ភ្នំពេញ៖
បុរស២នាក់បានស្លាប់ភ្លាមនៅនឹងកន្លែង
និងស្ត្រីម្នាក់ទៀតរងរបួសធ្ងន់ត្រូវបានគេដឹកបញ្ជូន
ទៅសង្គ្រោះនៅមន្ទីរពេទ្យដោយសារជិះម៉ូតូបុកគ្នា
កាលពីវេលាម៉ោង១និង៣០នាទីយប់ថ្ងៃទី១១ ខែកក្កដា ឆ្នាំ២០១៣
សង្កាត់បឹងកេងកងទី២ ខណ្ឌចំការមន។ប្រភពព័ត៌មាននៅកន្លែងកន្លែង កើតហេតុបានឲ្យដឹងថា មុនពេលកើតហេតុគេឃើញម៉ូតូម៉ាកនីក ពណ៌ស ជិះគ្នា២នាក់ ពាក់ស្លាកលេខ ភ្នំពេញ 1BS-8485 បើកក្នុងទិសដៅពីលិចទៅកើតតាមបណ្ដោយផ្លូវព្រះសីហនុ រីឯម៉ូតូគុបពណ៌ខៀវ ពាក់ស្លាកលេខ ញ-០២៦០ ភព១ បើកតែម្នាក់ឯងឆ្លងផ្លូវក្នុងទិសដៅពីត្បូងទៅជើង។ លុះមកដល់ចំណុចកើតហេតុខាងលើក៏បានបុកគ្នាយ៉ាងពេញទំហឹងបណ្តាលឲ្យ បុរស២នាក់ស្លាប់នៅកន្លែងភ្លាមៗ និងស្ត្រីម្នាក់ទៀតរបួសធ្ងន់ត្រូវបានដឹកយកទៅសង្គ្រោះ។
ជនរងគ្រោះដែលជិះម៉ូតូម៉ាកនីក ត្រូវគេស្គាល់ឈ្មោះ សុ រដ្ឋា (ស្លាប់)អាយុ២៥ឆ្នាំ ស្នាក់នៅផ្ទះលេខ៣៤ ផ្លូវលេខ១៦២ សង្កាត់ទឹកល្អក់ទី៣ ខណ្ឌទួលគោក រីឯបុរសជិះម៉ូតូគុបឈ្មោះឆូត តូ អាយុ២៨ឆ្នាំ (ស្លាប់) មានស្រុកកំណើតនៅឃុំសូទិត ស្រុកជើងព្រៃ ខេត្តកំពង់ចាម។ ចំណែកនារីរងរបួសបញ្ជូនត្រូវគេដឹកយកទៅមន្ទីរពេទ្យមិនស្គាល់ អត្តសញ្ញាណ។
ក្រោយពេលកើតហេតុគេឃើញសាច់ញាតិ ជនរងគ្រោះមកដឹកសពជនរងគ្រោះយកទៅធ្វើបុណ្យនៅឯស្រុកកំណើត ចំណែកម៉ូតូត្រូវបានសមត្ថកិច្ចអូសយកទៅរក្សាទុកនៅការិយាល័យចរាចរ ណ៌នៃស្នងការដ្ឋាននគរបាលរាជធានីភ្នំពេញ៕
ព័ត៌មានផ្សេងៗទៀត