- Monday, 10 September 2012 09:33
បាត់ដំបង: ពលករខ្មែរប្រមាណជិត ៥០០នាក់ ដែលចូលទៅធ្វើការខុសច្បាប់ ក្នុងប្រទេសថៃ ត្រូវបានសមត្ថកិច្ចថៃ ប្រមូលបញ្ជូនឲ្យត្រឡប់មកកម្ពុជាវិញ ខណៈដែលពួកគេភាគច្រើន ធ្លាប់ជាប់គុក ក្នុងប្រទេសថៃ ពី ១ឆ្នាំ ដល់ ៤ឆ្នាំ។ ពលករទាំងនោះ ត្រូវបានបញ្ជូនមកកម្ពុជាវិញ តាមច្រកព្រំដែនអន្តរជាតិដូង និងច្រកតំបន់អូរអន្លក់ ក្នុងស្រុកកំរៀង ខេត្តបាត់ដំបង កាលពីរសៀលថ្ងៃទី៨ ខែកញ្ញា ឆ្នាំ២០១២។
ពលករខ្មែរទាំងនោះ ត្រូវបានអាជ្ញាធរ និងសមត្ថកិច្ចស្រុកកំរៀង អប់រំ មុននឹងឲ្យវិលត្រឡប់ទៅមូលដ្ឋានរៀងៗខ្លួនវិញ នាថ្ងៃដដែលនោះ។
អាជ្ញាធរ បានប្រាប់ទៅកាន់ពលករទាំងនោះ ឈប់ចាញ់បោកមេខ្យល់ នាំចេញទៅរកការងារធ្វើខុសច្បាប់ នៅប្រទេសថៃ ដែលនាំការលំបាកដល់បងប្អូន រហូតដល់ត្រូវជាប់គុកក្នុងប្រទេសថៃក៏មាន។
លោក ភី ភ័ស្ត នាយប៉ុស្តិ៍ច្រកទ្វារតំបន់អូរអន្លក់ ស្រុកកំរៀង បានឲ្យដឹងថា ពលករខ្មែរចំនួន ១៩៦ នាក់ ត្រូវបានសមត្ថកិច្ចអន្តោប្រវេសន៍ថៃ ដឹកនាំដោយលោក វិល តលីគុន នាយផ្នែកអន្តោប្រវេសន៍ប្រចាំខេត្តចាន់បូរី ដឹកបញ្ជូនមកឲ្យកម្ពុជា តាមច្រកទ្វារតំបន់អូរអន្លក់ ស្រុកកំរៀង ខេត្តបាត់ដំបង កាលពីវេលាម៉ោងជាង ២រសៀលថ្ងៃទី៨ ខែកញ្ញា ឆ្នាំ២០១២។
លោក ភី ភ័ស្ត បានបញ្ជាក់ថា ពលករខ្មែរ ដែលថៃបញ្ជូនមក គឺចំនួន ១៩៦នាក់ (ស្រី២៩នាក់) ក្នុងនោះ មានក្មេងតូចអាយុក្រោម ១០ឆ្នាំ ចំនួន ៦នាក់ផងដែរ។ ពលករខ្មែរ
ទាំងនេះ រស់នៅខេត្តឧត្តរមានជ័យ ខេត្តបន្ទាយមានជ័យ ខេត្តពោធិ៍សាត់ ខេត្តកំពង់ឆ្នាំង ខេត្តស្វាយរៀង និងខេត្តព្រៃវែង។
ដោយឡែកលោក គង់ ឡងឌី ប្រធានស្ដីទីប៉ុស្ដិ៍ច្រកទ្វារអន្តរជាតិដូង បានឲ្យដឹងថា នៅច្រកអន្តរជាតិដូង សមត្ថកិច្ចថៃ ក៏បានបញ្ជូនពលករខ្មែរចំនួន ២៥១ នាក់ ( ស្រី១២៤នាក់)។ ពលករខ្មែរទាំងនេះ បានជាប់គុកនៅប្រទេសថៃ ពីមួយឆ្នាំ ដល់៤ឆ្នាំ ដោយសមត្ថកិច្ចថៃ ចោទពីបទ ឆ្លងដែនខុសច្បាប់ និងចូលទៅធ្វើការងារខុសច្បាប់។
លោក ឃឹម ទិព្ធមុនី ប្រធានច្រកតំបន់អូរអន្លក់ បានដកស្រង់សំដីលោក វិល តលីគុន នាយផ្នែកអន្តោប្រវេសន៍ប្រចាំខេត្តចាន់បូរី ថា ពលករខុសច្បាប់ ដែលចូលទៅរកការងារធ្វើនៅក្នុងប្រទេសថៃនោះ គ្មានលិខិតស្នាមអ្វីទេ គឺពួកគេ ចូលទៅរកការងារធ្វើតាមមេខ្យល់ នាំយកចូលទៅដោយឲ្យប្រាក់មេខ្យល់។ ពោលគឺពួកគេ ចាញ់បោកមេខ្យល់។
លោក បានបញ្ជាក់ថា ការប្រមូលពលករខ្មែរខុសច្បាប់នៅក្នុងប្រទេសថៃ គឺយោងតាមកិច្ចសហប្រតិបត្តិការ និងបទបញ្ជារបស់រាជរដ្ឋាភិបាល ស្ដីពីការទប់ស្កាត់ បង្ក្រាបអំពើឆ្លងដែនខុសច្បាប់ និងបទល្មើសផ្សេងៗទៀត។ ម្យ៉ាងទៀតប្រទេសកម្ពុជា កំពុងរៀបចំយុទ្ធនាការចុះឈ្មោះ និងពិនិត្យបញ្ជីឈ្មោះបោះឆ្នោតជ្រើសរើសតំណាងរាស្ត្រ នាឆ្នាំ២០១៣ ខាងមុខនេះផងដែរ។
លោក គង់ ឡងឌី ប្រធានស្ដីទីប៉ុស្ដិ៍ច្រកទ្វារអន្តរជាតិដូង និងលោកប្រធានច្រតតំបន់អូរអន្លក់ បានឲ្យដឹងថា ពលករខ្មែរទាំង ៤៤៧នាក់ ដែលថៃចាប់បញ្ជូនមកកម្ពុជានេះ គឺអាជ្ញាធរសមត្ថកិច្ច បានធ្វើការអប់រំហើយ បានឲ្យពួកគាត់វិលត្រឡប់ទៅមូលដ្ឋានភូមិឃុំរៀងៗខ្លួន ហើយនាថ្ងៃដដែលនោះ។
គួររម្លឹកថា កាលពីថ្ងៃទី១៦ ខែមិថុនា ឆ្នាំ២០១២ អាជ្ញាធរខេត្តបាត់ដំបង និងអាជ្ញាធរខេត្តចាន់បូរី បានរួមប្រជុំមួយបង្កើនកិច្ចសហប្រតិបត្តិការទប់ស្កាត់បទល្មើសឧក្រិដ្ឋ ឆ្លងដែន និងទប់ស្កាត់ការឆ្លងដែនខុសច្បាប់ ហើយថៃសន្យាថា មិនធ្វើបាប ឬក៏បាញ់សម្លាប់ពលករខ្មែរ ឆ្លងដែនខុសច្បាប់ ទៅរកការងារធ្វើក្នុងប្រទេសថៃទេ។ ថៃបានព្រមព្រៀងចាប់បញ្ជូនពលករទាំងនោះ មកទឹកដីកម្ពុជាវិញ៕ ដោយ: មង្គល (CEN)
អាជ្ញាធរ បានប្រាប់ទៅកាន់ពលករទាំងនោះ ឈប់ចាញ់បោកមេខ្យល់ នាំចេញទៅរកការងារធ្វើខុសច្បាប់ នៅប្រទេសថៃ ដែលនាំការលំបាកដល់បងប្អូន រហូតដល់ត្រូវជាប់គុកក្នុងប្រទេសថៃក៏មាន។
លោក ភី ភ័ស្ត នាយប៉ុស្តិ៍ច្រកទ្វារតំបន់អូរអន្លក់ ស្រុកកំរៀង បានឲ្យដឹងថា ពលករខ្មែរចំនួន ១៩៦ នាក់ ត្រូវបានសមត្ថកិច្ចអន្តោប្រវេសន៍ថៃ ដឹកនាំដោយលោក វិល តលីគុន នាយផ្នែកអន្តោប្រវេសន៍ប្រចាំខេត្តចាន់បូរី ដឹកបញ្ជូនមកឲ្យកម្ពុជា តាមច្រកទ្វារតំបន់អូរអន្លក់ ស្រុកកំរៀង ខេត្តបាត់ដំបង កាលពីវេលាម៉ោងជាង ២រសៀលថ្ងៃទី៨ ខែកញ្ញា ឆ្នាំ២០១២។
លោក ភី ភ័ស្ត បានបញ្ជាក់ថា ពលករខ្មែរ ដែលថៃបញ្ជូនមក គឺចំនួន ១៩៦នាក់ (ស្រី២៩នាក់) ក្នុងនោះ មានក្មេងតូចអាយុក្រោម ១០ឆ្នាំ ចំនួន ៦នាក់ផងដែរ។ ពលករខ្មែរ
ទាំងនេះ រស់នៅខេត្តឧត្តរមានជ័យ ខេត្តបន្ទាយមានជ័យ ខេត្តពោធិ៍សាត់ ខេត្តកំពង់ឆ្នាំង ខេត្តស្វាយរៀង និងខេត្តព្រៃវែង។
ដោយឡែកលោក គង់ ឡងឌី ប្រធានស្ដីទីប៉ុស្ដិ៍ច្រកទ្វារអន្តរជាតិដូង បានឲ្យដឹងថា នៅច្រកអន្តរជាតិដូង សមត្ថកិច្ចថៃ ក៏បានបញ្ជូនពលករខ្មែរចំនួន ២៥១ នាក់ ( ស្រី១២៤នាក់)។ ពលករខ្មែរទាំងនេះ បានជាប់គុកនៅប្រទេសថៃ ពីមួយឆ្នាំ ដល់៤ឆ្នាំ ដោយសមត្ថកិច្ចថៃ ចោទពីបទ ឆ្លងដែនខុសច្បាប់ និងចូលទៅធ្វើការងារខុសច្បាប់។
លោក ឃឹម ទិព្ធមុនី ប្រធានច្រកតំបន់អូរអន្លក់ បានដកស្រង់សំដីលោក វិល តលីគុន នាយផ្នែកអន្តោប្រវេសន៍ប្រចាំខេត្តចាន់បូរី ថា ពលករខុសច្បាប់ ដែលចូលទៅរកការងារធ្វើនៅក្នុងប្រទេសថៃនោះ គ្មានលិខិតស្នាមអ្វីទេ គឺពួកគេ ចូលទៅរកការងារធ្វើតាមមេខ្យល់ នាំយកចូលទៅដោយឲ្យប្រាក់មេខ្យល់។ ពោលគឺពួកគេ ចាញ់បោកមេខ្យល់។
លោក បានបញ្ជាក់ថា ការប្រមូលពលករខ្មែរខុសច្បាប់នៅក្នុងប្រទេសថៃ គឺយោងតាមកិច្ចសហប្រតិបត្តិការ និងបទបញ្ជារបស់រាជរដ្ឋាភិបាល ស្ដីពីការទប់ស្កាត់ បង្ក្រាបអំពើឆ្លងដែនខុសច្បាប់ និងបទល្មើសផ្សេងៗទៀត។ ម្យ៉ាងទៀតប្រទេសកម្ពុជា កំពុងរៀបចំយុទ្ធនាការចុះឈ្មោះ និងពិនិត្យបញ្ជីឈ្មោះបោះឆ្នោតជ្រើសរើសតំណាងរាស្ត្រ នាឆ្នាំ២០១៣ ខាងមុខនេះផងដែរ។
លោក គង់ ឡងឌី ប្រធានស្ដីទីប៉ុស្ដិ៍ច្រកទ្វារអន្តរជាតិដូង និងលោកប្រធានច្រតតំបន់អូរអន្លក់ បានឲ្យដឹងថា ពលករខ្មែរទាំង ៤៤៧នាក់ ដែលថៃចាប់បញ្ជូនមកកម្ពុជានេះ គឺអាជ្ញាធរសមត្ថកិច្ច បានធ្វើការអប់រំហើយ បានឲ្យពួកគាត់វិលត្រឡប់ទៅមូលដ្ឋានភូមិឃុំរៀងៗខ្លួន ហើយនាថ្ងៃដដែលនោះ។
គួររម្លឹកថា កាលពីថ្ងៃទី១៦ ខែមិថុនា ឆ្នាំ២០១២ អាជ្ញាធរខេត្តបាត់ដំបង និងអាជ្ញាធរខេត្តចាន់បូរី បានរួមប្រជុំមួយបង្កើនកិច្ចសហប្រតិបត្តិការទប់ស្កាត់បទល្មើសឧក្រិដ្ឋ ឆ្លងដែន និងទប់ស្កាត់ការឆ្លងដែនខុសច្បាប់ ហើយថៃសន្យាថា មិនធ្វើបាប ឬក៏បាញ់សម្លាប់ពលករខ្មែរ ឆ្លងដែនខុសច្បាប់ ទៅរកការងារធ្វើក្នុងប្រទេសថៃទេ។ ថៃបានព្រមព្រៀងចាប់បញ្ជូនពលករទាំងនោះ មកទឹកដីកម្ពុជាវិញ៕ ដោយ: មង្គល (CEN)