ថ្ងៃទី 10 ខែកញ្ញា ឆ្នាំ2012, ម៉ោង 03:32 PM ចាន់ សុខលន់
ហេតុការណ៍នេះ កើតឡើងនៅវេលាម៉ោង ១០ ព្រឹក ថ្ងៃទី១០ កញ្ញា ២០១២ ។
បើតាមសម្តីយុវជនរងគ្រោះ ឈ្មោះយឹម ធួក អាយុ២៣ ឆ្នាំ ត្រូវបានបញ្ជូនទៅព្យាបាលនៅគ្លីនិកវិសាលសុខ ក្រុងប៉ោយប៉ែត បានឲ្យដឹងថា រូបគេបានមកជួយសែងផ្ទះ អ្នកភូមិ នៅក្បែរកន្លែងកើតហេតុ ។ ក្រោយពីសែងរួច ក៏នាំគ្នាផឹកស៊ី លុះដល់ស្រវឹង ក៏គងសម្តីគ្នាបន្តិចបន្តួចយុវជនម្នាក់ទៀត ដែលផឹកជាមួយ រហូតដល់ត្រូវជននោះ យកកាំបិតមកកាប់តែម្តង។
បើតាមការអះអាងរបស់លោក អៀន អឿន មេភូមិក្បាលស្ពាន១ បានឲ្យដឹងថា ជនបង្កនេះ ឈ្មោះឈ្មោះ កែវ ប៊ុន ជាក្មេងទំនើងប្រចាំភូមិ ដែលកន្លងមក តែងតែដើរបង្កបញ្ហាក្នុងភូមិជាញឹកញាប់ ដែលធ្វើឲ្យលោក និងសមត្ថកិច្ចពាក់ព័ន្ធឈឺក្បាលមិនតិចទេ។
បច្ចុប្បន្ន ជនសង្ស័យ បានរត់គេចខ្លួនបាត់ហើយ ខណៈដែលសមត្ថកិច្ចកំពុងតាមចាប់ខ្លួនជនដៃដល់ មកផ្តន្ទាទោសតាមច្បាប់៕agkorthom