|ថ្ងៃទី 29 ឧសភា 2014 ម៉ោង 10:03:31
ខេត្ដរតនគិរី ៖ ពិធីប្រកាសចូលកាន់ មុខតំណែងបានប្រព្រឹត្ដឡើងកាលពីវេ លាម៉ោង២និង៣០នាទីរសៀលថ្ងៃទី២៧ ខែឧសភា ឆ្នាំ២០១៤ នៅសាលាក្រុង បានលុងក្រោមអធិបតីភាពលោកថន សាវុន អភិបាលនៃគណៈអភិបាលខេត្ដ និងមានការចូលរួមពីមន្ដ្រីរាជការគ្រប់ ស្ថាប័ន ក្រសួង មន្ទីរ និងកងកម្លាំង ទាំង៣ប្រភេទដ៏ច្រើនកុះករ ។
ការប្រកាសតែងតាំងតំណែងជាអភិ បាលក្រុងបានលុងថ្មីជំនួសលោកលី វិន អភិបាលក្រុងចាស់ដែលទើបតែតែងតាំង ជាអភិបាលរងខេត្ដរតនគិរីកន្លងទៅថ្មីៗ នេះដោយតែងតាំងលោកអ៊ុក សំអុល អតីតជានាយករងសាលាខេត្ដរតនគិរី ចូលកាន់តំណែងជាអភិបាលក្រុងបាន លុងនៃខេត្ដរតនគិរី ក្នុងឋានន្ដរស័ក្ដិជា មន្ដ្រីថ្នាក់លេខ១២ ។
លោកអ៊ុក សំអុល បានឡើងផ្ដេជ្ញា ចិត្ដដែលមានខ្លឹមសារដូចខាងក្រោម ៖
-ប្ដេជ្ញាអនុវត្ដន៍កម្មវិធីនយោបាយ ជាតិនិងយុទ្ធសាស្ដ្រចតុកោណដំណាក់ កាលទី៣របស់រាជរដ្ឋាភិបាលកម្ពុជា ។
-អនុវត្ដន៍តាមកម្មវិធីជាតិរយៈពេល ១០ឆ្នាំសម្រាប់អភិវឌ្ឍន៍តាមបែបប្រជា ធិបតេយ្យនៅថ្នាក់ក្រោមជាតិតាមរយៈ គោលនយោបាយវិមជ្ឈការក្នុងគោល ដៅលើកកម្ពស់អភិបាលកិច្ចល្អក្នុងមូល ដ្ឋាន ជាពិសេសការផ្ដស់សេវាកម្មសា ធារណៈជូនប្រជាពលរដ្ឋនៅក្នុងមូលដ្ឋាន ប្រកបដោយគុណភាណ តម្លាភាព និង ប្រសិទ្ធិភាព ។
-អនុវត្ដន៍គោលនយោបាយភូមិ-ឃុំ មានសុវត្ថិភាពឱ្យបានម៉ឺងម៉ាត់ ។
-រៀបចំវេទិការសាធារណៈរបស់ ក្រុមប្រឹក្សាប្រកបដោយប្រសិទ្ធិភាព ។
-អភិវត្ដន៍តាមផែនការអភិវឌ្ឍន៍ ក្រុងរយៈពេល៥ឆ្នាំនិងកម្មវិធីវិនិយោគ ៣ឆ្នាំរំកិលឱ្យបានសម្រេចជោគជ័យ ។
-គោរពអនុវត្ដន៍តាមច្បាប់ លិខិត បទដ្ឋានគតិយុត្ដិនិងបទបញ្ជារបស់ថ្នាក់ លើឱ្យបានហ្មត់ចត់ ។
រៀបចំសណ្ដាប់ធ្នាប់ របៀបរៀបរយ និងអនាម័យនៅក្នុងទីផ្សារ ទីប្រជុំជន និង នៅតាមដងផ្លូវសាធារណៈក្នុងក្រុងឱ្យបាន ជាប្រចាំ ។
បន្ដពង្រឹងសាមគ្គីភាពផ្ទៃក្នុងឱ្យកាន់ តែរឹងមាំ ។
បង្កើនទំនាក់ទំនងល្អជាមួយរដ្ឋបាល ថ្នាក់លើនិងថ្នាក់ក្រោមទាំងខ្សែបណ្ដោយ និងខ្សែទទឹង ជាពិសេសការទំនាក់ទំនង រវាងគណៈអភិបាលក្រុងនិងក្រុមប្រឹក្សា។
ចុងបញ្ចប់កម្មវិធីលោកថង សាវុន អភិបាលខេត្ដបានប្រថាប់ត្រាជូនលោក អ៊ុក សំអុល អភិបាលក្រុងបានលុង ខេត្ដរតនគិរី ៕ដោយ ៖ អ៊ុច សាវុទ្ធ