ដោយ ៖ សាគុណ|ថ្ងៃទី 05 កក្កដា 2013 ម៉ោង 17:27:58
ភ្នំពេញ ៖ ពិព័រណ៍ពាណិជ្ជកម្មអន្តរជាតិ ម៉ាឡេស៊ី-កម្ពុ
ជា បានប្រារព្វធ្វើឡើងនៅថ្ងៃទី ៥ ខែកក្តដា ឆ្នាំ២០១៣
នាផ្សារទំនើបស៊ីធីម៉ល់ ដោយមានការអញ្ជើញចូលរួមជាអធិបតី
ពីសំណាក់ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ។
ការតាំងពិព័រនេះបានរៀបចំធ្វើឡើងរយៈពេល២ថ្ងៃ
គឺចាប់ពីថ្ងៃទី០៥ ដល់ថ្ងៃទី០៧ ខែ កក្តដា ឆ្នាំ២០១៣
ដោយមានក្រុមហ៊ុនចូលរួមចំនួន៥០ក្រុមហ៊ុន ។
លោកស្រី ទៅ រស្មី ប្រធានក្រុមហ៊ុន RESOLVO បានមានប្រសាសន៍ឲ្យដឹងថា ការរៀបចំពិពរណ៌ពាណិជ្ជកម្មអន្តរជាតិ ដែលធ្វើឡើងដោយមានកិច្ចសហការរវាងក្រុមហ៊ុនRESOLVO និងក្រុមហ៊ុន PIKOM នា
ពេលនេះគឺក្នុងគោលបំណង
ដើម្បីផ្តល់ឱកាសដល់បណ្តាក្រុមហ៊ុននានានៅក្នុងប្រទេសកម្ពុជា
និងក្រុមហ៊ុននៃប្រទេសម៉ាឡេស៊ី បានស្គាល់គ្នា និងមាន
ទំនាក់ទំនងល្អជាមួយគ្នា ហើយនិងអាចមានឱកាសធ្វើជាដៃគូ
ក្នុងការរកស៊ីផងដែរ ។
លោក ជុន វាត អគ្គលេខាធិការអាជ្ញាធរជាតិអភិវឌ្ឍន៍ បច្ចេកវិទ្យាព័ត៌មានវិទ្យា ICTមានប្រសាសន៍ថា បច្ចុប្បន្ន ICT នៅ
ក្នុងប្រទេសកម្ពុជាកំពុងមានការរីកចំរើនជាបណ្តើរ
ហើយការរៀបចំពីធីនាពេលនេះ គឺបាននាំមកនូវបទពិសោធន៍ល្អៗ
និងមេរៀនថ្មីសម្រាប់ប្រទេសកម្ពុជា
ដោយសារប្រទេសកម្ពុជាបច្ចុប្បន្ននេះ ជាប្រទេសប្រើប្រាស់ICT ដូច្នេះនៅពេលអនាគតយើងនឹងឈានទៅដល់ជាអ្នករៀបចំ និងជាអ្នកផលិតផ្នែកICT។លើស
ពីនេះទៀត ទំនាក់ទំនងរបស់កម្ពុជា និងម៉ាឡេស៊ីពេលនេះ
គឺជាកិច្ចសហប្រតិបត្តិការមួយដ៏ល្អ
ដែលអាចឲ្យប្រទេសរបស់យើងទទួលបានបទពិសោធន៍ជាច្រើនពីប្រទេសម៉ា
ឡេស៊ី លើផ្នែកICTនេះ ។
លោករដ្ឋ
មន្ត្រី ខៀវ កាញារីទ្ធ
បានសម្តែងនូវការរីករាយដោយបានមកចូលរួមក្នុងកម្ម
វិធីនាពេលនេះ ដោយចាត់ទុកថា
ការរៀបចំជាពិធីនេះឡើងគឺពិតជាមានសារៈសំខាន់ណាស់ដើម្បីផ្តល់
ឱកាសឲ្យយើងបានជួបប្រជុំគ្នា
ផ្លាស់ប្តូរនូវបទពិសោធន៍ពីគ្នាទៅវិញទៅមក រវាង
អ្នកជំនាញខាងផ្នែក ICT និង
អាចឲ្យក្រុមហ៊ុននានារបស់ប្រទេសកម្ពុជា និងក្រុមហ៊ុននៃប្រ
ទេសម៉ាឡេស៊ី បានជួបជុំគ្នា ស្គាល់គ្នា
និងអាចធ្វើទំនាក់ទំនង កិច្ចសហប្រតិបត្តិការជាមួយគ្នា
ព្រមទាំងអាចឲ្យប្រជាជនយើងមានឱកាសទិញសម្ភារៈថ្មីៗ
ជាពិសេសយុវជនកម្ពុជាយើង បានឃើញពីអ្វីដែលថ្មី
និងបានឃើញនូវឧបករណ៍ សម្ភារៈ ជាបច្ចេកវិទ្យាថ្មីៗ
ដែលបានដាក់ បង្ហាញនាពេលនេះ ។
លោករដ្ឋមន្ត្រីមានប្រសាសន៍លើកឡើងថា
តាមរបាយការណ៍របស់ធនាគារពិភពលោកបានបង្ហាញថា ការកើនឡើង១០% នៅក្នុងការជ្រៀតចូលអ៊ីនធឺណិតនឹងរួមចំណែកដល់១% នៃកំណើនផលិតផលក្នុងស្រុកសរុប ។ លោករដ្ឋមន្ត្រីជឿជាក់ថា តាមរយៈការរៀបចំព្រឹត្តិការណ៍ ICT មាន
កាន់តែច្រើនឡើងដូចថ្ងៃនេះ
នឹងជំរុញការអនុម័តបច្ចេកវិទ្យានៅក្នុងប្រទេសកម្ពុជា ។
លោករដ្ឋមន្ត្រីមានសង្ឃឹមយ៉ាងមុតមាំថា
ការរៀបចំពិធីនាថ្ងៃនេះ
នឹងបានបណ្តុះការសហការកាន់តែច្រើននាពេលអនាគតរវាងក្រុមហ៊ុន
នានារបស់ប្រទេសកម្ពុជា និងក្រុមហ៊ុននៃប្រទេសម៉ាឡេស៊ី ៕
ព័ត៌មានផ្សេងៗទៀត
