ដោយ ៖ ឡុង សំបូរ|ថ្ងៃទី 09 កក្កដា 2013 ម៉ោង 15:00:52
ខេត្តស្ទឹងត្រែង ៖
យុវជនជាកូនអ្នកកសិករម្នាក់បានរួចពីសេចក្តីស្លាប់
នៅក្រោយការជួយសង្គ្រោះ បន្ទាន់ដោយយកចិត្តទុកដាក់
ពីសំណាក់ក្រុមគ្រូពេទ្យជំនាញ នៃមន្ទីរពេទ្យបង្អែកខេត្តស្ទឹងត្រែង
គ្រាដែលជនរងគ្រោះនោះ
ត្រូវបានគេបញ្ជូនមកកាន់មន្ទីរពេទ្យខេត្ត
បន្ទាប់ពីត្រូវជ្រូកព្រៃមួយក្បាល ដេញខ្វេះ
នៅក្នុងព្រៃក្រោយភូមិឲ្យរងរបួសធ្ងន់នោះរួចមក។ ហេតុការណ៍ ជ្រូកព្រៃដេញខ្វេះមនុស្ស បង្កឲ្យរងរបួសធ្ងន់ធ្ងរខាងលើនោះ ត្រូវគេនិយាយថា បានកើតឡើងនៅវេលាម៉ោងប្រមាណជា៦និង៤៥នាទីព្រឹក ថ្ងៃទី៨ ខែកក្កដា ឆ្នាំ២០១៣ នៅក្នុងព្រៃក្រោយភូមិប្រមាណជា២០០ម៉ែត្រ ស្ថិតក្នុងភូមិកោះសំពាយ ឃុំកោះសំពាយ ស្រុកសៀមបូក ខេត្តស្ទឹងត្រែង ហើយត្រូវ បានក្រុមគ្រួសារបញ្ជូនមកដល់មន្ទីរពេទ្យបង្អែកខេត្ត នារសៀលថ្ងៃ ខែ ឆ្នាំដដែល ដើម្បីជួយសង្គ្រោះជា បន្ទាន់ ។
យុវជនរងគ្រោះ ត្រូវគេស្គាល់ឈ្មោះ ទូច ឬទ្ធី អាយុ១៨ឆ្នាំ រស់ក្នុងបន្ទុកឪពុកម្តាយក្នុងភូមិ ឃុំ ខាង លើ ហើយត្រូវបានសត្វជ្រូកព្រៃចាស់មួយក្បាល រត់ចេញក្នុងព្រៃជ្រៅដេញឆ្កឹះធ្វើឲ្យរងរបួសសព្វសាច់ ទាំងអស់ នៃរាងកាយ ។
គ្រួសារជនរងគ្រោះបានបញ្ជាក់ថា នៅមុនពេលកើតហេតុជនរងគ្រោះឈ្មោះ ទូច ឬទ្ធី បានរួមដំ ណើរចេញពីផ្ទះជាមួយនឹងប្អូនប្រុសគេម្នាក់ទៀតឈ្មោះ ទូច ជីវ៉ា អាយុ១៥ឆ្នាំ ដើម្បីដើររកសត្វក្របីដែល បានបាត់នាថ្ងៃកន្លងមក ។ រីឯការដើររកនោះជនរងគ្រោះបានដើររុកសព្វទីកន្លែង ហើយនៅចុងក្រោយគឺ បានដើររកនៅក្នុងព្រៃខាងក្រោយភូមិ មានចម្ងាយពីផ្ទះប្រមាណជា២០០ម៉ែត្រ ខណៈកំពុងដើរឆ្លងកាត់ ព្រៃនោះ ស្រាប់តែមានសត្វជ្រូកព្រៃមួយក្បាល រត់មកសំដៅហើយដេញបុកពីក្រោយ ធ្វើឲ្យជនរងគ្រោះ ដេកដួលទៅលើដី សត្វជ្រូកព្រៃបានដៃខ្វេះឆ្កឹះជនរងគ្រោះស្ទើរផុតជីវិត តែត្រូវបានអ្នកស្រុកជួយទាន់ ចំណែកសត្វជ្រូកព្រៃកាចសាហាវនោះ ត្រូវបានអ្នកស្រុកព័ទ្ធចាប់កាប់យកសាច់ធ្វើជាអារហារ ។
សូមជំរាបថា នេះជាច្រើនលើកទី២ហើយ ដែលសត្វជ្រូកព្រៃបានខ្វេះមនុស្សឲ្យរងរបួសធ្ងន់ តែជន រងគ្រោះទាំងពីរ ត្រូវបានជួយសង្គ្រោះទាន់ពេលវេលា ៕
