ខេត្តបន្ទាយមានជ័យ ៖ គោយន្តចំនួន៥គ្រឿងដឹកជីសញ្ញាក្បាលគោនិងសញ្ញានង្គ័លខុសច្បាប់ដែលឈ្មួញនាំចេញពីប្រទេសថៃចូលមកប្រទេសកម្ពុជាតាមច្រករបៀងមហោស្រពស្រុកថ្មពួក ត្រូវបានមន្ត្រី ជំនាញមន្ទីរកសិកម្មខេត្តបន្ទាយមានជ័យ ដោយសុំគោលការណ៍ ពីលោកព្រះរាជអាជ្ញា អមសាលា ដំបូងខេត្តបន្ទាយមានជ័យ ផាន់ វណ្ណរ័ត្ន ។ មន្ត្រីជំនាញបន្តធ្វើការ បង្ក្រាបចាប់ គោយន្តទាំង ៥គ្រឿងដឹកផ្ទុកកជីសរុប២៥០ការុងកាលពីយប់ថ្ងៃទី២៧ ខែមេសា ឆ្នាំ២០១៤ នៅលើផ្លូវសាធារណៈមួយកន្លែងក្នុងស្រុកថ្មពួក ហើយបញ្ជូនមករក្សាទុកនៅអង្គភាពយោធា ស្រុកថ្មពួកដើម្បីរង់ចាំឲ្យម្ចាស់ចូលខ្លួនដោះស្រាយតាមផ្លូវច្បាប់។
ពាក់ព័ន្ធនឹងការ នាំចូល គ្មានលិខិតអនុញ្ញាតច្បាប់និង រំលោភកម្មសិទ្ធិបញ្ញាប្រឈមពិន័យជាទឹកប្រាក់តាមគោលការណ៍ច្បាប់ពី៥លានទៅ១០លានរៀល ។
លោក សេង ម៉េង អនុប្រធានការិយាល័យនីតិកម្មកនៃមន្ទីរកសិកម្មខេត្តបានប្រាប់ឲ្យ ដឹងថា មុននិងមន្ត្រីជំនាញមានវិធានការទៅលើឈ្មួញរកស៊ីជីខុសច្បាប់គឺខាងមន្ត្រីជំនាញបានសហការជាមួយអាជ្ញាធរមូលដ្ឋានធ្វើការផ្សព្វផ្សាយអប់រំប្រជាពលរដ្ឋក្នុងស្រុកថ្មពួកចំនួន៣លើកមកហើយអំពីការគ្រប់គ្រងប្រើប្រាស់សំភារៈកសិមកម្មនិងការនាំចូលជីខុសច្បាប់ពីប្រទេសជិតខាង។ ប៉ុន្តែទោះបីជាមានការអប់រំផ្សព្វផ្សាយយ៉ាងណាក៏ដោយគឺនៅមានជនខិលខូចមួយចំនួនតូចឃុបឃិតជាមួយសមត្ថកិច្ចតាមព្រំដែនលបលួចនាំជីខុសច្បាប់ធ្វើសកម្មភាពបំភាន់ភ្នែកសាធារណៈថាទិញយកមកប្រើប្រាស់សំរាប់ដាក់ស្រែ។
តាមធាតុពិតក្រុមខិលខូចទាំងនោះនាំជីខាងលើយកលក់ចែកចាយនៅតាមដេប៉ូនិងតាមបណ្តាភូមិមួយចំនួនក្នុងស្រុកថ្មពួក,ស្វាយចេក,ព្រះនេត្រព្រះនិងស្រុកភ្នំស្រុក។ នៅពេលប្រជាពលរដ្ឋទិញជីនោះយកទៅប្រើប្រាស់ប្រឈមទិញជីក្លែងក្លាយធ្វើឲ្យប៉ះពាល់ផលប្រយោជន៍ប្រជាពលរដ្ឋមិនតែប៉ុណ្ណោះក៏ធ្វើឲ្យប៉ះពាល់ផលប្រយោជន៍របស់ក្រុមហ៊ុននិងអាជីករដែលរកស៊ីស្របច្បាប់ផងដែរ។
ទន្ទឹមនឹងសកម្មភាពប្រព្រឹត្តបទល្មើសខុសច្បាប់ពីសំណាក់ជនខិលខូចលួចនាំចូលជី យ៉ាងគគ្រឹកគគ្រេងខុសច្បាប់តាមច្រករបៀងក្នុងស្រុកថ្មពួករួចមកកាលពីថ្ងៃទី២៨ ខែមេសា ឆ្នាំ២០១៤ គណៈប្រតិភូរបស់ក្រសួងកសិកម្មដឹកនាំដោយលោក អ៊ុក ស៊ីផាន ប្រធាននាយកដ្ឋាននីតិកម្មកសិកម្ម បានចុះទៅត្រួតពិនិត្យភូមិសាស្ត្រនិងស្ថានភាពជាក់ស្តែង នៅចំណុចច្រករបៀងមហោស្រពដែលគេដឹងថាច្រករបៀងមួយនេះជួរមុខគ្រប់គ្រងដោយអង្គភាពយោធាចំណុះឲ្យតំបន់ប្រតិបតិបការសឹករងខេត្តបន្ទាយមានជ័យនិងបន្ទាប់មកនគរបាលការពារព្រំដែនគោកលេខ៨០៧ហើយរងការចោទប្រកាន់បើកដៃឲ្យឈ្មួញនាំចូលជីខុសច្បាប់។
នៅថ្ងៃដដែលនោះដែរគណៈប្រតិភូក្រសួងកសិកម្មក៏បានចុះទៅផ្សព្វផ្សាយអប់រំប្រជាកសិករ ក្នុងឃុំគោករមៀតស្រុកថ្មពួកសរុបជាង៨០នាក់ រួមនិងសមត្តកិច្ច មួយចំនួនឈរជើង នៅតាមបន្ទាត់ព្រំដែន ដើម្បី ឲ្យបងប្អូនបានយល់ ដឹងអំពីផលប៉ះពាល់ ការប្រើប្រាស់ ការគ្រប់សំភារៈជីគីមី និងថ្នាំ កសិកម្មនិងការនាំចូលជីខុសច្បាប់ផងដែរ។
ជុំវិញការចោទប្រកាន់ថាច្រករបៀងខាងលើបើកដៃនាំចូលជីខុសច្បាប់អ្នកយកព័ត៌មានយើងមិនអាចរកការសុំឆ្លើយបំភ្លឺពីសមត្តកិច្ចឈរជើងនៅទីនោះបានទេ៕ដោយ ៖ វិច្ឆិកា|ថ្ងៃទី 29 មេសា 2014 ម៉ោង 18:13:09
.jpg)
.jpg)
.jpg)
