវាយតម្លៃដីចំណុចមុខអាគាររបស់ក្រុមហ៊ុនកាស៊ីណូ ហ្គោលឌិនក្រោនជាប់និងក្លោងទ្វារប្រាសាទកំពូលបី ដែលជាអាទិភាពដីសម្រាប់សាងសង់អាគារប៉ុស្តិ៍រដ្ឋបាលបានយ៉ាងល្អប្រសើរបន្ទាប់ពីបានសិក្សាពិនិត្យរួចរាល់ក្រុមការងារបានវាយតំលៃដីរដ្ឋមួយកន្លែងទៀតនៅចំណុចជាប់និងក្រុមហ៊ុនកាស៊ីណូហូលីដេប៉ោយប៉ែតដែលក្រុមហ៊ុននេះបានកំពុងតែដំណើរការដ្ឋានសំណង់របស់ខ្លួនរំលោភចូលជ្រៅក្នុងដីរដ្ឋហើយបានបំផ្លាញសំណង់អាគាររបស់រដ្ឋខ្លះទៀតផង ។
លោក ឌុច សុន បានទទួលស្គាលថាលោក ឧកញ៉ា ហង្ស ស៊ីផា ដែលជាភាគីតំណាងឲ្យក្រុមហ៊ុនកាស៊ីណូហូលីដេប៉ោយប៉ែត ពិតជាថ្លើមធំហានលូកដៃវាយបំផ្លាញទ្រព្យសម្បត្តិរបស់រដ្ឋបញ្ហា។ ជាថ្មីម្តងទៀតលោក ឌុច សុនបានសុំឲ្យភាគីខាងក្រុមហ៊ុនកាស៊ីណូផ្អាកការសាងសង់ចំណុចដែលក្រុមហ៊ុនបានរំលោភចូលលើដីរដ្ឋ ។
ចំណែកលោកឧត្តមសេនីយ៏ទោ ឌុកឈុន អគ្គនាយកដ្ឋានអន្តោប្រវេសន៏ទទួលបន្ទុកផ្នែកសាងសង់បានឲ្យដឹងថា៖យោងតាមការសិក្សានិងចុះពិនិត្យជាក់ស្តែងនាព្រឹកមិញនេះក្រុមការងារបានឃើញដីរដ្ឋនៅចំណុចជាប់និងព្រំដែនកម្ពុជាថៃនិងដីចំណុចបវេនក្រុមហ៊ុនកាស៊ីណូហ្គោលឌិនក្រោនគឺជាដីអាទិភាពក្នុងការសាងសង់សំណង់ប៉ុស្តិ៍រដ្ឋបាលសម្រាប់ថ្ងៃខាងមុខ ។
លោកបានបន្តទៀតថា៖ប៉ុស្តិ៍រដ្ឋបាលសព្វថ្ងៃនៅចំណុចជាប់និងរង្វង់មូលនោះនឹងត្រូវរុះរើចេញទាំងអស់បន្ទាប់ពីសាងសង់អាគារថ្មីរួចជាស្ថាពរហើយ។យ៉ាងណាក៏ដោយការចុះមកសិក្សានិងពិនិត្យរបស់គណប្រតិភូក្រសួងមហាផ្ទៃក្នុងការរកដីដើម្បីកសាងអគាររដ្ឋបាលបន្ថែមនៅច្រកទ្វារអន្តរជាតិប៉ោយប៉ែតនាព្រឹកមិញនេះមិនទាន់សម្រេចជាស្ថាពរនៅឡើយទេ ព្រោះក្រុមការងារត្រូវការគូសប្លង់និងដាក់សំណើរជូនថ្នាក់លើបន្តពិនិត្យទៀត ។
គេសង្ឃឹមថា៖បន្ទាប់ពីបានអាគារថ្មីបន្ថែមនៅច្រកទ្វារអន្តរជាតិមួយនេះនឹងមានសោភ័ណភាពល្អប្រសើជាងមុនហើយកម្លាំងសមត្ថកិច្ចនគរបាលអន្តោប្រវេសន៏ខាងកម្ពុជាយើងក៏អាចបង្កើនសន្តិសុខជាតិបានខ្ពស់ជូនភ្ញៀវជាតិនិងអន្តរជាតិផងដែរ ។