ភ្នំពេញ៖
កាលពីវេលាម៉ោង៨និង៣០នាទី ព្រឹកថ្ងៃទី១១ ខែកក្កដា
ឆ្នាំ២០១៣ កម្លាំងកងរាជអាវុធហត្ថ លើផ្ទៃប្រទេសនៃការិយាល័យ
ស្រាវជ្រាវបទល្មើសព្រហ្មទណ្ឌ បានឃាត់ខ្លួនបុរសម្នាក់តាម
ដីកាបញ្ជាឲ្យចូលខ្លួនរបស់ អយ្យការសាលាដំបូង ខេត្តសៀមរាប ។
យោងតាមពាក្យបណ្តឹងរបស់ឈ្មោះ ស៊ុន ប៊ុនហេង ចុះថ្ងៃទី១៦ ខែមិថុនា ឆ្នាំ២០១៣ នៅបញ្ជាការដ្ឋានកងរាជអាវុធហត្ថខេត្តសៀមរាប បានឲ្យដឹងថា
កាលពីថ្ងៃទី១៤ ខែមេសា ឆ្នាំ២០១៣ ឈ្មោះ ខែក វិទូ ភេទប្រុស អាយុ៤០ឆ្នាំ មានទីលំនៅភូមិរូតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ បានមកនិយាយអះអាងថារូបគេមានអាជ្ញាប័ណ្ណដឹកជញ្ជូនឈើក្នុងស្រុក និងសន្យាលក់ឈើទាំងនោះឲ្យទៅឈ្មោះ ស៊ុន ប៊ុនហេង ក្នុងមួយជើងចំនួន២០ម៉ែត្រគូប ។
បន្ទាប់ពីព្រមព្រៀងកិច្ចសន្យាទិញលក់ឈើរួចហើយ កាលពីថ្ងៃទី២៤ ខែឧសភា ឆ្នាំ២០១៣ ឈ្មោះ ខែក វិទូ បានសុំខ្ចីលុយជាមុនចំនួន២០ម៉ឺនដុល្លារ ដោយសន្យាថានឹងកាត់ថ្លៃឈើសងវិញ បន្ទាប់មកស្រាប់តែឈ្មោះ ខែក វិទូ បានសុំខ្ចីប្រាក់ចំនួន៥ម៉ឺនដុល្លារទៀត ។ លុះដល់ថ្ងៃកំណត់សន្យា ឈ្មោះ ខែក វិទូ មិនបានអនុវត្តតាមកិច្ចសន្យាទេ ថែមទាំងកិច្ចវេសរហូត ទើបឈ្មោះ ស៊ុន ប៊ុនហេង បានស្រាវជ្រាវដឹងថា ឈ្មោះ ខែក វិទូ មិនមានអាជ្ញាប័ណ្ណដឹកជញ្ជូនឈើនោះទេ ។
ករណីឆបោកខាងលើនេះ ប្រព្រឹត្តទៅនៅភូមិដា ឃុំដា ស្រុកមេម៉ត់ ខេត្តកំពង់ចាម កាលពីថ្ងៃទី២៤ ខែមេសា ឆ្នាំ២០១៣ ។ រហូតដល់ព្រឹកថ្ងៃទី១១ ខែកក្កដា ឆ្នាំ២០១៣ កងរាជអាវុធហត្ថ លើផ្ទៃប្រទេសនៃការិយាល័យស្រាវជ្រាវបទល្មើសព្រហ្មទណ្ឌបានធ្វើការឃាត់ខ្លួនឈ្មោះ ខែក វិទូ នៅជិតសាលាដំបូងរាជធានីភ្នំពេញ តាមផ្លូវលេខ២១៧ សង្កាត់វាលវង់ ខណ្ឌ៧មករា ខណៈពេលដែលកំពុងតែជិះរថយន្តម៉ែរសឺដេស S430 ពណ៌ខ្មៅ ជាមួយតៃកុងរថយន្តម្នាក់ ។ បន្ទាប់ពីឃាត់ខ្លួនជនឆបោកខាងលើរួចហើយសមត្ថកិច្ចបានបញ្ជូនទៅសាកសួរនៅកងរាជអាវុធហត្ថលើផ្ទៃប្រទេស ៕
យោងតាមពាក្យបណ្តឹងរបស់ឈ្មោះ ស៊ុន ប៊ុនហេង ចុះថ្ងៃទី១៦ ខែមិថុនា ឆ្នាំ២០១៣ នៅបញ្ជាការដ្ឋានកងរាជអាវុធហត្ថខេត្តសៀមរាប បានឲ្យដឹងថា
កាលពីថ្ងៃទី១៤ ខែមេសា ឆ្នាំ២០១៣ ឈ្មោះ ខែក វិទូ ភេទប្រុស អាយុ៤០ឆ្នាំ មានទីលំនៅភូមិរូតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ បានមកនិយាយអះអាងថារូបគេមានអាជ្ញាប័ណ្ណដឹកជញ្ជូនឈើក្នុងស្រុក និងសន្យាលក់ឈើទាំងនោះឲ្យទៅឈ្មោះ ស៊ុន ប៊ុនហេង ក្នុងមួយជើងចំនួន២០ម៉ែត្រគូប ។
បន្ទាប់ពីព្រមព្រៀងកិច្ចសន្យាទិញលក់ឈើរួចហើយ កាលពីថ្ងៃទី២៤ ខែឧសភា ឆ្នាំ២០១៣ ឈ្មោះ ខែក វិទូ បានសុំខ្ចីលុយជាមុនចំនួន២០ម៉ឺនដុល្លារ ដោយសន្យាថានឹងកាត់ថ្លៃឈើសងវិញ បន្ទាប់មកស្រាប់តែឈ្មោះ ខែក វិទូ បានសុំខ្ចីប្រាក់ចំនួន៥ម៉ឺនដុល្លារទៀត ។ លុះដល់ថ្ងៃកំណត់សន្យា ឈ្មោះ ខែក វិទូ មិនបានអនុវត្តតាមកិច្ចសន្យាទេ ថែមទាំងកិច្ចវេសរហូត ទើបឈ្មោះ ស៊ុន ប៊ុនហេង បានស្រាវជ្រាវដឹងថា ឈ្មោះ ខែក វិទូ មិនមានអាជ្ញាប័ណ្ណដឹកជញ្ជូនឈើនោះទេ ។
ករណីឆបោកខាងលើនេះ ប្រព្រឹត្តទៅនៅភូមិដា ឃុំដា ស្រុកមេម៉ត់ ខេត្តកំពង់ចាម កាលពីថ្ងៃទី២៤ ខែមេសា ឆ្នាំ២០១៣ ។ រហូតដល់ព្រឹកថ្ងៃទី១១ ខែកក្កដា ឆ្នាំ២០១៣ កងរាជអាវុធហត្ថ លើផ្ទៃប្រទេសនៃការិយាល័យស្រាវជ្រាវបទល្មើសព្រហ្មទណ្ឌបានធ្វើការឃាត់ខ្លួនឈ្មោះ ខែក វិទូ នៅជិតសាលាដំបូងរាជធានីភ្នំពេញ តាមផ្លូវលេខ២១៧ សង្កាត់វាលវង់ ខណ្ឌ៧មករា ខណៈពេលដែលកំពុងតែជិះរថយន្តម៉ែរសឺដេស S430 ពណ៌ខ្មៅ ជាមួយតៃកុងរថយន្តម្នាក់ ។ បន្ទាប់ពីឃាត់ខ្លួនជនឆបោកខាងលើរួចហើយសមត្ថកិច្ចបានបញ្ជូនទៅសាកសួរនៅកងរាជអាវុធហត្ថលើផ្ទៃប្រទេស ៕