(CEN)
ភ្នំពេញ: តុលាការសាលាដំបូងរាជធានីភ្នំពេញ មកដល់ព្រលប់ថ្ងៃទី១៣ ខែកញ្ញា ឆ្នាំ២០១២ បានបញ្ចប់ការសួរដេញដោលលើសាក្សី ដែលមានចំនួនសរុប ២៣ នាក់។ សវនាការលើសំណុំរឿងក្តីលោកម៉មសូណង់ដូ នឹងបន្តទៅព្រឹកថ្ងៃសុក្រ ទី១៤ ខែកញ្ញា ឆ្នាំ២០១២ ដែលជាស្តាប់នូវសេចក្តីសន្និដ្ឋានបញ្ចប់សវនាការ ធ្វើឡើងដោយភាគីមេធាវី និងភាគីព្រះរាជអាជ្ញា។
ថ្ងៃទី 13 កញ្ញា 2012
ដោយ: ឆាយា
សំណុំរឿងក្តីជម្លោះដីធ្លី បង្កើតតំបន់អបគមន៍ ប្រឆាំងរដ្ឋាភិបាល នៅខេត្តក្រចេះ ត្រូវបានបើកសវនាការ ចាប់តាំងពីថ្ងៃអង្គារ ទី១១ ខែកញ្ញា ឆ្នាំ២០១២ ដោយមានជនជាប់ចោទសរុបចំនួន ១៤ នាក់ រាប់ទាំងលោកម៉មសូណង់ដូ និងឈ្មោះ ប៊ុនរដ្ឋា ដែលកំពុងគេចខ្លួន។
ក្នុងសវនាការនៅថ្ងៃព្រហស្បតិ៍ ទី១៣កញ្ញា ឆ្នាំ២០១២ សាក្សីដែលជាប៉ូលិសក្រសួងមហាផ្ទៃ បានបង្ហាញឯកសារភស្តុតាង នៃទំនាក់ទំនងរបស់លោកម៉មសូណង់ដូ និងលោកសួនសេរីរដ្ឋា ប្រធានចលនាអំណាចប្រជាពលរដ្ឋ។
កាលពីឆ្នាំ២០១១ លោកសួនសេរីរដ្ឋា ដែលរស់នៅអាមេរិក បានអំពាវនាវឲ្យប្រជាពលរដ្ឋកម្ពុជា ធ្វើការបាតុកម្ម ផ្តួលរំលំប្រឆាំងរដ្ឋាភិបាលកម្ពុជា ដោយយកគំរូតាមបដិវត្តផ្កាម្លិះ ក្នុងប្រទេសអារ៉ាប់មួយចំនួន។ លោកសួនសេរីរដ្ឋា ក៏បានចូលរួមថ្លែងក្នុងវេទិការបស់ក្រុមអាវលឿងថៃ នៅទីក្រុងបាងកក រិះគន់ធ្ងន់ៗលើរដ្ឋាភិបាលរបស់សម្តេចហ៊ុនសែន។
ប៉ូលិសថា លោកម៉មសូណង់ដូ ជាបក្ខពួក របស់លោកសួនសេរីរដ្ឋា ដែលមានបំណង បំផុសប្រជាពលរដ្ឋកម្ពុជា ឲ្យបះបោរ ទម្លាក់រដ្ឋាភិបាលកម្ពុជា។
ក៏ប៉ុន្តែក្នុងសវនាការ លោក ម៉ម សូណង់ដូ បានបដិសេធ ហើយថា លោកជួបជាមួយលោកសួនសេរីរដ្ឋា នៅប្រទេសថៃ ក្នុងនាមលោកជាអ្នកកាសែត ដែលបានធ្វើបទសម្ភាសន៍ជាមួយលោកសួនសេរីរដ្ឋា ដើម្បីយកមកចាក់ផ្សាយតាមវិទ្យុសំបុកឃ្មុំ នៅទីក្រុងភ្នំពេញ របស់លោកប៉ុណ្ណោះ។
នៅក្រៅរបងតុលាការសាលាដំបូងរាជធានីភ្នំពេញ នៅថ្ងៃព្រហស្បតិ៍ ទី១៣ ខែកញ្ញា ឆ្នាំ២០១២ ក្រុមអ្នកគាំទ្រលោកម៉ម សូណង់ដូ បានបន្តប្រមូលផ្តុំ ដល់ថ្ងៃទី៣ ដើម្បីលើកបដា និងស្រែកមេក្រូ ទាមទារឲ្យតុលាការដោះលែងលោកម៉មសូណង់ដូ។
រីឯប៉ូលិស ក៏បានបន្តបិទផ្លូវ នៅមុខតុលាការក្រុងភ្នំពេញ ដើម្បីរារាំងក្រុមអ្នកគាំទ្រលោកម៉មសូណង់ដូ មិនឲ្យទៅកាន់តុលាការ។
មានអាយុ ៧២ ឆ្នាំ លោក ម៉ម សូណង់ដូ ត្រូវបានចោទប្រកាន់ថា ជាមេខ្លោងបង្កើតតំបន់អបគមន៍ ពាក់ព័ន្ធនឹងជម្លោះដីនៅក្នុងស្រុកឆ្លូង ខេត្តក្រចេះ។ ប៉ូលិសបានចាប់ខ្លួនលោកម៉មសូណង់ដូ កាលពីថ្ងៃទី១៥ ខែកក្កដា ឆ្នាំ២០១២។
នៅក្នុងសវនាការ លោកម៉មសូណង់ដូ បានបដិសេធនូវរាល់ការចោទប្រកាន់លើរូបលោក ពាក់ព័ន្ធនឹងជម្លោះដី ដែលរដ្ឋាភិបាលចោទប្រកាន់ថា លោកម៉មសូណង់ដូ ជាមេក្លោង ក្នុងការបង្កើតតំបន់អបគមន៍ នៅក្នុងស្រុកឆ្លូង ខេត្តក្រចេះ។
ក្នុងរឿងក្តីជម្លោះដីធ្លី នៅខេត្តក្រចេះ តុលាការបានចោទប្រកាន់លោកម៉មសូណង់ដូ ក្នុងបទល្មើស ៤ ករណី រួមមាន៖ ទី១-បទផ្តួចផ្តើមគំនិតប្រឆាំងអ្នករាជការសាធារណៈ ទី២-ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ទី៣-ញុះញង់ឲ្យប្រជាពលរដ្ឋ កាន់កាប់អាវុធខុសច្បាប់ និងទី៤-ប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួន នៃក្រមព្រហ្មទណ្ឌ។
ការចោទប្រកាន់លោក ម៉ម សូណង់ដូ គឺតុលាការបានភ្ជាប់នឹងករណីជម្លោះដី ដែលបង្កឡើងដោយប្រជាពលរដ្ឋមួយក្រុម ដែលជាសាខាសមាគមអ្នកប្រជាធិបតេយ្យ នៅក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។ ករណីជម្លោះដីនោះ ត្រូវបានអាជ្ញាធររដ្ឋាភិបាលចោទប្រកាន់ថា អ្នកទាំងនោះចាប់ដីរដ្ឋ បង្កើតតំបន់អបគមន៍ ហើយត្រូវបានរដ្ឋាភិបាលបង្ក្រាប និងបណ្តេញចេញ កាលពីថ្ងៃទី១៦ ខែឧសភា ឆ្នាំ២០១២ បណ្តាលឲ្យក្មេងស្រីម្នាក់ស្លាប់ និងមនុស្សជាច្រើនបានរត់គេចខ្លួន ពីការតាមចាប់របស់តុលាការខេត្តក្រចេះ។ ក្រោយមក សំណុំរឿងនោះ ត្រូវបានផ្ទេរមកសាលាដំបូងរាជធានីភ្នំពេញ៕cam news
ថ្ងៃទី 13 កញ្ញា 2012
ដោយ: ឆាយា
សំណុំរឿងក្តីជម្លោះដីធ្លី បង្កើតតំបន់អបគមន៍ ប្រឆាំងរដ្ឋាភិបាល នៅខេត្តក្រចេះ ត្រូវបានបើកសវនាការ ចាប់តាំងពីថ្ងៃអង្គារ ទី១១ ខែកញ្ញា ឆ្នាំ២០១២ ដោយមានជនជាប់ចោទសរុបចំនួន ១៤ នាក់ រាប់ទាំងលោកម៉មសូណង់ដូ និងឈ្មោះ ប៊ុនរដ្ឋា ដែលកំពុងគេចខ្លួន។
ក្នុងសវនាការនៅថ្ងៃព្រហស្បតិ៍ ទី១៣កញ្ញា ឆ្នាំ២០១២ សាក្សីដែលជាប៉ូលិសក្រសួងមហាផ្ទៃ បានបង្ហាញឯកសារភស្តុតាង នៃទំនាក់ទំនងរបស់លោកម៉មសូណង់ដូ និងលោកសួនសេរីរដ្ឋា ប្រធានចលនាអំណាចប្រជាពលរដ្ឋ។
កាលពីឆ្នាំ២០១១ លោកសួនសេរីរដ្ឋា ដែលរស់នៅអាមេរិក បានអំពាវនាវឲ្យប្រជាពលរដ្ឋកម្ពុជា ធ្វើការបាតុកម្ម ផ្តួលរំលំប្រឆាំងរដ្ឋាភិបាលកម្ពុជា ដោយយកគំរូតាមបដិវត្តផ្កាម្លិះ ក្នុងប្រទេសអារ៉ាប់មួយចំនួន។ លោកសួនសេរីរដ្ឋា ក៏បានចូលរួមថ្លែងក្នុងវេទិការបស់ក្រុមអាវលឿងថៃ នៅទីក្រុងបាងកក រិះគន់ធ្ងន់ៗលើរដ្ឋាភិបាលរបស់សម្តេចហ៊ុនសែន។
ប៉ូលិសថា លោកម៉មសូណង់ដូ ជាបក្ខពួក របស់លោកសួនសេរីរដ្ឋា ដែលមានបំណង បំផុសប្រជាពលរដ្ឋកម្ពុជា ឲ្យបះបោរ ទម្លាក់រដ្ឋាភិបាលកម្ពុជា។
ក៏ប៉ុន្តែក្នុងសវនាការ លោក ម៉ម សូណង់ដូ បានបដិសេធ ហើយថា លោកជួបជាមួយលោកសួនសេរីរដ្ឋា នៅប្រទេសថៃ ក្នុងនាមលោកជាអ្នកកាសែត ដែលបានធ្វើបទសម្ភាសន៍ជាមួយលោកសួនសេរីរដ្ឋា ដើម្បីយកមកចាក់ផ្សាយតាមវិទ្យុសំបុកឃ្មុំ នៅទីក្រុងភ្នំពេញ របស់លោកប៉ុណ្ណោះ។
នៅក្រៅរបងតុលាការសាលាដំបូងរាជធានីភ្នំពេញ នៅថ្ងៃព្រហស្បតិ៍ ទី១៣ ខែកញ្ញា ឆ្នាំ២០១២ ក្រុមអ្នកគាំទ្រលោកម៉ម សូណង់ដូ បានបន្តប្រមូលផ្តុំ ដល់ថ្ងៃទី៣ ដើម្បីលើកបដា និងស្រែកមេក្រូ ទាមទារឲ្យតុលាការដោះលែងលោកម៉មសូណង់ដូ។
រីឯប៉ូលិស ក៏បានបន្តបិទផ្លូវ នៅមុខតុលាការក្រុងភ្នំពេញ ដើម្បីរារាំងក្រុមអ្នកគាំទ្រលោកម៉មសូណង់ដូ មិនឲ្យទៅកាន់តុលាការ។
មានអាយុ ៧២ ឆ្នាំ លោក ម៉ម សូណង់ដូ ត្រូវបានចោទប្រកាន់ថា ជាមេខ្លោងបង្កើតតំបន់អបគមន៍ ពាក់ព័ន្ធនឹងជម្លោះដីនៅក្នុងស្រុកឆ្លូង ខេត្តក្រចេះ។ ប៉ូលិសបានចាប់ខ្លួនលោកម៉មសូណង់ដូ កាលពីថ្ងៃទី១៥ ខែកក្កដា ឆ្នាំ២០១២។
នៅក្នុងសវនាការ លោកម៉មសូណង់ដូ បានបដិសេធនូវរាល់ការចោទប្រកាន់លើរូបលោក ពាក់ព័ន្ធនឹងជម្លោះដី ដែលរដ្ឋាភិបាលចោទប្រកាន់ថា លោកម៉មសូណង់ដូ ជាមេក្លោង ក្នុងការបង្កើតតំបន់អបគមន៍ នៅក្នុងស្រុកឆ្លូង ខេត្តក្រចេះ។
ក្នុងរឿងក្តីជម្លោះដីធ្លី នៅខេត្តក្រចេះ តុលាការបានចោទប្រកាន់លោកម៉មសូណង់ដូ ក្នុងបទល្មើស ៤ ករណី រួមមាន៖ ទី១-បទផ្តួចផ្តើមគំនិតប្រឆាំងអ្នករាជការសាធារណៈ ទី២-ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ទី៣-ញុះញង់ឲ្យប្រជាពលរដ្ឋ កាន់កាប់អាវុធខុសច្បាប់ និងទី៤-ប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួន នៃក្រមព្រហ្មទណ្ឌ។
ការចោទប្រកាន់លោក ម៉ម សូណង់ដូ គឺតុលាការបានភ្ជាប់នឹងករណីជម្លោះដី ដែលបង្កឡើងដោយប្រជាពលរដ្ឋមួយក្រុម ដែលជាសាខាសមាគមអ្នកប្រជាធិបតេយ្យ នៅក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។ ករណីជម្លោះដីនោះ ត្រូវបានអាជ្ញាធររដ្ឋាភិបាលចោទប្រកាន់ថា អ្នកទាំងនោះចាប់ដីរដ្ឋ បង្កើតតំបន់អបគមន៍ ហើយត្រូវបានរដ្ឋាភិបាលបង្ក្រាប និងបណ្តេញចេញ កាលពីថ្ងៃទី១៦ ខែឧសភា ឆ្នាំ២០១២ បណ្តាលឲ្យក្មេងស្រីម្នាក់ស្លាប់ និងមនុស្សជាច្រើនបានរត់គេចខ្លួន ពីការតាមចាប់របស់តុលាការខេត្តក្រចេះ។ ក្រោយមក សំណុំរឿងនោះ ត្រូវបានផ្ទេរមកសាលាដំបូងរាជធានីភ្នំពេញ៕cam news