- Monday, 08 October 2012 14:14
ខេត្តកំពង់ធំ:
លោក Sharon Thangadurai នាយកអង្គការ អូស្វាម-អង់គ្លេស
ប្រចាំកម្ពុជា បានមានប្រសាសន៍ថា អង្គការ អុកហ្វាម មានថវិកា ៤លានផោន
សម្រាប់ធ្វើការងារ លើបញ្ហាភាពក្រីក្រ និងកាត់បន្ថយគ្រោះភ័យ
និងគ្រោះមហន្តរាយ នៅកម្ពុជា។
ក្នុង ដំណើរជាមួយនឹងសហភាពអឺរ៉ុប
ដែលបានដឹកនាំអ្នកកាសែត ចុះទៅកាន់ខេត្តកំពង់ធំ កាលពីថ្ងៃអាទិត្យ ទី៧
ខែតុលា ឆ្នាំ២០១២ លោក Sharon Thangadurai បានឲ្យដឹងថា
អង្គការអូស្វាម ជាអង្គការមនុស្សធម៌
ដូច្នេះតំបន់ដែលមានភាពងាយរងគ្រោះធម្មជាតិ
ហើយនៅក្នុងតំបន់ដែលមានងាយរងគ្រោះធម្មជាតិនេះ ជាពិសេសខេត្តកំពង់ធំ
ព្រះវិហារ ក្រចេះ និងស្ទឹងត្រែង។ កាលពីឆ្នាំ២០១១ ខេត្តកំពង់ធំ
ជាខេត្តមួយដែលមានគ្រោះទឹកជំនន់ធ្ងន់ធ្ងរជាងគេ
ហើយគោលដៅរបស់អង្គការអូស្វាម ដែលធ្វើការនៅក្នុងប្រទេសកម្ពុជា
បានជួយឲ្យសហគមន៍មូលដ្ឋាន
មានភាពបន្សាំទៅនឹងការផ្លាស់ប្តូរអាកាសធាតុនេះ។
លោក Sharon Thangadurai មានប្រសាសន៍បន្ថែមថា ការអន្តរាគមន៍របស់អង្គការអូស្វាម ធ្វើយ៉ាងណាឲ្យគាត់មានភាពងាយបន្សាំនឹងការផ្លាស់ប្តូរអាកាសធាតុ ធ្វើយ៉ាងឲ្យគាត់ជៀសផុតពីភាពងាយរងគ្រោះ ដូច្នេះហើយបានជាអូស្វាម ជ្រើសរើសយកខេត្តកំពង់ធំ ជាតំបន់គោលដៅរបស់ខ្លួន។
លោក Sharon Thangadurai នាយកអូស្វាមប្រចាំកម្ពុជា ថ្លែងបែបនេះ នៅក្នុងពេលចុះពិនិត្យការស្តារជួសជុលទំនប់ទប់ទឹកជំនន់មួយខ្សែ នៅភូមិព្រែព្រះ ឃុំ/ស្រុកកំពង់ស្វាយ ខេត្តកំពង់ធំ នារសៀលថ្ងែទី៧ខែតុលា២០១២ រួមជាមួយលោក ហ្សង ហ្វ្រង់ស័រ កូតាំង (Jean-Francois CAUTAIN) ឯកអគ្គរដ្ឋទូត ប្រធានប្រតិភូនៃសហភាពអឺរ៉ុប ប្រចាំព្រះរាជាណាចក្រកម្ពុជា។
លោក Sharon Thangadurai បានថ្លែងបន្តថា យើងមកទីនេះ (ភូមិព្រៃព្រះ) មានសកម្មភាពច្រើន ដូចជាកសាងសមត្ថភាពសហគមន៍មូលដ្ឋានឲ្យគាត់ អាចបន្សាំជាមួយនឹងការបម្រែបម្រួលអាកាសធាតុនេះ ធ្វើការបណ្តុះបណ្តាលឲ្យគាត់មានការយល់ដឹងអំពីការកាត់បន្ថយគ្រោះភ័យ នៃគ្រោះមហន្តរាយ និងរៀបចំសហគមន៍ឲ្យគាត់មានសមត្ថភាពក្នុងការត្រៀមបង្ការក្នុង គ្រោះភ័យនេះ ហើយដូចជាតំបន់គោលដៅមួយចំនួនដែលមានបញ្ហាគ្រោះទឹកជំនន់កើតឡើង គឺយើងត្រៀមជួយបង្កើតសមត្ថភាពទប់ទល់ក្នុងគ្រោះទឹកជំនន់ ហើយយើងក៏បានផ្តល់ជំនួយផ្នែកបច្ចេកទេសឲ្យពួកគាត់មានលទ្ធភាពក្នុង ការដាំដុះ ដើម្បីឲ្យជៀសផុតពីគ្រោះទឹកជំនន់ ពេលនោះដែរយើងក៏បានផ្តល់ពូជស្រូវ ដែលមានរយៈពេលខ្លី និងបានលើកកម្ពស់ទឹកអណ្តូងឲ្យបានខ្ពស់ផុតពីនីវូទឹកជំនន់។
លោកបន្តថា ទន្ទឹមនឹងនោះដែរ អូស្វាមក៏បានផ្តល់ជាទុនជាថវិកាឲ្យដល់សហគមន៍មូលដ្ឋាន យកទៅទិញពូជរបស់គាត់ ដើម្បីស្តាររបស់គាត់ឡើងវិញ។ អ្វីដែលយើងធ្វើទាំងអស់ មិនមែនត្រឹមតែជួយឲ្យយើងស្តារជីវភាពរបស់គាត់នៅក្រោយពេលទឹកជំនន់ ហ្នឹងទេ ប៉ុន្តែក៏មានគោលបំណងឲ្យពួកសហគមន៍មូលដ្ឋានរកវិធីសាស្ត្រក្នុងការ ទប់ស្កាត់នូវអ្វីដែលជាគ្រោះភ័យតទៅថ្ងៃអនាគតទៀត។
លោក Sharon Thangadurai បានមានប្រសាសន៍ថា សម្រាប់គម្រោងជួយខេត្តកំពង់ធំ កាលពីឆ្នាំទៅ យើងមានថវិកាជាង ២លានផោន។ នេះជាថវិកាមួយដែលយើងបានប្រើ មិនមែនតែសម្រាប់តែខេត្តកំពង់ធំទេ គឺសម្រាប់ពីរខេត្តកំពង់ធំ ជាមួយខេត្តក្រចេះ។ នៅឆ្នាំ២០១២នេះ តាមរយៈជំនួយរបស់សហភាពអឺរ៉ុប យើងបាន ១,៣ លានយូរ៉ូ សម្រាប់ធ្វើការនៅខេត្តកំពង់ធំ ហើយគម្រោងនេះ យើងបានចាប់ផ្តើមតាំងពីខែឧសភា ឆ្នាំ២០១២ នឹងបញ្ចប់នៅឆ្នាំក្រោយ ហើយយើងបានបញ្ចប់ការងាររបស់យើងបានប្រហែលជា ៣៥ ភាគរយហើយមកដល់ពេលនេះ។ យើងរំពឹងថា គម្រោងនេះ នឹងបញ្ចប់សកម្មភាពមួយរយភាគរយ នៅខែឧសភា ឆ្នាំ២០១៣ ក្រៅពីនោះ យើងបានទទួលបានថវិកាពីជំនួយម្ចាស់ជំនួយផ្សេងទៀត សម្រាប់ធ្វើការនៅខេត្តផ្សេងទៀត។
លោកបានបញ្ជាក់ថា ជាទូទៅអង្គការអូស្វាម នៅទូទាំងប្រទេសទាំងមូល មានថវិកាប្រហែលជា ៤លានផោន សម្រាប់ធ្វើការងារទៅបញ្ហាភាពក្រីក្រ និងកាត់បន្ថយគ្រោះភ័យ និងគ្រោះមហន្តរាយ និងការឆ្លើយតបនឹងបម្លាស់ប្តូរអាកាសធាតុដូច្នេះ។
លោក ហ្សង ហ្វ្រង់ស័រ កូតាំង (Jean-Francois CAUTAIN) ឯកអគ្គរដ្ឋទូត ប្រធានប្រតិភូនៃសហភាពអឺរ៉ុប ប្រចាំព្រះរាជាណាចក្រកម្ពុជា បានប្រសាសន៍ថា ការស្តារឡើងវិញនូវទំនប់នេះ (ទំនប់ឃុំកំពង់ស្វាយ) អូស្វាម-អង់គ្លេសបានអនុវត្តន៍គម្រោងនេះ នេះក៏ជាការលើកម្ពស់រួមចំណែកលើកកម្ពស់សន្តិសុខស្បៀងរបស់បងប្អូន ប្រជាពលរដ្ឋ នៅក្នុងតំបន់ភូមិព្រៃព្រះនេះផងដែរ ដែលទាក់ទងទៅនឹងគម្រោងដែលសហភាពអឺរ៉ុបកំពុងជួយមកទល់ពេលនេះ។
លោកបានបន្តថា ទាក់ទងទៅនឹងការថែទាំទំនប់នេះ គម្រោងបានដាក់ចូលទៅក្នុងផែនការវិនិយោគរបស់ឃុំ ដែលអាចធានាបាននូវនិរន្តភាពនៃការថែទាំនៃគម្រោងនេះ ក្នុងរយៈពេលយូរ ដើម្បីឲ្យប្រជាពលរដ្ឋទទួលផលរយៈពេលយូរនៅពេលគម្រោនេះបានចប់។ យើងបានជួបជាមួយលោកម្នាក់ដែលជាគណៈកម្មការថែទាំទំនប់នេះ ដែលបានបញ្ជាក់ថា ប្រជាពលរដ្ឋជាអ្នកចូលរួមចំណែកខាងផ្នែកពលកម្មក្នុងការថែទាំទំនប់ នេះ ហើយបានដាក់ចូលការវិនិយោគដែលប្រើប្រាស់ថវិកាឃុំផងដែរ នៅពេលដែលមានការខូចខាតនាពេលអនាគតនោះគឺថាមានការគ្រប់គ្រងដោយឃុំ និងប្រជាពលរដ្ឋតែម្តង ដែលជាគម្រោងបន្សល់ទុកដោយអូស្វាម GB និងអូស្វាម-អង់គ្លេស ព្រមទាំងសហការនឹងដៃគូនៅមូលដ្ឋាន គឺអង្គការ APA៕ ដោយ: កូឡាប (CEN)
លោក Sharon Thangadurai មានប្រសាសន៍បន្ថែមថា ការអន្តរាគមន៍របស់អង្គការអូស្វាម ធ្វើយ៉ាងណាឲ្យគាត់មានភាពងាយបន្សាំនឹងការផ្លាស់ប្តូរអាកាសធាតុ ធ្វើយ៉ាងឲ្យគាត់ជៀសផុតពីភាពងាយរងគ្រោះ ដូច្នេះហើយបានជាអូស្វាម ជ្រើសរើសយកខេត្តកំពង់ធំ ជាតំបន់គោលដៅរបស់ខ្លួន។
លោក Sharon Thangadurai នាយកអូស្វាមប្រចាំកម្ពុជា ថ្លែងបែបនេះ នៅក្នុងពេលចុះពិនិត្យការស្តារជួសជុលទំនប់ទប់ទឹកជំនន់មួយខ្សែ នៅភូមិព្រែព្រះ ឃុំ/ស្រុកកំពង់ស្វាយ ខេត្តកំពង់ធំ នារសៀលថ្ងែទី៧ខែតុលា២០១២ រួមជាមួយលោក ហ្សង ហ្វ្រង់ស័រ កូតាំង (Jean-Francois CAUTAIN) ឯកអគ្គរដ្ឋទូត ប្រធានប្រតិភូនៃសហភាពអឺរ៉ុប ប្រចាំព្រះរាជាណាចក្រកម្ពុជា។
លោក Sharon Thangadurai បានថ្លែងបន្តថា យើងមកទីនេះ (ភូមិព្រៃព្រះ) មានសកម្មភាពច្រើន ដូចជាកសាងសមត្ថភាពសហគមន៍មូលដ្ឋានឲ្យគាត់ អាចបន្សាំជាមួយនឹងការបម្រែបម្រួលអាកាសធាតុនេះ ធ្វើការបណ្តុះបណ្តាលឲ្យគាត់មានការយល់ដឹងអំពីការកាត់បន្ថយគ្រោះភ័យ នៃគ្រោះមហន្តរាយ និងរៀបចំសហគមន៍ឲ្យគាត់មានសមត្ថភាពក្នុងការត្រៀមបង្ការក្នុង គ្រោះភ័យនេះ ហើយដូចជាតំបន់គោលដៅមួយចំនួនដែលមានបញ្ហាគ្រោះទឹកជំនន់កើតឡើង គឺយើងត្រៀមជួយបង្កើតសមត្ថភាពទប់ទល់ក្នុងគ្រោះទឹកជំនន់ ហើយយើងក៏បានផ្តល់ជំនួយផ្នែកបច្ចេកទេសឲ្យពួកគាត់មានលទ្ធភាពក្នុង ការដាំដុះ ដើម្បីឲ្យជៀសផុតពីគ្រោះទឹកជំនន់ ពេលនោះដែរយើងក៏បានផ្តល់ពូជស្រូវ ដែលមានរយៈពេលខ្លី និងបានលើកកម្ពស់ទឹកអណ្តូងឲ្យបានខ្ពស់ផុតពីនីវូទឹកជំនន់។
លោកបន្តថា ទន្ទឹមនឹងនោះដែរ អូស្វាមក៏បានផ្តល់ជាទុនជាថវិកាឲ្យដល់សហគមន៍មូលដ្ឋាន យកទៅទិញពូជរបស់គាត់ ដើម្បីស្តាររបស់គាត់ឡើងវិញ។ អ្វីដែលយើងធ្វើទាំងអស់ មិនមែនត្រឹមតែជួយឲ្យយើងស្តារជីវភាពរបស់គាត់នៅក្រោយពេលទឹកជំនន់ ហ្នឹងទេ ប៉ុន្តែក៏មានគោលបំណងឲ្យពួកសហគមន៍មូលដ្ឋានរកវិធីសាស្ត្រក្នុងការ ទប់ស្កាត់នូវអ្វីដែលជាគ្រោះភ័យតទៅថ្ងៃអនាគតទៀត។
លោក Sharon Thangadurai បានមានប្រសាសន៍ថា សម្រាប់គម្រោងជួយខេត្តកំពង់ធំ កាលពីឆ្នាំទៅ យើងមានថវិកាជាង ២លានផោន។ នេះជាថវិកាមួយដែលយើងបានប្រើ មិនមែនតែសម្រាប់តែខេត្តកំពង់ធំទេ គឺសម្រាប់ពីរខេត្តកំពង់ធំ ជាមួយខេត្តក្រចេះ។ នៅឆ្នាំ២០១២នេះ តាមរយៈជំនួយរបស់សហភាពអឺរ៉ុប យើងបាន ១,៣ លានយូរ៉ូ សម្រាប់ធ្វើការនៅខេត្តកំពង់ធំ ហើយគម្រោងនេះ យើងបានចាប់ផ្តើមតាំងពីខែឧសភា ឆ្នាំ២០១២ នឹងបញ្ចប់នៅឆ្នាំក្រោយ ហើយយើងបានបញ្ចប់ការងាររបស់យើងបានប្រហែលជា ៣៥ ភាគរយហើយមកដល់ពេលនេះ។ យើងរំពឹងថា គម្រោងនេះ នឹងបញ្ចប់សកម្មភាពមួយរយភាគរយ នៅខែឧសភា ឆ្នាំ២០១៣ ក្រៅពីនោះ យើងបានទទួលបានថវិកាពីជំនួយម្ចាស់ជំនួយផ្សេងទៀត សម្រាប់ធ្វើការនៅខេត្តផ្សេងទៀត។
លោកបានបញ្ជាក់ថា ជាទូទៅអង្គការអូស្វាម នៅទូទាំងប្រទេសទាំងមូល មានថវិកាប្រហែលជា ៤លានផោន សម្រាប់ធ្វើការងារទៅបញ្ហាភាពក្រីក្រ និងកាត់បន្ថយគ្រោះភ័យ និងគ្រោះមហន្តរាយ និងការឆ្លើយតបនឹងបម្លាស់ប្តូរអាកាសធាតុដូច្នេះ។
លោក ហ្សង ហ្វ្រង់ស័រ កូតាំង (Jean-Francois CAUTAIN) ឯកអគ្គរដ្ឋទូត ប្រធានប្រតិភូនៃសហភាពអឺរ៉ុប ប្រចាំព្រះរាជាណាចក្រកម្ពុជា បានប្រសាសន៍ថា ការស្តារឡើងវិញនូវទំនប់នេះ (ទំនប់ឃុំកំពង់ស្វាយ) អូស្វាម-អង់គ្លេសបានអនុវត្តន៍គម្រោងនេះ នេះក៏ជាការលើកម្ពស់រួមចំណែកលើកកម្ពស់សន្តិសុខស្បៀងរបស់បងប្អូន ប្រជាពលរដ្ឋ នៅក្នុងតំបន់ភូមិព្រៃព្រះនេះផងដែរ ដែលទាក់ទងទៅនឹងគម្រោងដែលសហភាពអឺរ៉ុបកំពុងជួយមកទល់ពេលនេះ។
លោកបានបន្តថា ទាក់ទងទៅនឹងការថែទាំទំនប់នេះ គម្រោងបានដាក់ចូលទៅក្នុងផែនការវិនិយោគរបស់ឃុំ ដែលអាចធានាបាននូវនិរន្តភាពនៃការថែទាំនៃគម្រោងនេះ ក្នុងរយៈពេលយូរ ដើម្បីឲ្យប្រជាពលរដ្ឋទទួលផលរយៈពេលយូរនៅពេលគម្រោនេះបានចប់។ យើងបានជួបជាមួយលោកម្នាក់ដែលជាគណៈកម្មការថែទាំទំនប់នេះ ដែលបានបញ្ជាក់ថា ប្រជាពលរដ្ឋជាអ្នកចូលរួមចំណែកខាងផ្នែកពលកម្មក្នុងការថែទាំទំនប់ នេះ ហើយបានដាក់ចូលការវិនិយោគដែលប្រើប្រាស់ថវិកាឃុំផងដែរ នៅពេលដែលមានការខូចខាតនាពេលអនាគតនោះគឺថាមានការគ្រប់គ្រងដោយឃុំ និងប្រជាពលរដ្ឋតែម្តង ដែលជាគម្រោងបន្សល់ទុកដោយអូស្វាម GB និងអូស្វាម-អង់គ្លេស ព្រមទាំងសហការនឹងដៃគូនៅមូលដ្ឋាន គឺអង្គការ APA៕ ដោយ: កូឡាប (CEN)