Sep-27-2012
ភ្នំពេញ៖ រថយន្ដឡង់គ្រីស័រ មួយគ្រឿង បើកជ្រុលបុកម៉ូតូម៉ាកសង់កូរ៉េ មួយគ្រឿង បណ្ដាលឲ្យដួលខ្ទាតទាំងអ្នកបើក
រីឯម៉ូតូខ្ទប់នឹងបងោ្គលភ្លើងបំភ្លឺផ្លូវ ចរចាគ្នាសងសំណងចំនួន១៣០ដុល្លារ ដើម្បីបញ្ចប់រឿង។ ហេតុការណ៍នេះបាន
កើតឡើងកាលពីវេលាម៉ោង ១១ និង ៤៥នាទីព្រឹកថ្ងៃទី២៧ ខែកញ្ញា ឆ្នាំ២០២ នៅចំណុចផ្លូវ២៨៩ កែងផ្លូវលេខ៥២៨
ក្នុងសង្កាត់បឹងកក់១ ខណ្ឌទួលគោក។
ជនរងគ្រោះត្រូវបានស្គាល់ឈ្មោះ លឹម វិច្ឆិកា ភេទប្រុស អាយុ ១៩ឆ្នាំ ជាសិស្សវិទ្យាល័យឥន្ទ្រទេវី រស់នៅផ្ទះលេខ៤០
ផ្លូវ២៨៥ សង្កាត់ផ្សារដេប៉ូ១ ខណ្ឌទួលគោក ជិះម៉ូតូម៉ាកសង់កូរ៉េ ពណ៌ក្រហម ពាក់ស្លាកលេខ ន.២៦២៧ ភព១
ចំណែកភាគីម្ខាងទៀតជាបុរសម្នាក់មិនត្រូវបានស្គាល់ឈ្មោះ មានអាយុជាង ២០ឆ្នាំ បើកបររថយន្ដម៉ាកឡង់គ្រីស័រ
ពណ៌ខ្មៅ ពាក់ស្លាកលេខ ភ្នំពេញ 2P-0205។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ ជនរងគ្រោះបានជិះម៉ូតូតាមបណ្ដោយផ្លូវ២៨៩
ក្នុងទិសដៅពីជើងទៅត្បូង លុះមកដល់ចំណុចកែងផ្លូវ៥២៨ ក៏ត្រូវរថយន្ដម៉ាកឡង់គ្រីស័រខាងលើដែលកំពុងបើកបរក្នុង
ទិសដៅពីកើតទៅលិចបុកពេញទំហឹង បណ្ដាលឲ្យជនរងគ្រោះ និងម៉ូតូខ្ទាតទៅខ្ទប់នឹងបងោ្គភ្លើងបំភ្លឺផ្លូវ រងរបួស
រលាត់ដៃ រលាត់ជើង និង ខ្នង។ បន្ទាប់មក ភាគីខាងរថយន្ដបង្កបានចុះមកធ្វើការសម្របសម្រួលដោះស្រាយ
ដោយសំណងថ្លៃខូចខាត និងរបួសដល់ភាគីរងគ្រោះជាទឹកប្រាក់ចំនួន ១៣០ដុល្លារ ដើម្បីបញ្ចប់រឿង ហើយសមត្ថកិច្ច
នគរបាលចរាចរបានធ្វើកិច្ចសន្យាឲ្យភាគី ទាំងទទួលដឹងឮនូវសំណងខាងលើ ៕
