យោធា បានត្រួតពិនិត្យមើលទឹកជំនន់ទឹកភ្លៀង២ថ្ងៃជាប់គ្នាធ្លាក់ពីប្រទេសថៃ បណ្ដាលឲ្យខ្មែររងគ្រោះដោយសារ
តែទឹកជំនន់ទឹកភ្លៀងបានលិចលង់និងខូចខាតគេហដ្ឋានរចនាសម្ព័ន្ធនិងដំណាំកសិកម្មរបស់ពលរដ្ឋជាច្រើនទៀត
មានចំនួនភូមិ៥ក្នុងឃុំអូរបីជាន់ ស្រុកអូរជ្រៅខេត្តបន្ទាយមានជ័យកាលពីព្រឹកម៉ោង៩ព្រឹកថ្ងៃទី១៦កញ្ញា២០១២ ។
លោកជា វណ្ណី មេភូមិទំនប់ដាច់ បានប្រាប់ថាជំនន់ទឹកភ្លៀងនេះចាប់ផ្ដើមលិចភូមិរបស់គាត់កាលវេលាម៉ោង៦និង
៣០នាទីព្រឹក បានហូរធ្លាក់មកពីប្រទេសថៃ បណ្ដាលឲ្យប្រជាពលរដ្ឋភូមិទំនប់ដាច់ ដែលទើបនឹងងើបពីដំណេក
ឃើញសុទ្ធតែទឹកនៅពេញក្រោមផ្ទះ មានការភ្ញាក់ផ្អើលយ៉ាងខ្លាំង។
លោកសួង មឿន មេឃុំអូរបីជាន់ បានឲ្យដឹងថាទឹកជំនន់ទឹកភ្លៀងនេះឡើងដោយសារទឹកភ្លៀង២មេជាប់ៗគ្នាទើប
បណ្ដាលឲ្យទឹកធ្លាក់មកពីប្រទេសថៃ ប៉ះពាល់ដល់គេហដ្ឋានប្រជាពលរដ្ឋ ក្នុងឃុំចំនួន៥ភូមិ ក្នុងចំណោមភូមិទាំង
១១១គឺភូមិទំនប់ដាច់រងគ្រោះប៉ះពាល់ដល់ប្រជាពលរដ្ឋចំនួន៣៧២ខ្នងភូមិអាងសិលាខ្មែរប៉ះពាល់ផ្ទះប្រជាពលរដ្ឋ
១៨៩ខ្នង ភូមិព្រែកចាន់ និងភូមិអូរបីជាន់ និងភូមិជោគជ័យសុទ្ធតែជាអ្នករងគ្រោះដោយទឹកជំនន់លិចផ្ទះសម្បែង។
អាជ្ញាធរស្រុក ឃុំសមត្ថកិច្ចកំពុងប្រកាសឲ្យពលរដ្ឋត្រៀមលក្ខណៈ ដើម្បីទៅរកទួលទីសុវត្ថិភាពបណ្ដោះអាសន្ន។
អត្ថបទដកស្រង់ពីកាសែតរស្មីកម្ពុជា