ភ្នំពេញ៖ រថយន្តនីស្សាន់ ពណ៌ស មានឃ្លុបបិទជិត ពាក់ស្លាកលេខ ភ្នំពេញ 2V 1214 បើកចេញពីហាងលក់គ្រឿង អេឡិចត្រូនិក LG បណ្តាលឲ្យទាក់បាក់ដើម ត្របែកព្រៃបាក់មួយកំណាត់ រួចហើយស្រាប់ តែនាំគ្នាប្រមូលមែកត្របែកព្រៃ ដែលបាក់នោះញាត់ចូលក្នុង ឃ្លុបរថយន្តត្រូវសមត្ថកិច្ច មកដល់ល្មម ។
ហេតុការណ៍នេះកើតឡើងនៅវេលាម៉ោង៧និង៣០នាទីយប់ថ្ងៃទី១១ កក្កដា តាមមហាវិថីព្រះមុនីវង្ស សង្កាត់មនោរម្យ ខណ្ឌ៧មករា ។
ប្រភពព័ត៌មានបានឲ្យដឹងថា រថយន្តខាងលើបើកចេញពីហាងលក់គ្រឿងអេឡិចត្រូចស្រាប់តែ ទាក់ឃ្លុបនិងមែកត្របែកព្រៃនៅតាមចិញ្ចើមផ្លូវបណ្តាល ឲ្យបាក់ដើមត្របែកព្រៃមួយកំណាត់ នៅសល់តែដើមឆ្កឹង ។ អ្វីដែលគួរឲ្យកត់សំគាល់នោះគឺ ពេលថយរថយន្តទាក់ដើមត្របែកព្រៃធ្វើឲ្យបាក់ហើយ ស្រាប់ តែអ្នកបើករថយន្តនាំគ្នាប្រមូលមែកត្របែកព្រៃដែលបាក់នោះញាត់ចូលក្នុងរថយន្តជិតអស់ហើយ ត្រូវនគរបាលចរាចរណ៍មកដល់ឃើញហើយធ្វើការ
ឃាត់សាកសួរ ។
ក្រោយពេលកើតហេតុម្ចាស់រថយន្តបានធ្វើការចរចាជាមួយសមត្ថកិច្ចនៅកន្លែងកើតហេតុបញ្ចប់រឿង មិនបានយករថយន្តទៅរក្សាទុកនៅការិយាល័យនគរបាលចរាចរណ៍ផ្លូវគោកទេ ៕
