ថ្ងៃទី 04 ខែកញ្ញា ឆ្នាំ2012, ម៉ោង 04:34 AM សុខ វណ្ណា
នាងស្រី គឹមហៀង និងលោកតាស្រី ឈនទោះបីជាគ្មានច្បាប់ ហាមឃាត់ ឬដាក់ទោសទណ្ឌដល់ភេទសម្ព័ន្ធរវាងឪពុក នឹងកូន ដែលយកគ្នាជាប្តីប្រពន្ធដោយស្ម័គ្រចិត្ត ពុំមែនជាការចាប់រំលោភក្តី ក៏ករណីបែបនេះ ពុំគួរឱ្យមានក្នុងសង្គមខ្មែរនោះទេ។ យ៉ាងណាមិញ លោកតាម្នាក់នេះ បានយកកូនស្រីបង្កើតធ្វើប្រពន្ធ ដោយស្រុះស្រួលគ្នា ទោះបីជាអាជ្ញាធរមិនអាចធ្វើអ្វីកើត ក៏រងនូវការរិះគន់យ៉ាងអាម៉ាស់ មិនសូវមានអ្នកស្រុក រាប់អាននោះឡើយ...។
លោកតា ស្រី ឈន អាយុ៧៨ឆ្នាំ រស់នៅភូមិទួលរកា ឃុំមេលំ ស្រុកបរិបូរណ៏ ខេត្តកំពង់ឆ្នាំង បានរៀបរាប់ថា គាត់ធ្លាប់មានប្រពន្ធមុន ឈ្មោះថាន់ វ៉ាន ស្លាប់ចោលគាត់ ជិត១០ឆ្នាំ មកហើយ ដោយបន្សល់ទុកកូនស្រី២នាក់ ប្រុស ១នាក់ ឱ្យគាត់មើលការខុសត្រូវ។ តាមពិត កាលពីក្មេង គាត់ធ្លាប់ធ្វើទាហាន តាំងពីសម័យសង្គមរាស្ត្រនិយម ឆ្លងដល់ សម័យលន់ ណុល បានពាក់ស័ក្តិ២ លុះឆ្លងផុតរបបប៉ុល ពត ក៏ចូលធ្វើទាហានរដ្ឋកម្ពុជា បានប៉ុន្មានឆ្នាំទៀត ក៏ឈប់ទៅ រួចងាកមកធ្វើស្រែចម្ការច្បារដំណាំវិញ។ គាត់មានអាយុក្រែល បន្តិចទៅហើយ និងក្លាយជាកំលោះចាស់ទើបយកប្រពន្ធ ម៉្លោះហើយ បានជាកូនស្រីពៅ ទើបមានអាយុ ២៦ឆ្នាំ ខណៈដែលគាត់អាយុក្បែរ៨០ ឆ្នាំ ទៅហើយ។ បន្ទាប់ពីភរិយាស្លាប់ទៅ គាត់បានរៀបការកូនប្រុស ច្បង និងកូនស្រីពៅ ឱ្យមានគូស្រកររៀងៗខ្លួន ដែលកូនប្រុសទៅរស់នៅខេត្តមណ្ឌលគិរី ឯកូនស្រីពៅតាម ប្តីទៅរស់នៅឯខេត្តក្រចេះ ឃើញនៅសល់តែកូនស្រីទី ២ ឈ្មោះស្រី គឹមហៀង អាយុ២៩ ឆ្នាំ គ្មានអ្នកណាចូលស្តីដណ្តឹង ក៏រស់នៅជាមួយគាត់រហូតមក។
នៅពេលសួរថា “ហេតុអ្វីបានជាតា យកកូនស្រី ទី២នេះ ធ្វើប្រពន្ធ?” លោកតា ស្រី ឈន ឆ្លើយដោយ មិនលាក់លៀមថា “បាទ! ពិតមែន! រឿងនេះ វាផ្តើម ពីការស៊ីផឹកស្រវឹងទាំងអស់គ្នា គឺឪក៏ស្រវឹង កូនស្រី ក៏ស្រវឹង ក៏ស្រុះស្រួលនាំគ្នារួមរ័កទៅ!”។ គាត់បញ្ជាក់ ថា កន្លងមក គាត់ធ្វើការនឿយហត់ អត់ស្រាមិនបានទេ ចំណែកកូនស្រីក៏ចេះផឹកដែរ លុះត្រូវស្រាស្ពឹកមុខ អណ្តាតភ្លើងតណ្ហាវាឆាបឆេះឡើង ទ្រាំមិនបាន ក៏បបួលគ្នាទៅលេងឋានសួគ៍។ បើគិតមកទល់ពេលនេះ គឺជិត២ ឆ្នាំហើយ ដែលគាត់បានរួមដំណេកជាមួយកូន ហើយគ្រាន់តែដាក់ភ្លាម កូនស្រីក៏មានផ្ទៃពោះ ភ្លាមដែរ គឺធាតុត្រូវគ្នាណាស់។ ឥឡូវ គាត់និងកូនស្រី បានផ្តល់កំណើតឱ្យកូនប្រុស១ ដែលអាចចាត់ទុកថា ជាចៅរបស់គាត់ក៏ថាបាន។ គាត់មានវិប្បដិសារៈខ្លាំងណាស់ ចេះតែមានអារម្មណ៍ស្តាយក្រោយ ដែរ ប៉ុន្តែ អ្វីៗវាជ្រុលក្បាលក្រពើទៅហើយ មានតែទុកឱ្យនៅតាមដំណើរ ទៅចុះ ដោយគាត់ពុំអាចបោះបង់ប្រពន្ធក្មេងនេះបានឡើយ ព្រោះគ្នាខូចអនាគតអស់ទៅហើយ ណាមួយជាកូនបង្កើតទៀតផង។
ដោយឡែក នាងស្រី គឹមហៀង អាយុ២៩ឆ្នាំ ជាកូនស្រីទី២ និង ក្លាយជាប្រពន្ធទី២ របស់ឪពុក បានឱ្យដឹងបែបខ្មាសអៀន ចុងមាត់ចុងកថា រឿងហេតុបណ្តាលឱ្យជ្រុលជ្រួសជាមួយឪពុកនោះ ដោយសារតែថ្ងៃមួយ ជាតិសុរា វាវាយលុកអារម្មណ៍នាងពេក រហូតដល់តណ្ហាពុះកញ្ជ្រោល រោលរាលទ្រាំមិនបាន។ រឿងទ្រាំមិនបាននេះ មកពីនាងធ្លាប់លួចមើលឃើញ បងប្រុស និងប្អូនស្រីដែលមានប្រពន្ធ មានប្តី តែងនាំគ្នារួមរ័កនៅក្នុងផ្ទះនេះ មុនពេលពួកគេបែកទៅនៅស្រុកឆ្ងាយ។ ពេលឃើញឈុតក្តៅសាច់ បែបនេះ នាងចេះតែចង់អ៊ីចឹងដែរ តែស៊យអ្វី គ្មានប្រុសណាបេតីសោះ។ លុះត្រូវស្រាស្ពឹកមុខ ឪពុកលូកលាន់ផងនោះ នាងក៏ផ្តួលខ្លួនក្នុងរង្វង់ដៃគាត់ទៅ ដោយទទួលស្គាល់ថា រសជាតិតណ្ហាពិតជាផ្អែមឈ្ងុយឆ្ងាញ់ខ្លាំងណាស់។ នាងមិនស្តាយក្រោយអ្វីឡើយ ហើយក៏មិនឱ្យប្តីឪពុកនេះមានកំហុសអ្វីដែរ ដោយសុខចិត្តរួមរស់ជាមួយគាត់ជារៀងរហូត។ សព្វថ្ងៃ កូនប្រុសរបស់នាងដែលជាតំណក់ឈាមឪពុក មាន អាយុជាង១ ខួបហើយ ព្រោះគ្រាន់តែត្រូវរ៉ូវគ្នាភ្លាម នាងក៏មានផ្ទៃពោះភ្លាម។
លោកយាយជួប ឡែម អាយុ៨០ឆ្នាំ ជាអ្នកជិតខាង បានឱ្យដឹងថា តាឈន ពិតជាយកកូនស្រីបង្កើតធ្វើប្រពន្ធ ដោយគ្មានសែនព្រេនអ្វីទេ រហូតបង្កើតបានកូនប្រុស១ប្រាកដមែន។ នេះមកពីឥទ្ធិពលគ្រឿងស្រវឹង តែម្តងដែលនាំចិត្តពួកគេឱ្យធ្វើផ្តេសផ្តាសយ៉ាងនេះ ម៉្យាងទៀត មកពីកម្មពៀរពួកគេផង ព្រោះពេលទារកនេះ ធំឡើង ពុំដឹងជាត្រូវហៅតាឈន ថាម៉េចទេ តែបើតាមគាត់យល់គួរហៅ “តាឪ!” ទើបសម។
អ្នកស្រីឯម ថុន អាយុ៥៥ ឆ្នាំ ជាក្មួយខ្មោចប្រពន្ធតាឈន បានឱ្យដឹងថា វាហួសហេតុពេកហើយ រឿងឪពុកយកកូនស្រីបង្កើតធ្វើប្រពន្ធនេះ។ ទោះបីជាពួកគេព្រមព្រៀងគ្នាក្តី ក៏អាចប៉ះពាល់ដល់ប្រពៃណីទំនៀមទម្លាប់ខ្មែរ គ្មានអ្នកណារាប់អានទេ។
លោកសុធា អាយុ២៥ឆ្នាំ ជាក្មួយតាឈន បានឱ្យដឹងថា ពូរបស់លោក និងបងស្រីជីដូនមួយនេះ ពិតជាខូចគ្នាមែន។ លោកពិបាកយកភ្នែកមើលណាស់ ប៉ុន្តែ ក៏យល់ថា មកពីអំណាចស្រាដឹកមុខ ទើបអ្វីៗក្លាយទៅជាយ៉ាងនេះ។
គួរបញ្ជាក់ថា “អង្គរធំ” ធ្លាប់ចុះផ្សាយជាហូរហែ ពីរឿងឪពុកយកកូនស្រីបង្កើតធ្វើប្រពន្ធ ដោយការស្រុះស្រួលគ្នា ប៉ុន្តែ សម្ព័ន្ធភាពបែបនេះត្រូវមហាជនរិះគន់ថា ជា “មនុស្សតិរច្ឆានោ” ពោលគឺ មានរូបរាងជាមនុស្ស តែចិត្តដូចសត្វ៕agkor thom
