Oct-01-2012
សាលក្រម នោះបានសម្រេចផ្ដន្ទាទោសឈ្មោះ កាន់ សុវណ្ណ អាយុ ៥៤ឆ្នាំ ដាក់ពន្ធនាគារ ៣ឆ្នាំ, ឈ្មោះទូច រៀម អាយុ
៣៣ឆ្នាំ ដាក់ពន្ធនាគារ ៥ឆ្នាំ និងឈ្មោះ ភន ស្រឿន ភេទប្រុស អាយុ ៣២ឆ្នាំ ដាក់ពន្ធនាគារ ១០ខែ។ភ្នំពេញ៖ លោក ម៉ម សូណង់ដូ អាយុ ៧១ឆ្នាំ ជានាយកវិទ្យុសំបុកឃ្មុំអេហ្វអឹម១០៥ មេហ្គាហឺត និងជាប្រធាន
សមាគមអ្នកប្រជាធិបតេយ្យ បានត្រូវលោកស្រីចាំង ស៊ីណាត ប្រធានក្រុមប្រឹក្សានៃសាលាដំបូងរាជធានីភ្នំពេញ
ប្រកាសសាលក្រមកាលពីថ្ងៃទី១ ខែតុលា ឆ្នាំ២០១២ សម្រេចផ្ដន្ទាទោសដាក់ពន្ធនាគាររយៈពេល ២០ឆ្នាំ និងពិន័យ
ជាប្រាក់ ១០លានរៀល ពីបទផ្ដើមគំនិត ប្រឆាំងនឹងអ្នករាជការសាធារណៈមានស្ថានទម្ងន់ទោសកុបកម្ម ជ្រៀតជ្រែត
ដោយខុសច្បាប់នៅក្នុងការបំពេញមុខងារសាធារណៈ កាន់កាប់ ឬដឹកជញ្ជូនអាវុធ ដោយគ្មានការអនុញ្ញាតប្រើប្រាស់
លិខិត ឬឯកសារ ដែលបង្កើតឱ្យមានការភ័ន្តច្រឡំ និងញុះញង់ឲ្យប្រជាពលរដ្ឋកាន់កាប់អាវុធប្រឆាំងនឹងអាជ្ញាធរ
ស្របច្បាប់។
ចំណែកជនជាប់ចោទ ៤នាក់មាន ឈ្មោះ ហង្ស ផល អាយុ ៤៨ឆ្នាំ ដាក់ពន្ធនាគារ ៣ឆ្នាំ ឈ្មោះហេង គឿន អាយុ
៣១ឆ្នាំ ដាក់ពន្ធនាគារ ១០ខែ, ឈ្មោះ ម៉ៅ វាសនា អាយុ ៣២ឆ្នាំ ដាក់ពន្ធនាគារ ២ឆ្នាំ និងឈ្មោះ គង់ វណ្ណៈ
អាយុ ៥៣ឆ្នាំ ដាក់ពន្ធនាគារ ២ឆ្នាំ។ ដោយពួកគេអនុវត្តទោសក្នុងពន្ធនាគារបានមួយចំនួនរួចហើយ ដូច្នេះទោសសល់
ប៉ុន្មានគឺព្យួរ ពោលគឺពួកគេត្រូវស្ថិតនៅក្រៅពន្ធនាគារ។
ផ្ដន្ទាទោសឈ្មោះ ផាត់ សារឿន អាយុ ៥៧ឆ្នាំ ដាក់ពន្ធនាគារ ៤ឆ្នាំ និងឈ្មោះ ម៉ា ឆាង អាយុ ៤៧ឆ្នាំ ដាក់ពន្ធនាគារ
៥ឆ្នាំ តែទោសនេះព្យួរទាំងអស់។ ដោយឡែកជនជាប់ចោទដែលគេចខ្លួនមានឈ្មោះ ប៊ុន រដ្ឋា ជាប់ពន្ធនាគារ ៣០ឆ្នាំ
និងពិន័យជាប្រាក់ ១០លានរៀលឈ្មោះ ប៊ុន ឆន និងឈ្មោះ សុខ តុង ជាប់ពន្ធនាគារក្នុងម្នាក់ៗ ១៥ឆ្នាំ និងពិន័យ
ជាប្រាក់ ៨លានរៀល ពីបទប្រឆាំងនឹងអ្នករាជការសាធារណៈមានស្ថានទម្ងន់ទោស, ធ្វើកុបកម្មជ្រៀតជ្រែកខុសច្បាប់
នៅក្នុងការបំពេញមុខងារសាធារណៈរបស់អាជ្ញាធរ និងញុះញង់ឲ្យប្រជាពលរដ្ឋកាន់អាវុធប្រឆាំងនឹងអាជ្ញាធរ
ស្របច្បាប់ ឆបោក ចាប់បង្ខាំង ឃុំឃាំង និងហិង្សាដោយចេតនាមានស្ថានទម្ងន់ទោស។
គួររំលឹកថា កាលពីថ្ងៃទី១៦ ខែឧសភា ឆ្នាំ២០១២ កម្លាំងសមត្ថកិច្ចបានបើកប្រតិបត្តិការបំបែក និងបានកាន់កាប់
ទីតាំងពួកអនាធិបតេយ្យមួយក្រុម នៅភូមិសាស្ត្រភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ដែលចង់ប្រែក្លាយជា
តំបន់អបគមន៍ ហើយចាប់បានមនុស្ស ៨នាក់ជាបន្តបន្ទាប់។
នៅចន្លោះពេលដែលសាលាដំបូងខេត្តក្រចេះបានស៊ើបសួរករណីនេះ បានរកឃើញនូវភស្តុតាងមួយចំនួនមានជាប់
ពាក់ព័ន្ធនឹងសមាគមអ្នកប្រជាធិបតេយ្យ ដែលមាន លោក ម៉ម សូណង់ដូ ជាប្រធាន។ បន្ទាប់មកនៅព្រឹកថ្ងៃទី១៥
ខែកក្កដា ឆ្នាំ២០១២ សមត្ថកិច្ចប៉ូលិសនាយកដ្ឋានសន្តិសុខផ្ទៃក្នុងក្រសួងមហាផ្ទៃបានចាប់ខ្លួនលោកម៉ម សូណង់ដូ
នៅចំណុចផ្ទះដែលជាស្ថានីយវិទ្យុសំបុកឃ្មុំអេហ្វអឹម ១០៥មេហ្គាហឺត ស្ថិតនៅភូមិត្នោតជ្រុំ សង្កាត់បឹងទំពុន
ខណ្ឌមានជ័យ រួចបញ្ជូនមកសាលាដំបូងរាជធានីភ្នំពេញ កាលពីថ្ងៃទី១៦ កក្កដា ឆ្នាំ២០១២ តាមដីកាផ្ទេរសមត្ថកិច្ច
រួចនៅរសៀលថ្ងៃដដែលតុលាការបានសម្រេចឃុំខ្លួនដាក់ពន្ធនាគារ៕cam111