|ថ្ងៃទី 29 ឧសភា 2014 ម៉ោង 09:59:12
ខេត្ដប៉ៃលិន ៖ ស្ដ្រីម្នាក់ត្រូវបានកម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ដប៉ៃលិនចាប់ ខ្លួនតាមដីកាតុលាការពីបទលួចលុយអ្នកភូមិ ។
ករណីចាប់ខ្លួនស្ដ្រីជនសង្ស័យនេះបាន ធ្វើឡើងនៅវេលាម៉ោង៤និង៣០នាទីល្ងាចថ្ងៃទី២៨ ខែឧសភា ឆ្នាំ២០១៤ នៅនឹងផ្ទះស្ដ្រីសង្ស័យស្ថិតក្នុងភូមិបរតាំងស៊ូ សង្កាត់បរយ៉ាខា ក្រុង-ខេត្ដប៉ៃលិន ។
នគរបាលបានឱ្យដឹងថា ស្ដ្រីជាប់សង្ស័យឈ្មោះ ឡេង អង អាយុ២២ឆ្នាំ មានស្រុកកំណើតនៅភូមិសួនអំពៅលិច សង្កាត់-ក្រុង-ខេត្ដប៉ៃលិន បច្ចុប្បន្នរស់ នៅភូមិកើតហេតុខាងលើ ។
ប្រភពពីមន្ដ្រីនគរបាលដដែលបានឱ្យដឹងទៀតថា កាលពីថ្ងៃទី១៦ ខែកុម្ភៈ ឆ្នាំ២០១៣ ស្ដ្រីសង្ស័យខាងលើនេះបាន ត្រូវឈ្មោះ ម៉ៅ ថាត ភេទប្រុស អាយុ ៤៧ឆ្នាំ រស់នៅភូមិរោងចក្រ សង្កាត់ បរយ៉ាខា ក្រុង-ខេត្ដប៉ៃលិន បានប្ដឹងចោទ ប្រកាន់ថា បានលួចប្រាក់របស់គាត់ ចំនួន៣៨៩០ដុល្លារ និងប្រាក់ថៃចំនួន ១៤០០បាត ។ ក្រោយពីស្ដ្រីខាងលើនេះ បានធ្វើសកម្មភាពរួចហើយនោះគេបាន រត់គេចខ្លួនចូលទៅរកស៊ីនៅក្នុងប្រទេសថៃ ។
ក្នុងអំឡុងនៃការគេចខ្លួននេះម្ចាស់ ប្រាក់ក៏បានទៅដាក់ពាក្យបណ្ដឹងនៅ កន្លែងសមត្ថកិច្ចហើយក្រោយមកចៅ ក្រមស៊ើបសួរនៃសាលាដំបូងខេត្ដប៉ៃលិន បានចេញដីការចុះថ្ងៃទី១៥ ខែមករា ឆ្នាំ២០១៤ ឱ្យតាមចាប់ខ្លួនស្ដ្រីសង្ស័យ ខណៈស្ដ្រីសង្ស័យមកពីប្រទេសថៃចូល ស្រុកភ្លេចខ្លួនទើបសមត្ថកិច្ចចាប់ខ្លួនតែម្ដង ។
នគរបាលបានបញ្ជាក់ថា ស្ដ្រីសង្ស័យ បានគេចខ្លួនចូលទៅប្រទេសថៃប្រមាណ ជាង១ឆ្នាំ ហើយពេលត្រឡប់ចូលស្រុក ទំនងជាភ្លេចខ្លួននិងមិនបានដឹងថាម្ចាស់ ប្រាក់ប្ដឹងពីសកម្មភាពលួចរបស់គេ ។
នគរបាលបានបញ្ជាក់ថា ស្ដ្រីសង្ស័យ បានគេចខ្លួនចូលទៅប្រទេសថៃប្រមាណ ជាង១ឆ្នាំ ហើយពេលត្រឡប់ចូលស្រុក ទំនងជាភ្លេចខ្លួននិងមិនបានដឹងថាម្ចាស់ ប្រាក់ប្ដឹងពីសកម្មភាពលួចរបស់គេ ។
ទាក់ទិននឹងករណីនេះនគរវត្ដមិនរក ចម្លើយស្ដ្រីសង្ស័យបានទេ ខណៈសមត្ថ កិច្ចបានបញ្ជូនស្ដ្រីសង្ស័យទៅតុលាការ ៕
