Sep-14-2012
បន្ទាយមានជ័យ៖ ប្រជាពលរដ្ឋរស់នៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ប្រមាណជិត
២០នាក់បានធ្វើដំណើរតាមម៉ូតូមានតាំងពីក្មេងតូចៗ និងមនុស្សចាស់ប្រុសស្រី បានមកជួបគ្នានៅមុខសាខា
អគ្គិសនីកម្ពុជាខេត្តបន្ទាយមានជ័យ កាលពីព្រឹកថ្ងៃទី១៣ ខែកញ្ញា ឆ្នាំ ២០១២ ជាការតវ៉ាលើកទី២ ទៅលើកុងទ័រភ្លើង
ខែនេះឡើងខ្ពស់ខុសពីប្រក្រតី ធ្វើឲ្យពួកគាត់កើតទុក្ខមិនសុខចិត្តមិនអាចទទួលយកបានឡើយ ពីបញ្ហាកុងទ័រឡើង
ខុសប្រក្រតី។
តាមប្រភពពីប្រជាពលរដ្ឋម្នាក់ឈ្មោះ ឡយ គឿម ភេទប្រុស អាយុ ៥៥ឆ្នាំ ប្រកបមុខរបរលក់ដូរ រស់នៅភូមិ សង្កាត់
ខាងលើ បានប្រាប់ឲ្យដឹងថា ផ្ទះគាត់បានប្រើប្រាស់ភ្លើងអគ្គិសនីរដ្ឋមានរយៈពេលជិត ១០ឆ្នាំហើយ កន្លងមកក្នុងការ
ប្រើប្រាស់ហាក់បីដូចជា មិនមានបញ្ហាអ្វីទេទៅលើកុងទ័រភ្លើង។ ក្នុង១ខែប្រើប្រាស់យ៉ាងច្រើនពី ៥០ ទៅ ៦០គីឡូវ៉ាត់
ប្រសិនបើមានពិធីផ្សេងៗ គឺប្រើអស់យ៉ាងច្រើនត្រឹមតែ ៩០គីឡូវ៉ាតតែប៉ុណ្ណោះ តម្លៃ ១គីឡូវ៉ាត់ ១០០០រៀល។
២០នាក់បានធ្វើដំណើរតាមម៉ូតូមានតាំងពីក្មេងតូចៗ និងមនុស្សចាស់ប្រុសស្រី បានមកជួបគ្នានៅមុខសាខា
អគ្គិសនីកម្ពុជាខេត្តបន្ទាយមានជ័យ កាលពីព្រឹកថ្ងៃទី១៣ ខែកញ្ញា ឆ្នាំ ២០១២ ជាការតវ៉ាលើកទី២ ទៅលើកុងទ័រភ្លើង
ខែនេះឡើងខ្ពស់ខុសពីប្រក្រតី ធ្វើឲ្យពួកគាត់កើតទុក្ខមិនសុខចិត្តមិនអាចទទួលយកបានឡើយ ពីបញ្ហាកុងទ័រឡើង
ខុសប្រក្រតី។
តាមប្រភពពីប្រជាពលរដ្ឋម្នាក់ឈ្មោះ ឡយ គឿម ភេទប្រុស អាយុ ៥៥ឆ្នាំ ប្រកបមុខរបរលក់ដូរ រស់នៅភូមិ សង្កាត់
ខាងលើ បានប្រាប់ឲ្យដឹងថា ផ្ទះគាត់បានប្រើប្រាស់ភ្លើងអគ្គិសនីរដ្ឋមានរយៈពេលជិត ១០ឆ្នាំហើយ កន្លងមកក្នុងការ
ប្រើប្រាស់ហាក់បីដូចជា មិនមានបញ្ហាអ្វីទេទៅលើកុងទ័រភ្លើង។ ក្នុង១ខែប្រើប្រាស់យ៉ាងច្រើនពី ៥០ ទៅ ៦០គីឡូវ៉ាត់
ប្រសិនបើមានពិធីផ្សេងៗ គឺប្រើអស់យ៉ាងច្រើនត្រឹមតែ ៩០គីឡូវ៉ាតតែប៉ុណ្ណោះ តម្លៃ ១គីឡូវ៉ាត់ ១០០០រៀល។
លោក ឡយ គឿម បានបញ្ជាក់ទៀតថា ចូលដល់ខែនេះស្រាប់តែកុងទ័រគាត់មិនដើរទេ គឺរត់តែម្តងពី ៦០គីឡូវ៉ាត់
រហូតដល់ ២០០គីឡូវ៉ាត ហើយ ១០ថ្ងៃក្រោយមកទៀតឡើង ៧០គីឡូវ៉ាត់បន្ថែមពីលើនឹងទៀត។ ជាទម្លាប់ក្នុងផ្ទះគាត់
ប្រើតែអំពូលម៉ែត្រប្រវែង៣តឹក និងឆ្នាំងភ្លើងដាំបាយ១គ្រឿង ដោយខែនេះគាត់មិនបានប្រើប្រាស់ក្រៅពីនេះ
ផ្សេងឡើយ។ ចំណែកប្រជាពលរដ្ឋដែលជួបជុំគ្នាតវ៉ានៅព្រឹកនេះ គឺមានបញ្ហាកុងទ័រភ្លើងឡើងខ្ពស់ដូចរូបគាត់
អីចឹងដែរ។
លោក ពុធ សុភ័ក្រ ប្រធានសាខាអគ្គិសនីកម្ពុជាខេត្តបន្ទាយមានជ័យបានបា្រប់ឲ្យដឹងថា មិនមានប្រជាពលរដ្ឋជិត
២០នាក់ណាមកតវ៉ានោះទេ គឺមានមនុស្សតែ ៥ ទៅ ៦នាក់ចូលមកជួបគាត់ ហើយលោកបានបំភ្លឺថា ករណីកុងទ័រ
ឡើងរបស់ប្រជាពលរដ្ឋនៅភូមិ៣នេះ កាលពីល្ងាចមិញខាងកូនចៅលោកបានចុះត្រួតពិនិត្យកុងទ័រពួកគាត់
គឺកុងទ័រគ្មានបញ្ហាអ្វីទេ។ ពាក់ព័ន្ធកុងទ័រឡើងនេះ ទំនងជាឆ្លងចរន្ត រឺក៏ពួកគាត់មិនបានប្រើសន្សំសំចៃ។ លោកបាន
លើកឡើងទៀតថា ករណីដែលប្រជាពលរដ្ឋចោទប្រកាន់ ថាភ្លើងឧស្សាហ៍ដាច់ ជាមូលហេតុកុងទ័រដើរលឿននោះ
មិនជាប់ពាក់ព័ន្ធ និងកុងទ័រភ្លើងទេ។ លោកបានបំភ្លឺថា ករណីភ្លើងដាច់នេះ គឺដោយសារតែមានការផ្លាស់ប្ដូរភ្លើងពី
ភ្នំពេញ និងភ្លើងរបស់ថៃ។
តាមប្រភពព័ត៌មានពីប្រជាពលរដ្ឋបានបញ្ជាក់ឲ្យដឹងថា ការបកស្រាយរបស់លោកប្រធានអគ្គិសនីសាខា
ខេត្តបន្ទាយមានជ័យ គឺពួកគាត់មិនអាចទទួលយកបានឡើយ ព្រោះការដែលពួកគាត់ប្រើអគ្គិសនីជាង ១០ឆ្នាំមកនេះ
គ្មានបញ្ហាអ្វីទេ ចុះស្រាប់តែចូលខែនេះហេតុអី បានជាកុងទ័រភ្លើងសាខាខេត្តឡើងដូច្នេះ? ពួកគាត់បានបញ្ជាក់ថា
ការប្រើប្រាស់ចរន្តអគ្គិសនី ពួកគាត់មានការសន្សំសំចៃណាស់ ពុំមានការប្រើប្រាស់ខ្ជះខ្ជាយ រឺឆ្លងចរន្តតាមផ្ទះដូច
ការចោទប្រកាន់ពីលោកប្រធានអគ្គិសនីសាខាខេត្តនោះឡើយ។ ពីព្រោះពួកគាត់ សព្វថ្ងៃពិបាករកលុយបង់ថ្លៃភ្លើង
និងមានការចំណាយផ្សេងៗទៀតច្រើន ដូច្នេះគាត់មានតែខិតខំសន្សំសំចៃជានិច្ច។
ពាក់ព័ន្ធករណីកុងទ័រឡើងគីឡូវ៉ាត់នេះ ប្រជាពលរដ្ឋរស់នៅខេត្តបន្ទាយមានជ័យកន្លងមកមានការត្អូញត្អែរ និងរិះគន់
ដល់សាខាអគ្គិសនីខេត្តបន្ទាយមានជ័យថា កុងទ័រភ្លើងដាក់តាមផ្ទះពួកគាត់មានការកើនឡើងស្ទើរគ្រប់ផ្ទះមិនដឹង
មូលហេតុ។ ដោយផ្ទះខ្លះជាទម្លាប់ពួកគាត់ ប្រើថាមពលអគ្គិសនីក្នុង ១ខែយ៉ាងហោចត្រឹមតែ ៥០គីឡូវ៉ាត់ប៉ុណ្ណោះ
ជួនខែខ្លះកុងទ័រឡើទៅដល់ ១០០គីឡូវ៉ាត់ក៏មាន ដោយពួកគាត់មានការសង្ស័យថា ទំនងជាខាងអគ្គិសនីប្រើល្បិច
ថ្ពិនភ្នែកដាក់ពួកគាត់រឺយ៉ាងណា។ ពួកគាត់សំណូមពរដល់លោកអភិបាលខេត្តបន្ទាយមានជ័យ និងអាជ្ញាធរអគ្គិសនី
កម្ពុជា មេត្តាជួយពិនិត្យនិងដោះស្រាយបញ្ហាកុងទ័រភ្លើងឡើងខ្ពស់ឲ្យពួកគាត់ផង បើដូច្នេះទេពួកគាត់ជាពលរដ្ឋ
ស្លូតត្រង់នឹងប្រឈមបញ្ហាលំបាកច្រើនក្នុងជីវភាពរស់នៅប្រចាំថ្ងៃ៕
cam111