ភ្នំពេញ ៖ បុរសម្នាក់បម្រើការងារជាសន្តិសុខនៅផ្សារហ្គោលឌិនសូរិយាម៉ល ត្រូវថៅកែផ្សារប្រើឲ្យឡើង ប្រក់ដំបូលសង្ក័សី បានរបូតដៃធ្លាក់មកក្រោមបាក់កស្លាប់ភ្លាមៗនៅកន្លែងកើតហេតុ ដោយសារតែជនរងគ្រោះគ្មានជំនាញផ្នែកប្រក់ដំបូល ។ ហេតុការណ៍នោះបានកើតឡើងកាលពី វេលាម៉ោង៣និង៣០នាទីរសៀល ថ្ងៃទី១៦ ខែឧសភា ឆ្នាំ២០១៤ ក្នុងបរិវេណផ្សារហ្គោលឌិនសូរិយាម៉ល(អតីតស្នងការដ្ឋាននគរបាលរាជធានីភ្នំពេញ) ស្ថិតតាមបណ្ដោយផ្លូវលេខ១៥៤ កែងផ្លូវលេខ៥១ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។
ជនរងគ្រោះមានឈ្មោះ លៀង ច័ន្ទពិសិដ្ឋ អាយុ៣១ឆ្នាំ បម្រើការងារជាសន្តិសុខផ្សារហ្គោលឌិនសូរិយាម៉ល ស្នាក់នៅផ្ទះលេខ២១៥ E2 ផ្លូវលេខ១៥៤ សង្កាត់ផ្សារថ្មីទី៣ ខណ្ឌដូនពេញ មានប្រពន្ធឈ្មោះ ឡៅ លក្ខិណា អាយុ២៦ឆ្នាំ មុខរបរនៅផ្ទះ មានកូនក្នុងផ្ទៃ៥ខែ ។
តាមប្រភពព័ត៌មាននៅកន្លែងកើតហេតុបានអោយដឹងថា ជនរងគ្រោះត្រូវបាន ថៅកែផ្សារបានប្រើជនរងគ្រោះឡើងប្រក់សង្ក័សីលើដំបូលផ្សារត្រង់កន្លែងធ្លុះធ្លាយ ហើយជនរងគ្រោះគ្មានជំនាញផ្នែកប្រក់ដំបូលទាល់តែសោះ ។ លុះឡើងដល់លើដំបូលបាន មួយសន្ទុះកំពុងធ្វើតាមបញ្ជារបស់ថៅកែ ស្រាប់តែជនរងគ្រោះធ្លាក់មកក្រោមកម្ពស់ប្រហែល៥ម៉ែត្រ បណ្ដាលឲ្យបាក់កស្លាប់ភ្លាមៗតែម្តង ។ ប្រភពព័ត៌មានដដែលបានបន្តទៀតថា បន្ទាប់ពីជនរងគ្រោះបានធ្លាក់ ត្រូវបានក្រុមសន្តិសុខដែលធ្វើការជាមួយគ្នា ដឹកបញ្ជូនមកព្យាបាលនៅមន្ទីរពេទ្យសង់ត្រាល ដោយថៅកែផ្សារព្យាយាមបិទបាំងព័ត៌មាន មិនឲ្យអ្នកសារព័ត៌មានដឹងនោះទេ ។ នៅពេលអ្នកសារព័ត៌មានទៅថតរូបភាពនៅកន្លែងកើតហេតុ ក្រុមសន្តិសុខផ្សាររារាំងមិនឲ្យថតឡើយ ដោយពួកគេនិយាយថា មេរបស់ពួកគេមិន អនុញ្ញាតឲ្យអ្នកណាថតរូបភាពនៅកន្លែងនេះទេ ។
តាមប្រភពព័ត៌មាននៅកន្លែងកើតហេតុបានអោយដឹងថា ជនរងគ្រោះត្រូវបាន ថៅកែផ្សារបានប្រើជនរងគ្រោះឡើងប្រក់សង្ក័សីលើដំបូលផ្សារត្រង់កន្លែងធ្លុះធ្លាយ ហើយជនរងគ្រោះគ្មានជំនាញផ្នែកប្រក់ដំបូលទាល់តែសោះ ។ លុះឡើងដល់លើដំបូលបាន មួយសន្ទុះកំពុងធ្វើតាមបញ្ជារបស់ថៅកែ ស្រាប់តែជនរងគ្រោះធ្លាក់មកក្រោមកម្ពស់ប្រហែល៥ម៉ែត្រ បណ្ដាលឲ្យបាក់កស្លាប់ភ្លាមៗតែម្តង ។ ប្រភពព័ត៌មានដដែលបានបន្តទៀតថា បន្ទាប់ពីជនរងគ្រោះបានធ្លាក់ ត្រូវបានក្រុមសន្តិសុខដែលធ្វើការជាមួយគ្នា ដឹកបញ្ជូនមកព្យាបាលនៅមន្ទីរពេទ្យសង់ត្រាល ដោយថៅកែផ្សារព្យាយាមបិទបាំងព័ត៌មាន មិនឲ្យអ្នកសារព័ត៌មានដឹងនោះទេ ។ នៅពេលអ្នកសារព័ត៌មានទៅថតរូបភាពនៅកន្លែងកើតហេតុ ក្រុមសន្តិសុខផ្សាររារាំងមិនឲ្យថតឡើយ ដោយពួកគេនិយាយថា មេរបស់ពួកគេមិន អនុញ្ញាតឲ្យអ្នកណាថតរូបភាពនៅកន្លែងនេះទេ ។
តាមសម្តីក្រុមគ្រួសារជនរងគ្រោះបានឲ្យដឹងថា ជនរងគ្រោះធ្វើការជាសន្តិសុខនៅផ្សារនេះទេ ប៉ុន្តែបែរជាថៅកែផ្សារប្រើឲ្យឡើងប្រក់ដំបូលទៅវិញ ទាំងមិនមានជំនាញទាល់តែសោះ ទើបបណ្តាលឲ្យធ្លាក់ស្លាប់បែបនេះ ។ ពួកគាត់បន្តថា ចំពោះការស្លាប់របស់ជនរងគ្រោះ បើខាងភាគីថៅកែផ្សារមិនទទួលខុសត្រូវ ឬដោះស្រាយឲ្យបានត្រឹមត្រូវទេ គឺពួកគាត់នឹងដាក់ពាក្យប្តឹងថៅកែផ្សារហ្គោលឌិនសូរិយាម៉លទៅស្ថាប័នមានសមត្ថកិច្ចជាអ្នកដោះស្រាយ ហើយក៏សង្ឃឹមថា ច្បាប់នឹងផ្តល់យុត្តិធម៌ដល់ជនរងគ្រោះជាក់ជាមិនខាន ។
បច្ចុប្បន្ន ក្រុមគ្រួសាររង់ចាំសមត្ថកិច្ចជំនាញធ្វើកោសល្យវិច័យ ដើម្បីទទួលយកទៅ ធ្វើបុណ្យតាមប្រពៃណី ៕ ដោយ ៖ ស ដារ៉ា|ថ្ងៃទី 16 ឧសភា 2014 ម៉ោង 18:50:20