ថ្ងៃពុធ ទី៣០ ខែមេសា ឆ្នាំ២០១៤ ម៉ោង ១០:៤៥
ខេត្តបន្ទាយមានជ័យ ៖ បុរសម្នាក់ក្នុងចំណោមពលករខុសច្បាប់ជាច្រើននាក់ ដែលភាគីថៃបញ្ជូនមកឱ្យសមត្ថកិច្ចកម្ពុជា កាលពីរសៀលថ្ងៃទី២៩ មេសា ២០១៤ តាមច្រកទ្វាអន្តរជាតិប៉ោយប៉ែត (សុំមិនបញ្ចេញអត្តសញ្ញាណ) អាយុ៥០ឆ្នាំ មកពីភូមិសំបួរ ឃុំសំបួរ ស្រុកពាមជរ ខេត្តព្រៃវែង បានអះអាងប្រាប់កោះសន្តិភាពថា គាត់ចាញ់បោកមេខ្យល់អស់ប្រាក់ចំនួន២ពាន់បាត ដោយចំណាយលើមេខ្យល់ម្នាក់ថា ធានាយកទៅធ្វើការសំណង់នៅក្នុងប្រទេសថៃ ហើយបានប្រាក់ខែខ្ពស់ ប៉ុន្តែគ្រាន់តែឆ្លងព្រំដែនមិនទាន់ទាំងបានឡើងរថយន្តផង ក៏ត្រូវសមត្ថកិច្ចថៃចាប់ ហើយមេខ្យល់នោះ ក៏រត់គេចបាត់ សូម្បីតែទូរស័ព្ទក៏បិទលែងទំនាក់ទំនងបានដែរ ។
ប្រភពបានឱ្យដឹងថា មានពលករចំណាកស្រុកខុសច្បាប់ ត្រូវបានបញ្ជូនតាមរថយន្តទ្រុងរបស់ថៃត្រឡប់មកឱ្យសមត្ថកិច្ចកម្ពុជាវិញ តាមច្រកទ្វារអន្តរជាតិប៉ោយប៉ែត ក្រោយពីធ្វើការចាប់តាមបន្ទាត់ព្រំដែន និងមួយចំនួនតូចទៀតចាប់តាមរថយន្ត ខណៈដែលពួកគេកំពុងធ្វើដំណើរជារៀងរាល់ថ្ងៃ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
