ដោយ ៖ ជា ស្រស់
ថ្ងៃទី 18 មីនា 2013ម៉ោង 18:03:43
ខេត្ដសៀមរាប ៖
ព្រះសង្ឃមួយចំនួនធំគង់នៅវត្ដពោធិលង្ការក្នុងសង្កាត់ស្លក្រាម
ក្រុងសៀមរាបបាននាំគ្នាតវ៉ា
បន្ទាប់ពីព្រះចៅអធិការក្នុងវត្ដនេះបានចេញលិខិតមួយ
ច្បាប់ដោយបណ្ដេញព្រះសង្ឃ៣អង្គចេញពីវត្ដក្រោមបទចោទប្រកាន់ថា
ព្រះ សង្ឃទាំងនោះបានយកព្រះពុទ្ធសាសនា ធ្វើអាជីវកម្ម ។ ហេតុការណ៍ព្រះសង្ឃវត្ដពោធិលង្ការតវ៉ានេះបានកើតឡើងកាលពីវេលារសៀល ថ្ងៃទី១៨ ខែមីនា ឆ្នាំ២០១៣ នៅក្នុង បរិវេណវត្ដខាងលើ ។
នៅក្នុងពេលមានការតវ៉ានេះ គេ ឃើញមានវត្ដមានរបស់មន្ដ្រីនគរបាលប៉ុស្ដិ៍ស្លក្រាមជាច្រើននាក់មក ការពារ សន្ដិសុខក្នុងវត្ដដោយសារខ្លាចមានអំពើហឹង្សាកើតឡើងផងដែរ។ ប៉ុន្ដែទោះ ជាយ៉ាងនេះក្ដី ការតវ៉ានេះមិនមានកើត អំពើហឹង្សានោះទេ ហើយបានបញ្ចប់ទៅ វិញនៅវេលាម៉ោងប្រមាណជា១៥រសៀល ថ្ងៃដដែល ក្រោយពីមានការសម្រុះ សម្រួលពីព្រះតេជគុណ តាត មហាទី ទីប្រឹក្សាផ្ទាល់សម្ដេចព្រះមហាសុមេធាធិបតី នន្ទ ង៉ែត សម្ដេចព្រះសង្ឃ នាយកនៃព្រះរាជាណាចក្រកម្ពុជា និងជា ព្រះចៅអធិការវត្ដព្រះឥន្ទកោសា ៕