អគ្គិភ័យ
ឆាបឆេះឡើង កាលពីវេលា ម៉ោង១និង៣០នាទីរសៀល ថ្ងៃទី៥ ខែ មករា ឆ្នាំ២០១៣ ស្ថិតនៅចំណុចផ្ទះ លេខ១៧
ជាន់ទី១ ផ្លូវលេខ១៤២ សង្កាត់ ផ្សារថ្មី១ ខណ្ឌដូនពេញ ។
បើតាមសម្ដីអាជ្ញាធរមូលដ្ឋានសង្កាត់ផ្សារថ្មីទី១បានឱ្យដឹងថា ជនរងគ្រោះដែល ស្លាប់បាត់បង់ជីវិតនោះឈ្មោះ ផុន ឡេង ភេទប្រុស អាយុ៦៩ឆ្នាំ ស្លាប់មួយចំហៀង ខ្លួន(ជំងឺទឹកនោមផ្អែម)មានប្រពន្ធឈ្មោះ បេង ខេង អាយុ៤៩ឆ្នាំ មុខរបរលក់ចាន ឆ្នាំងនៅផ្សារថ្មី និងមានកូនពីរនាក់ ។
ប្រភពដដែលបន្ដឱ្យដឹងថា អគ្គិភ័យ ដែលឆាបឆេះខាងលើនេះ គឺបណ្ដាលមក ពីធូបអុជនៅកន្លែងកុងម៉ា ព្រោះថ្ងៃនេះ ជាថ្ងៃសីលទើបបណ្ដាលឱ្យឆាបឆេះ បែបនេះ ប៉ុន្ដែមិនរាលដាលដល់ផ្ទះប្រជា ពលរដ្ឋផ្សេងនោះទេ ដោយសាររថយន្ដ ពន្លត់អគ្គិភ័យរបស់នគរបាលការិយា ល័យរាជធានីភ្នំពេញ និងតាមបណ្ដា ខណ្ឌមួយចំនួនចេញទៅអន្ដរាគមន៍បាញ់ពន្លត់ភ្លាមៗផងដែរ ។ ប៉ុន្ដែជាអកុសល ទ្វារខាងមុខត្រូវជាប់សោទម្រាំនិងវាយ ទម្លុះទ្វារដែលជាប់សោនោះដើម្បីបាញ់ ពន្លត់ជួយបុរសរងគ្រោះដែលជាប់សោ នៅក្នុងផ្ទះនេះបានធ្វើឱ្យឈ្លក់ផ្សែងដក ដង្ហើមលែងរួចទើបបណ្ដាលឱ្យស្លាប់បាត់បង់ជីវិតហើយទោះបីក្រុម សង្គ្រោះ ព្យាយាមវាយសោទម្លាយទ្វារបម្រុងយកជនរងគ្រោះក៏ដោយ ។
នៅក្នុងហេតុការណ៍ភ្លើងកំពុងឆាប ឆេះខាងលើនេះ គេឃើញមានលោក សុខ សម្បត្ដិ អភិបាលខណ្ឌដូនពេញបាន ចុះទៅដល់កន្លែងកើតហេតុ ហើយក៏បាន ចូលរួមសោកស្ដាយទៅលើក្រុមគ្រួសារ ជនរងគ្រោះដែលស្លាប់នៅក្នុងឧប្បត្ដិហេតុ ភ្លើងឆេះ ។
គួរបញ្ជាក់ផងដែរថា ការបាញ់អន្ដរា គមន៍ពន្លត់អគ្គិភ័យខាងលើនេះបានប្រើ រថយន្ដអស់ចំនួន១០រថយន្ដ ហើយសម្ភារ ដែលបាត់បង់ សុទ្ធតែជាសម្ភារចានឆ្នាំង ដែលជាទីតាំងស្ដុកទុក ៕
អត្ថបទដកស្រង់ពីនគរវត្ត
