www.tcnewscambodia.com Sep-27-2012
បន្ទាយមានជ័យ៖ សាកសពបុរសម្នាក់ត្រូវបានក្មេងរាយមងប្រទះឃើញអណ្ដែតទឹកហើមប៉ោង នៅចំណុចវាលបារ៉ែត
ក្នុងភូមិព្រែកឫស្សី សង្កាត់ព្រះពន្លា ក្រុងសិរីសោភ័ណ ខេត្ដបន្ទាយមានជ័យ កាលពីវេលាម៉ោង ១ និង ៣០នាទីរសៀល
ថ្ងៃទី២៦ ខែកញ្ញា ឆ្នាំ២០១២។
ជនរងគ្រោះត្រូវបានគេស្គាល់ឈ្មោះ ជា ម៉ៅ អាយុ ៣៩ឆ្នាំ មុខរបរមិនពិតប្រាកដ មានទីលំនៅភូមិក្បាលស្ពាន សង្កាត់
ព្រះពន្លា ក្រុងសិរីសោភ័ណ ខេត្ដបន្ទាយមានជ័យ។
ស្ដ្រីជាប្រពន្ធជនរងគ្រោះបានបា្រប់ឲ្យដឹងថា នៅយប់ថ្ងៃទី២៤ ខែកញ្ញា វេលាម៉ោង ១០យប់ ប្ដីរបស់គាត់មកពីផឹកស្រា
ស្រវឹង ហើយបានយកម៉ូតូជិះចេញទៅក្រៅ ដោយប្រាប់គាត់ថារកទិញអ្វីមកហូប។ តាំងពីពេលនោះមកបាត់ខ្លួនប្ដីរបស់
គាត់រហូតលុះដល់ថ្ងៃ២៦ ខែកញ្ញា ទើបដឹងដំណឹងថា ប្ដីរបស់គាត់បានស្លាប់បាត់ទៅហើយ។
តាមប្រភពពីសមត្ថកិច្ចបានពិនិត្យ និងសន្និដ្ឋានថា ជនរងគ្រោះប្រហែលជិះម៉ូតូចូលជង្ហុកដួលម៉ូតូធ្លាក់ចូលក្នុងប្រឡាយ
ទឹកជាប់ផ្លូវ និងដោយស្រវឹងស្រាផងនោះ មិនអាចឡើង រួចក៏ឈក់ទឹកស្លាប់តែម្ដង៕
