ដោយ ៖ ចិន្តា|ថ្ងៃទី 02 ឧសភា 2014 ម៉ោង 18:57:28
ខេត្តបន្ទាយមានជ័យ ៖ នៅវេលាម៉ោង១០និង១០នាទីព្រឹក ថ្ងៃទី២ ខែឧសភា ឆ្នាំ២០១៤ កម្លាំងប៉ុស្តិ៍នគរបាលម៉ាឡៃ សហការជាមួយកម្លាំងនគរបាលនៃអធិការដ្ឋាននគរបាលស្រុកម៉ាឡៃ បានចុះបង្ក្រាបបទល្មើសជួញដូរគ្រឿងមួយករណី ឃាត់ខ្លួនជនសង្ស័យម្នាក់ជាកូនចៅ ចំណែកមេខ្លោងរត់គេចខ្លួនបាត់ ។ ការបង្ក្រាបនេះសមត្ថកិច្ចបានធ្វើនៅចំណុចមាត់អូរព្រំដែនកម្ពុជា-ថៃ ភូមិហាត់ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ។
ជនសង្ស័យដែលសមត្ថកិច្ចឃាត់ខ្លួនឈ្មោះ ទុយ វតី ភេទស្រី អាយុ១៥ឆ្នាំ រស់នៅភូមិហាត់ ឃុំម៉ាឡៃ ស្រុកម៉ាឡៃ ខេត្តបន្ទាយជ័យ ។ វត្ថុតាងដែលដកហូតមានថ្នាំញៀនប្រភេទគ្រាប់ពណ៌ផ្កាឈូកចំនួន ១៩៨គ្រាប់ និងមានពណ៌បៃតងខ្ចីចំនួន២គ្រាប់ ។
បច្ចុប្បន្ន ត្រូវបានសមត្ថកិចសួរនាំនៅអធិការដ្ឋាននគរបាលស្រុកម៉ាឡៃ ដើម្បីកសាងសំណុំរឿងចាត់ ការបន្តតាមនីតិវិធី ៕