មណ្ឌលគិរី ៖ ម៉ូតូចំនួន២១គ្រឿងត្រូវបានប្រគល់ដល់មន្ត្រីនគរបាលប៉ុស្តិ៍ រដ្ឋបាលមូលដ្ឋានចំនួន២១ឃុំ.សង្កាត់នៅទូទាំងខេត្តមណ្ឌលគិ រីកាលពីព្រឹកថ្ងៃទី២ ខែកក្កដាឆ្នាំ២០១៣ នៅស្នងការដ្ឋាននគរបាលខេត្តមណ្ឌលគិរី ក្រោមអធិបតី លោក អេង ប៊ុនហាងអភិបាលនៃ គណអភិបាលខេត្តមណ្ឌលគិរី លោកស្នងការ លោកស្នងការរងនាយការិយាល័យជាច្រើនរូប ។
ក្នុងឱកាសនោះលោកឧត្តមសេនីយ៍ត្រីញ៉ែម វ៉ាន់នីស្នងការនគរបាលខេត្តមណ្ឌលគិរីបានឲ្យដឹងថា នេះជាលើកទីបីហើយដែលឯកឧត្តមឧបនាយករដ្ឋមន្ត្រី ស ខេងរដ្ឋមន្ត្រីក្រសួងមហាផ្ទៃ និងឯកឧត្តមអគ្គស្នងការនគរបាលជាតិបានយកចិត្តទុកដាក់ឧបត្ថម្ភម៉ូតូជូនដល់ មន្ត្រីនគរបាលប៉ុស្តិ៍រដ្ឋបាលទាំង២១នៅក្នុងខេត្តមណ្ឌល គិរីសម្រាប់ជាមធ្យោបាយចុះបំពេញភារកិច្ចនៅតាមមូលដ្ឋាន។
លោកស្នងការនគរបាលខេត្តបានបន្តថា មន្ត្រីនគរបាលគ្រប់ប៉ុស្តិ៍មានម៉ូតូបន្ថែមមួយគ្រឿងទៀតហើយជាមធ្យោបាយសម្រាប់ចុះធ្វើការងាររបស់ ខ្លួនយកទៅប្រើប្រាស់ឲ្យចំគោលដៅដើម្បីធានានិងការពារ ភូមិ.ឃុំឲ្យមានសុវត្ថិភាពកាន់តែប្រសើរឡើងថែមទៀតនៅក្នុងមូលដ្ឋានខ្លួន ជាពិសេសក្នុងរយៈពេលនេះគណបក្សនយោបាយនានា កំពុងចេញធ្វើយុទ្ធនាការឃោសនារកសំឡេងឆ្នោតនិងនៅពេលបោះឆ្នោត ដឹកជញ្ជូននិង.រាប់សន្លឹកឆ្នោតខាងមុខនេះ។ លោកអេង ប៊ុនហាងបានក្រើនរំឮកដល់មន្ត្រីនគរបាលទាំងអស់ថា បើទោះបីមួយរយៈពេលប៉ុន្មានថ្ងៃមកនេះមិនមានអ្វីកើតឡើងមានសន្តិសុខសណ្តាប់ធ្នាប់ ល្អប្រសើរយ៉ាងណាក៏ដោយក៏ត្រូវជំរុញពង្រឹងនិង ប្រុងប្រយ័ត្នដាក់កម្លាំងតាមដាន ការពារសុវត្ថភាពរាល់សកម្មភាពរបស់គណះបក្សនយោបាយនៅពេលចេញយុទ្ធនាការឃោសនា រកសំឡេងឆ្នោតទាំងអស់និងស្លាក គណបក្សនានាដែលពួកគាត់បានដាក់តាំងផ្សព្វផ្សាយក្រែងមានជនខិលខូចមួយចំនួនឆ្លាតឱកាសបង្កបញ្ហាឡើងធ្វើឲជះឥទ្ធិពលដល់ភូមិ .ឃុំមានសុវត្ថភាពរបស់យើង។