Friday, May 16, 2014
គ្រូទាយកាត់ប្រជ្រុយ ឱ្យស្រ្តីម្នាក់ស្រាតហើយបញ្ចូលសិល៍ ត្រូវជាប់ខ្នោះ
កណ្តាលៈ មានហេតុការណ៍ដ៏គួរឱ្យភ្ញាក់ផ្អើលមួយបានកើតឡើងកាលពីវេលាម៉ោងប្រមាណ ៦ ល្ងាចថ្ងៃទី២៥ ខែមីនា ឆ្នាំ២០១៤ ខណៈស្រ្តីម្នាក់ បានប្រាប់ម្តាយថា ទៅរកគ្រូទាយ ដើម្បីកាត់ប្រជ្រុយ ដោយទៅ យូរពេក ម្តាយទៅតាមក៏ឃើញគ្រូទាយ កំពុងតែ រំលោភកូនស្រី របស់ខ្លួន ក៏រត់ទៅប្តឹងនគរបាល ឲ្យឃាត់ខ្លួនតែម្តង។
ប្រភពពីសមត្ថកិច្ច បានឲ្យដឹងថា ជនសង្ស័យដែលជាគ្រូទាយមានឈ្មោះ វ៉ាន់ មាឃ ភេទប្រុស អាយុ៤២ឆ្នាំ មានមុខរបរជាគ្រូទាយកាត់ប្រជ្រុយ រស់នៅ ភូមិរកា ឃុំរកា ស្រុកកណ្តាលស្ទឹង ខេត្តកណ្តាល ត្រូវបានសមត្ថកិច្ចឃាត់ខ្លួន នៅក្នុងផ្ទះឈ្មោះ សុទ្ធ សុផា ភូមិក្រូច ឃុំរកា ស្រុកកណ្តាលស្ទឹង ខេត្តកណ្តាល។ រីឯជនរងគ្រោះវិញមាន ឈ្មោះ ម.ស.ល អាយុ៣២ឆ្នាំ មានមុខរបរ ជាកម្មការិនីរោងចក្រ រស់នៅក្នុងភូមិ ឃុំកើតហេតុ ខាងលើ ។មុនពេលកើតហេតុ នារីរងគ្រោះបានទៅជួប គ្រូទាយកាត់ប្រជ្រុយ ដើម្បីឲ្យគ្រូទាយ ជួយបង្កើនស្នេហ៍ ព្រោះនាង ជាស្រ្តីមេម៉ាយ ២ដង មកហើយ ដោយទៅជួបនៅផ្ទះ របស់មិត្តភក្តិនារី រងគ្រោះ ដែលនៅជិតផ្ទះគ្រូកាត់ប្រជ្រុយនោះ លុះពេលទៅដល់ បានជួបលោកគ្រូ កាត់ប្រជ្រុយ ហើយ លោកគ្រូ បានប្រាប់ឲ្យនារីរងគ្រោះ ស្រាតខោអាវទាំងអស់ រួចហើយលោកគ្រូ ធ្វើសកម្មភាព បញ្ចូល មន្តអាគម ដោយយកដៃអង្អែលនៅលើថ្ងាស ភេទនារី រងគ្រោះ ។ រីឯម្តាយ របស់នារីគ្រោះ ពេលដែលបាត់ កូនស្រី យូរពេកក៏បាន ដើរមករកមើល ដោយដឹងថា កូនស្រីនៅផ្ទះរបស់មិត្តភក្តិ លុះពេលមកដល់ ស្រាប់ តែឃើញស្បែក ជើងកូនស្រីនៅនឹងកាំជណ្តើររួចក៏ ឡើងកាំជណ្តើរ មើលស្រាប់តែឃើញកូន ស្រីត្រូវ បានលោកគ្រូទាយ កំពុងតែបញ្ចូលមន្តអាគម កាត់ប្រជ្រុយដោយកូនស្រី នៅពីក្រោម លោកគ្រូទាយ ។ ដោយឃើញហេតុការណ៍ បែបនេះម្តាយក៏រត់មកប្តឹងនគរបាលប៉ុស្តិ៍ ឲ្យចុះទៅឃាត់ខ្លួនគ្រូទាយរូប នោះតែម្តងទៅ ។
បច្ចុប្បន្នជនសង្ស័យ ឃុំឃាត់ខ្លួនជាបណ្តោះអាសន្ន នៅអធិការ ដ្ឋានស្រុក កណ្តាលស្ទឹង ដើម្បីធ្វើការសាក សួរបន្ថែមនិងកសាងសំណុំរឿង បញ្ជូនមក កាន់ស្នងការ ដ្ឋានចាត់ការបន្ត ទៅតាមផ្លូវច្បាប់ ៕
