ដោយ ៖ សុខ ខេមរា
ថ្ងៃទី 15 មីនា 2013ម៉ោង 16:28:28
ខេត្ដឧត្ដរមានជ័យ ៖
អង្ករចំនួន៤តោន ដែលជាអំណោយរបស់លោកលឹម គានហោ
រដ្ឋមន្ដ្រីក្រសួងធនធានទឹកនិងឧតុនិយម ត្រូវបានលោក ឃិន ញ៉ាណ
ប្រធានមន្ទីរ ធនធានទឹកខេត្ដឧត្ដរមានជ័យ នាំយកទៅ
ចែកជូនផ្ដល់កងទ័ពសមរភូមិមុខវរសេនា
តូចការពារព្រំដែនលេខ៤០៦និង៤០៧ មានជាអង្ករចំនួន៤តោន ។លោកប្រធានមន្ទីរធនធានទឹកខេត្ដ ឧត្ដរមានជ័យ បានឱ្យដឹងថា កងទ័ពវរសេនាតូចលេខ៤០៦ ដែលប្រចាំការនៅ តំបន់ប្រាសាទតាក្របី ក្នុងឃុំអំពិល ស្រុកបន្ទាយអំពិល ខេត្ដឧត្ដរមានជ័យ លោករដ្ឋមន្ដ្រីបានប្រគល់ជូននូវអំណោយចំនួន២តោន និងកងទ័ពវរសេនាតូចលេខ៤០៧ ឈរជើងនៅត្រពាំងអំពិល សង្កាត់កូន ក្រៀល ស្រុកសំរោង ខេត្ដឧត្ដរមានជ័យ ក៏ទទួលបានអង្ករចំនួន២តោនដូចគ្នា ។
លោក ឃិន ញ៉ាណ បានបន្ដថា កន្លងទៅ លោករដ្ឋមន្ដ្រីតែងតែបានផ្ដល់ជូន ដល់កងទ័ពដែលប្រចាំការនៅសមរភូមិមុខ គឺខេត្ដឧត្ដរមានជ័យ ហើយថ្មីៗកន្លង ទៅនេះ លោករដ្ឋមន្ដ្រីក៏បានផ្ដល់ជា អំណោយសម្ភារមួយចំនួនទៀតដល់ក្រុម យុវជនស្ម័គ្រចិត្ដសម្ដេចតេជោដែលចុះ វាស់វែងដីធ្លីជូនប្រជាពលរដ្ឋ មានដូចជា ទឹកបរិសុទ្ធ, មីយើង, ត្រីងៀត, ត្រីខកំប៉ុង ។ល។
ក្រៅពីការគិតគូរដល់កងទ័ពនៅ សមរភូមិមុខ ជាគោលការណ៍របស់ លោករដ្ឋមន្ដ្រីក៏បានព្យាយាមស្វះស្វែង រកប្រភពទឹកស្រោចស្រពទៅលើដីស្រែ ប្រជាកសិករនៅក្របខ័ណ្ឌទូទាំងប្រទេស ដែលថ្មីៗនេះលោករដ្ឋមន្ដ្រី លឹម គានហោ បានចែកជូនម៉ាស៊ីនបូមទឹកចំនួន១០គ្រឿង និងក្បាលបូមចំនួន៥០០ ម៉ាកតេជោសែន ឱ្យតាមមន្ទីរធនធានទឹកខេត្ដ-រាជធានី យកទៅបម្រើការងារដោះស្រាយជូនប្រជា ពលរដ្ឋ និងករណីក្បាលបូមទៅចែកជូន ប្រជាពលរដ្ឋដោយមិនគិតថ្លៃ ៕