(ដោយ៖អ.ស.មប៉ោយប៉ែត)៖ កាលពី ថ្ងៃទី២៩ខែសីហាឆ្នាំ២០១២វេលាម៉ោង៩និង៣០នាទីព្រឹកបាន ប្រកាសតែងតាំងលោក អ៊ឹម សុភារៈ អតីតនាយរងផ្នែកនគរបាលយុត្តិធម៌ នៃអធិការដ្ឋាននគរបាល ក្រុងប៉ោយប៉ែត ជាមេប៉ុស្តិ៍ សង្កាត់ ប៉ោយប៉ែត លោក ហ៊ត វិបុល ជានាយរងប៉ុស្តិ៍ សង្កាត់ប៉ោយប៉ែត លោក ចាន់ សុភី ជាមេប៉ុស្តិ៍សង្កាត់ផ្សារកណ្តាល លោក ព្រឹម សុផលនាយរងប៉ុស្តិ៍សង្កាត់ផ្សារកណ្ដាល ក្រុងប៉ោយប៉ែត ក្រោមអធិបតីភាពលោក ពូន សានិត ស្នងការរង តំណាងដ៏ខ្ពង់ខ្ពស់ របស់លោកឧត្តមសេនីយ៍ត្រី ខេង ស៊ុម ស្នងការនគរបាលខេត្តបន្ទាយមានជ័យ។ លោក ឱ លន់ នាយការិយាល័យបុគ្គលិក លោក អ៊ុំ សុផល អធិការនគរបាល ក្រុងប៉ោយប៉ែត លោក ម៉ែន សុភ័ណ អភិបាលរងក្រុងប៉ោយប៉ែត ក្នុងនោះក៏មានការអញ្ជើញ ចូលរួមពីលោកចៅសង្កាត់ទាំង៣ រួមជាមួយ លោក លោកស្រី មន្ត្រីរាជការ មន្ត្រីនគរបាលជាច្រើនរូបផងដែរ។គួរបញ្ជាក់ថា ពិធីប្រកាសតែងតាំងនាយ នាយរង ប៉ុស្តិ៍សង្កាត់ប៉ោយប៉ែត គឺធ្វើឡើងខណៈ អតីតមេប៉ុស្តិ៍ចាស់លោក គង់ គួន ត្រូវបានថ្នាក់លើ តែងតាំងជានាយ ផ្នែកនគរបាល ការពារបេតិកភណ្ឌ័ នៃស្នងការដ្ឋាននគរបាលខេត្ត។ ដោយឡែកសង្កាត់ផ្សារកណ្តាល គឺជាសង្កាត់ ដែលទើបបង្កើតថ្មី យោងលើភាពចាំបាច់ ទើប អាជ្ញាធរក្រុងប៉ោយប៉ែត បង្កើតឲ្យមានប៉ុស្តិ៍នគបាល ដើម្បីរក្សារសន្តិសុខ ជូនប្រជាពលរដ្ឋនៅតំបន់នោះ៕