មណ្ឌលគិរី៖ ឈើប្រណីតធ្នង់សុទ្ធ ជាង៤០០កំណាត់ ខុសច្បាប់ស្តុកទុក នៅភូមិស្រែជង ឃុំសុខសាន្តស្រុកកោះញែកត្រូវបានសមត្ថកិច្ចប៉ូលីសប្រឆាំងបទល្មើសសេដ្ឋកិច្ចក្រសួងមហាផ្ទៃ ស្នងការដ្ឋាន នគរបាលខេត្ត រួមសហការជាមួយ នគរបាលស្រុកកោះញែក បង្រ្កាប កាលពីថ្ងៃទី២៩ ខែមេសា ឆ្នាំ២០១៤ជំនួសមេព្រៃដែលងាប់ត្រគៀកព្រោះត្រូវសំណែន។ ប្រជាពលរដ្ឋដែលដឹងរឿងបានអោយដឹងថា ឈើប្រណីតធ្នង់ យ៉ាងច្រើនសន្ធឹក សន្ធាប់នេះ គឺជាឈើរបស់ឈ្មោះ វ៉ុន និងឈ្មោះ យាង ដោយឈ្មោះ យាង ជាអ្នកចំណាយលុយ អោយឈ្មោះ វ៉ុន ដាក់ពង្រាយកូនចៅ រាប់រយនាក់ ដាក់ម៉ាស៊ីនត្រង់ស៊ីន័រ ចូលកាប់រំលំ អារ និងដឹកញ្ជូននៅក្នុងតំបន់ស្នូលនៃដីព្រៃដែនជំរកសត្វព្រៃភ្នំព្រេចគ្រប់គ្រងដោយក្រសួងបរិស្ថានដោយនៅក្នុងខេត្ត គឺ មន្ទីរបរិស្ថាន ជា អ្នកទទួលបន្ទុកគ្រប់គ្រង ។
Wednesday, April 30, 2014
ប៉ូលិសបង្ក្រាបបទល្មើសឈើប្រណិតនៅកោះញែកជំនួសមេព្រៃ
ប្រជាពលរដ្ឋនិយាយថាឈ្មោះ យាង និងឈ្មោះ វ៉ុន ទាំងពីរនាក់នេះជើងខ្លាំង ខាងកាប់បំផ្លាញព្រៃឈើនៅក្នុងតំបន់ហាមឃាត់ព្រៃបំរុងអចិន្រ្តៃយ៍របស់រដ្ឋកាប់បំផ្លាញព្រៃឈើក្នុងដែនព្រៃការពារមណ្ឌលគិរីនិងកាប់បំផ្លាញដែនដីព្រៃជំរកសត្វព្រៃរាល់តំបន់ហាមឃាត់បានដោយសេរីគ្មានការរំខានពីសមត្ថកិច្ចនិងជំនាញណាម្នាក់សោះឡើយពិសេសមន្ត្រីបរិស្ថានដែលមានភារះមើលការខុសត្រូវ។ ជាងនេះទៅទៀត ពេលបទល្មើស ព្រៃឈើនៅស្រុកកោះញែក កំពុងកើតមានពេញបន្ទុក គេមិនដែលឃើញលោក ឈួន សេរីវឌ្ឍន៍ នាយផ្នែករដ្ឋបាលព្រៃឈើ ស្រុកកោះញែក បង្ក្រាបបានម្តងណាឡើយ។
តាមប្រភពព័ត៌មានពីមហាជននានាកំពុងរង់ចាំមើលយ៉ាងអន្ទះសារបំផុតអំពីករណីនេះពីព្រោះចាប់ តាំងពីការចុះ បង្រ្កាបបទល្មើស ទ្រង់ទ្រាធំយ៉ាងនេះហាក់បីជំនាញខ្លះ មានការអល់ឯកខ្លាច ប៉ះចំឈើអ្នកមានអំណាចនាំួយទៅវិញ ។
នៅក្នុងប្រតិបត្តិការខាងលើនៃការបង្ក្រាប ឈើប្រណីតទ្រង់ទ្រាយធំនេះលោក សួស ប៊ុនលី មន្ត្រីប៉ូលីសប្រឆាំង បទល្មើសសេដ្ឋកិច្ច របស់ក្រសួងមហាផ្ទៃដេល ដឹកនាំការបង្ក្រាបនេះ បានប្រាប់អ្នកយក ព័ត៌មាន ថា បើទោះបីការបង្រ្កាបពីក្រុមសមត្ថកិច្ច របស់លោកនៅ កន្លែងបទល្មើសជាក់ស្តែងរយ:ពេល ២ថ្ងៃ ទៅហើយ ប៉ុន្តែខាងជំនាញរដ្ឋាបាលព្រៃឈើ ហាក់បីដូចជា មានការយឺតយ៉ាវ ក្នុងការចូលរួមសហការដោយលោក សួស ប៊ុនលី បានប្រាប់ថា មកពីជំនាញមានការជាប់រវល់ ។
មហាជននានា កំពុងរង់ចាំមើល ចំណាត់ការរបស់អជ្ញាធរ មានសមត្ថកិច្ច និងមន្ត្រីជំនាញ តើងាចស្រាវជ្រាវឈានទៅដល់ការចាប់ឃាត់ខ្លួនអ្នកដែលជាប់ពាក់ព័ន្ធករណីបទល្មើសខាងលើនេះ យកមកផ្តន្ទាទោសបានឬទេ? ៕
