www.tcnewscambodia.com Sep-27-2012 បាត់ដំបង៖ បុរសម្នាក់ជាកសិករប្រកបរបរធ្វើស្រែ ត្រូវរន្ទះបាញ់ស្លាប់ភ្លាមៗ ខណៈកំពុងបើកគោយន្តភ្ជួរស្រែពេលមេឃ ភ្លៀងផ្គរខ្លាំង កាលពីវេលាម៉ោង ៩ព្រឹកថ្ងៃទី២៦ ខែកញ្ញា ឆ្នាំ២០១២ នៅចំណុចអូរព្រែកខាងត្បូងភូមិចំងាយ១គីឡូម៉ែត្រ ស្ថិតក្នុងភូមិឆ្កែកូន ឃុំគោកឃ្មុំ ស្រុកថ្មគោល។ លោក ពុទ្ធ ថាន់ នាយប៉ុស្តិ៍នគរបាលគោកឃ្មុំបានឲ្យដឹងថា បុរសដែលរន្ទះបាញ់ស្លាប់មានឈ្មោះ សៀង គង់ អាយុ ៣៥ឆ្នាំ មានប្រពន្ធឈ្មោះ សូត្រ សល់ អាយុ ២៨ឆ្នាំ និងមានកូនប្រុស២នាក់ ស្រីម្នាក់ រស់នៅលើខ្នងប្រឡាយ ក្នុងភូមិឆ្កែកូន ឃុំគោកឃ្មុំ ស្រុកថ្មគោល ខេត្តបាត់ដំបង។ ចំណែកគោយន្តខ្ចីបង្វះអ្នកភូមិឆេះខូចគាំងទៅមុខលែងរួច។ លោក កែវ នាង អាយុ ៤៥ឆ្នាំ ជាសាក្សីកន្លែងកើតហេតុបានឲ្យដឹងថា កាលថ្ងៃទី២៦ ខែកញ្ញា ឆ្នាំ២០១២ មេឃបាន ធ្លាក់ភ្លៀងខ្លាំង និងមានលាយផ្គររន្ទះតាំងពីម៉ោង៣ងងឹត បណ្តាលឲ្យទឹកភ្លៀងហូរកកស្ទះតាមប្រឡាយក្នុងភូមិឆ្កែកូន។ លុះព្រឹកឡើងមេឃភ្លឺនៅតែធ្លាក់ភ្លៀងបន្ត ពេលនោះគាត់ក៏បានទៅកាប់កាយប្រឡាយបើកផ្លូវឲ្យទឹកហូរកុំឲ្យជន់លិច ផ្ទះអ្នកភូមិ។ រហូតដល់ម៉ោងជិត៩ ក៏ឮសំលេងរន្ទះបាញ់នៅក្រោយផ្ទះខាងត្បូងភូមិ រួចក៏ដើរទៅមើល ពេលនោះក៏ ឃើញឈ្មោះ សៀង គង់ ត្រូវជាក្មួយបានដេកស្លាប់ក្បែរភ្លឺស្រែបាត់ទៅហើយៗក៏ប្រាប់សមត្ថកិច្ចឲ្យចុះពិនិត្យ។ តាមសម្តីរបស់ប្រពន្ធសពបានឲ្យដឹងថា ក្រុមគ្រួសារខ្លួនក្រណាស់ រស់នៅលើដីខ្នងប្រឡាយរដ្ឋ ប្រកបរបរធ្វើស្រែ ៥ឆ្នាំ មកហើយ ជារៀងរាល់ថ្ងៃពេលទៅភ្ជួរស្រែខ្លួនទៅជាមួយប្តី តែនៅព្រឹកថ្ងៃទី២៦ ខែកញ្ញា ឆ្នាំ២០១២ មិនទៅភ្ជួរស្រែ ជាមូយប្តីទេ ព្រោះមេឃភ្លៀងតាំងពីយប់មកម្ល៉េះដូច្នេះនៅផ្ទះមើលកូន ។ ពេលធ្វើស្រែ១ឆ្នាំៗដោយខ្ចីគោយន្តអ្នកភូមិ បង្វះធ្វើស្រែ តែពេលនេះប្តីត្រូវរន្ទះបាញ់ស្លាប់ រីឯគោយន្តឆេះគាំងខូចអស់ មិនដឹងបានប្រាក់ពីណាសងគេទេ។ លោក ពុទ្ធ ថាន់ នាយប៉ុស្តិ៍នគរបាលគោកឃ្មុំបានបញ្ជាក់ថា ឈ្មោះ សៀង គង់ ពិតជាស្លាប់ដោយរន្ទះបាញ់ប្រាកដ មែនហើយក្រុមគ្រួសារនេះមានជីវភាពលំបាកខ្លាំង។ បច្ចុប្បន្តសពត្រូវបានសាច់ញាតិយកទៅធ្វើបុណ្យតាមប្រពៃណី៕
-ទូរទស្សន៍មួយចំនួននៅកម្ពុជា ទីនេះ
 |
 |
 |
 |
 |
ស្ដាប់វិទ្យុផ្សេងៗនៅទីទីនេះ
អ្នកចូលទស្សនាតាមប្រទេសនីមួយៗ
ចំនួនភ្ញៀវចូលទស្សនាថ្ងៃនេះ
រូបត្លុក(cartoon)
ផលិតផលរបស់ក្រុមហ៊ុនJ&C
បើចង់បានដំណាំដែលទទួលបានទិន្នផលខ្ពស់សូមទំនាក់ទំនងមក លោកឈុន វិចិត្រប្រធានសាខាក្រុមហ៊ុនJ&Cផ្ដាច់មុខក្រុងប៉ោយប៉ែតTEL:012 24 28 97
