- Monday, 08 October 2012 16:08
ភ្នំពេញ:
ព្យុះទី២០ ឈ្មោះហ្គាអេមី វាបានរលាយអស់ទៅវិញហើយ
បន្ទាប់ពីឆ្លងកាត់ប្រទេសវៀតណាម ចូលដល់ប្រទេសកម្ពុជា
និងឥទ្ធិពលទឹកភ្លៀងយ៉ាងខ្លាំង ដល់ប្រទេសថៃរួចមក តែព្យុះនេះ
មិនបង្កឲ្យមានការខូចខាតផ្ទះសម្បែង និងគ្រោះថ្នាក់ប្រជាពលរដ្ឋ
នៅក្នុងប្រទេសកម្ពុជាទេ
គឺគ្រាន់តែបង្កឲ្យមានទឹកជំនន់បាក់ដាច់ប្រព័ន្ធធារាសាស្ត្រ
បន្ទាប់ពីមានភ្លៀងធ្លាក់ច្រើន នៅទូទាំងប្រទេសរួចមក។
លោក ចាន់ យុត្ថា អ្នកនាំពាក្យ និង
ជានាយកខុទ្ធកាលយ័ ក្រសួងធនធានទឹក និងឧតុនិយម និយាយឲ្យដឹង
នៅថ្ងៃទី៨ ខែតុលា ឆ្នាំ២០១២ ថា ព្យុះហ្គាអេមី បានរលាយអស់ហើយ
បន្ទាប់ពីបង្កឲ្យមានភ្លៀងធ្លាក់ពីមធ្យមទៅច្រើន
នៅទូទាំងប្រទេសធ្វើឲ្យមានទឹកជំនន់ បាក់ដាច់ផ្លូវថ្នល់
និងប្រព័ន្ធធារាសាស្ត្រ នៅក្នុងខេត្តមួយចំនួនរួចមក។ តែព្យុះនេះ
មិនបង្កឲ្យមានដួលរលំផ្ទះ និងបង្កគ្រោះថ្នាក់ ដល់ប្រជាពលរដ្ឋទេ។
ប្រភពខាងលើ បានឲ្យដឹងទៀតថា ប្រព័ន្ធធារាសាស្ត្រមួយចំនួន បានបាក់ដាច់ និងមួយចំនួនទៀត កំពុងរងការគំរាមកំហែង ទោះបីជាមន្ត្រីជំនាញ មានវិធានការ ( បើកទ្វារទឹកចោលទាំងអស់ ) ជាមុនយ៉ាងណាហើយ ក៏ដោយព្រោះភ្លៀងធ្លាក់ភាគច្រើន មានកម្រិតលើសពីមួយរយមីលីម៉ែត្រ ដូចជា នៅក្នុងខេត្តពោធិ៍សាត់ បាត់ដំបង ឧត្តរមានជ័យ កំពង់ឆ្នាំង និងខេត្តកំពង់ធំ។ ប្រព័ន្ធធារាសាស្ត្រ ដែលបាក់ដាច់ ដោយសារទឹកជំនន់នេះ ត្រូវធ្វើការជួសជុលឡើងវិញ បន្ទាប់ពីទឹកស្រក។
ចំណែកឯ ទឹកទន្លេមេគង្គវិញ ប្រភពដដែលបញ្ជាក់ថា គឺមិនមានការជន់ឡើង ក្នុងពេលព្យុះហ្គាអេមី បានចូលមកដល់ប្រទេសកម្ពុជានេះទេ។ ព្យុះ ហ្គាអេមី មិនបាននាំមកនូវខ្យល់ខ្លាំងទេ តែវាបាននាំមកនូវទឹកភ្លៀងច្រើន។
មន្ត្រីក្រសួងជំនាញ រូបនេះ បានបញ្ជាក់ទៀតថា នៅក្នុងសមុទ្រប៉ាស៊ីហ្វិក ពេលនេះ មានព្យុះទី២១ ឈ្មោះ ព្រះភិរុណ បានកើតឡើងមួយទៀតហើយ តែវាមានដំណើរទៅភាគខាងជើង ផ្នែកជំនាញ កំពុងតែធ្វើការតាមដាន វាយ៉ាងយកចិត្តទុកដាក់។
ព្យុះហ្គាអេមី ដែលជាព្យុះទី២០ កើតមាននៅក្នុងសមុទ្រចិនខាងត្បូង ហើយបានធ្វើដំណើរកាត់ប្រទេសវៀតណាម និងភាគខាងជើង ប្រទេសកម្ពុជា រហូតដល់ប្រទេសថៃ បង្កឲ្យមានភ្លៀងធ្លាក់ និងទឹកជំនន់ ក្នុងខេត្តមួយចំនួនរបស់ប្រទេសថៃផងដែរ។
ព្យុះ ហ្គាអេមី ដែលបានរលាយទៅវិញហើយនេះ ត្រូវបានស្ថាប័នព្យាករធាតុអាកាស តំបន់អាស៊ីព្យាករណ៍ថា វាមានឥទ្ធិពលខ្លាំងណាស់ ដល់ប្រទេសកម្ពុជា និងថៃ បន្ទាប់ពីភាគកណ្តាលរបស់ប្រទេសវៀតណាម ដែលនៅចំពីមុខព្យុះនេះ។ ប្រទេសទាំងបី សុទ្ធតែបានចេញសេចក្តីព្រមានឲ្យប្រជាពលរដ្ឋ មានការប្រុងប្រយ័ត្នខ្ពស់ដូចគ្នា តែជាក់ស្តែងព្យុះមួយនេះ វាបានថយឥទ្ធិពលទៅវិញនៅពាក់កណ្តាលទី បន្ទាប់ពីមានព្យុះទី២១ បានកើតមានបន្ត៕ ដោយ: ខេមា (CEN)
ប្រភពខាងលើ បានឲ្យដឹងទៀតថា ប្រព័ន្ធធារាសាស្ត្រមួយចំនួន បានបាក់ដាច់ និងមួយចំនួនទៀត កំពុងរងការគំរាមកំហែង ទោះបីជាមន្ត្រីជំនាញ មានវិធានការ ( បើកទ្វារទឹកចោលទាំងអស់ ) ជាមុនយ៉ាងណាហើយ ក៏ដោយព្រោះភ្លៀងធ្លាក់ភាគច្រើន មានកម្រិតលើសពីមួយរយមីលីម៉ែត្រ ដូចជា នៅក្នុងខេត្តពោធិ៍សាត់ បាត់ដំបង ឧត្តរមានជ័យ កំពង់ឆ្នាំង និងខេត្តកំពង់ធំ។ ប្រព័ន្ធធារាសាស្ត្រ ដែលបាក់ដាច់ ដោយសារទឹកជំនន់នេះ ត្រូវធ្វើការជួសជុលឡើងវិញ បន្ទាប់ពីទឹកស្រក។
ចំណែកឯ ទឹកទន្លេមេគង្គវិញ ប្រភពដដែលបញ្ជាក់ថា គឺមិនមានការជន់ឡើង ក្នុងពេលព្យុះហ្គាអេមី បានចូលមកដល់ប្រទេសកម្ពុជានេះទេ។ ព្យុះ ហ្គាអេមី មិនបាននាំមកនូវខ្យល់ខ្លាំងទេ តែវាបាននាំមកនូវទឹកភ្លៀងច្រើន។
មន្ត្រីក្រសួងជំនាញ រូបនេះ បានបញ្ជាក់ទៀតថា នៅក្នុងសមុទ្រប៉ាស៊ីហ្វិក ពេលនេះ មានព្យុះទី២១ ឈ្មោះ ព្រះភិរុណ បានកើតឡើងមួយទៀតហើយ តែវាមានដំណើរទៅភាគខាងជើង ផ្នែកជំនាញ កំពុងតែធ្វើការតាមដាន វាយ៉ាងយកចិត្តទុកដាក់។
ព្យុះហ្គាអេមី ដែលជាព្យុះទី២០ កើតមាននៅក្នុងសមុទ្រចិនខាងត្បូង ហើយបានធ្វើដំណើរកាត់ប្រទេសវៀតណាម និងភាគខាងជើង ប្រទេសកម្ពុជា រហូតដល់ប្រទេសថៃ បង្កឲ្យមានភ្លៀងធ្លាក់ និងទឹកជំនន់ ក្នុងខេត្តមួយចំនួនរបស់ប្រទេសថៃផងដែរ។
ព្យុះ ហ្គាអេមី ដែលបានរលាយទៅវិញហើយនេះ ត្រូវបានស្ថាប័នព្យាករធាតុអាកាស តំបន់អាស៊ីព្យាករណ៍ថា វាមានឥទ្ធិពលខ្លាំងណាស់ ដល់ប្រទេសកម្ពុជា និងថៃ បន្ទាប់ពីភាគកណ្តាលរបស់ប្រទេសវៀតណាម ដែលនៅចំពីមុខព្យុះនេះ។ ប្រទេសទាំងបី សុទ្ធតែបានចេញសេចក្តីព្រមានឲ្យប្រជាពលរដ្ឋ មានការប្រុងប្រយ័ត្នខ្ពស់ដូចគ្នា តែជាក់ស្តែងព្យុះមួយនេះ វាបានថយឥទ្ធិពលទៅវិញនៅពាក់កណ្តាលទី បន្ទាប់ពីមានព្យុះទី២១ បានកើតមានបន្ត៕ ដោយ: ខេមា (CEN)
