Oct-05-2012
យោងតាមកាសែតដឺ ណេសិន របស់ថៃ បានឲ្យដឹងថា បន្ទាប់ពីការស៊ើបអង្កេតទៅលើការរត់ពន្ធរូបបដិមាឆ្លងកាត់
ព្រំដែននៅឃុំតាំបុនថាខាំ នៃស្រុកអារញ្ញ ប៉ូលិស និងក្រុមយោធាបានល្បាតតំបន់នេះ កាលពីព្រឹកថ្ងៃព្រហស្បតិ៍រហូត
ដល់ពួកគេប្រទះឃើញរថយន្តមួយបាំងកន្លះគួរឲ្យសង្ស័យមួយ និងបានឃាត់ឆែកឆេរ។
កាសែតបានបន្តទៀតថា រថយន្តបានបង្កើនល្បឿន តែប៉ូលិសបានដេញតាម និងឃាត់រថយន្ត ចាប់ខ្លួនអ្នកបើករថយន្ត
ហើយបានរកឃើញបដិមា ៥នៅក្នុងបាវជី។ គេសង្ស័យថាបដិមាទាំងនេះមានអាយុពី ១.២០០ទៅ២.០០០ឆ្នាំ។រូបបដិមាបុរាណខ្មែរ៥ ដែលគេនិយាយថា មានចំណាស់យ៉ាងតិច ១.២០០ឆ្នាំ ត្រូវបានប៉ូលិសខេត្តសាកែវ ជាប់ព្រំដែន
កម្ពុជា ចាប់បានពីពួកលួចរត់ពន្ធកាលពីថ្ងៃម្សិលមិញ។
អ្នកបើករថយន្តឈ្មោះ ផានូពង់ បានប្រាប់ប៉ូលិសថា ខ្លួនបានទទួលដឹកវត្ថុបុរាណទាំងនេះពីជនជាតិកម្ពុជាម្នាក់
ដើម្បីយកវាទៅឲ្យឈ្មួញថៃម្នាក់នៅក្រុងបាងកក ដែលគ្រោងនឹងលក់វាទៅឲ្យពួកទេសចរបរទេស។ អ្នកបើកបររូបនោះ
បានអះអាងថា បដិមាទាំងនេះសុទ្ធតែជាវត្ថុចម្លង ដោយធ្វើឲ្យមើលទៅដូចជាវត្ថុបុរាណ ដើម្បីបន្លំពួកឈ្មួញវត្ថុបុរាណ
បរទេស។
ប៉ូលិសបានបញ្ជូនអ្នកបើកបរ និងបដិមាដែលចាប់បានទាំងនេះ ទៅការិយាល័យគយស្រុកអារញ្ញ ដើម្បីចាត់ការតាមផ្លូវ
ច្បាប់ហើយរូបបដិមានឹងបញ្ជូនទៅឲ្យការិយាល័យបុរាណវត្ថុនៃនាយកដ្ឋានវិចិត្រសិល្បៈត្រួតពិនិត្យ៕cam111