ភ្នំពេញ៖ ទឹកប្រាក់ឥណទាន ប្រមាណ២០០លានដុល្លារ សម្រាប់អនុវត្តឆ្នាំ ២០១៣-២០១៦ លើកម្រោងចំនួន៤រវាង រាជរដ្ឋាភិបាលកម្ពុជានិង រដ្ឋាភិបាលនៃសាធារណរដ្ឋកូរ៉េ ត្រូវបានចុះហត្ថលេខានៅព្រឹកថ្ងៃ ទី១០ កក្កដានេះ ដោយលោកឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទសនិង លោក គីម ហានសូ ឯកអគ្គរដ្ឋទូតនៃសាធារណរដ្ឋកូរ៉េ ក្រោមអធិបតីភាពដ៏ខ្ពង់ខ្ពស់ របស់សម្ដេចតេជោ នាយករដ្ឋមន្រ្តីកម្ពុជា ។
បើតាមសេចក្ដីប្រកាសព័ត៌មានរបស់ក្រសួងការបរទេសនិងកិច្ចសហប្រតិបត្តិការអន្តរជាតិឲ្យដឹងថា គម្រោងទាំង៤ដែលត្រូវអនុវត្តក្នុងរយៈពេល៣ឆ្នាំនោះរួមមាន៖
១, គម្រោងធ្វើឲ្យប្រសើរឡើងនូវកំណាត់ផ្នូវជាតិលេខ២ និងផ្លូវជាតិលេខ២២ ។
២, គម្រោងធ្វើឲ្យប្រសើរឡើងនូវកំណាត់ផ្លូវជាតិលេខ៤៨ ។
៣, គម្រោងអភិវឌ្ឍន៍ទំនប់ពហុបំណង ស្ទឹងដូនទ្រី ខេត្តបាត់ដំបងនិងពោធិ៍សាត់ ។
៤, គម្រោងកែលម្អផ្លូវជនបទជំហានទី២ នៅខេត្តចំនួន៩ រួមមាន កំពង់ចាម កំពង់ធំ កំពង់ស្ពឺ កំពង់ឆ្នាំង ពោធិ៍សាត់ បាត់ដំបង សៀមរាប តាកែវ និងបន្ទាយមានជ័យ ៕