(ដោយ៖អ.ស.មប៉ោយប៉ែត)៖កម្លាំងវរៈសេនាតូចនគរបាលការពារព្រំដែនគោកលេខ៩១១
សហការជាមួយកម្លាំង នគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្តបន្ទាយមានជ័យបានធ្វើការស្រាវជ្រាវចាប់ឃាត់ខ្លួនមេខ្យល់នាំពលករឆ្លងដែនខុសច្បាប់ជាបន្តបន្ទាប់ចំនួន០៤នាក់រួម
និងពលករចំនួន០៦នាក់
នៅចំណុចរង្វង់មូលក្បែរច្រកទ្វារអន្តរជាតិប៉ោយប៉ែតនិងចំណុចប៉ុស្ថិ៍នគរបាលការពារព្រំដែនបឹងសាគូ
ស្ថិតក្រុងប៉ោយប៉ែត ខេត្តបន្ទាយមានជ័យកាលពីព្រឹកថ្ងៃទី២១ ខែកញ្ញា
ឆ្នាំ២០១២ ។ ខណៈមេខ្យល់ទាំងនោះ បម្រុងនាំពលករឆ្លង
ដែនទៅកាន់ប្រទេសថៃ។
បើតាមប្រភពព័ត៌មានពីលោកវរសេនីយ៍ត្រី សូរ ចាន់ណារី
មេបញ្ជាការវរៈ៩១១
បានឲ្យដឹងថា៖មុននិងសមត្ថកិច្ចឈានដល់ធ្វើការចុះបង្ក្រាបទៅលើក្រុមមេខ្យល់ទាំង០៤នាក់នោះ។
ដំបូងនគរបាលការពារព្រំដែនលេខ៩១១ បឹងសាគូ មានការសង្ស័យមនុស្សចំនួន៥
នាក់បម្រុងឆ្លងដែនទៅប្រទេសថៃសមត្ថកិច្ចហៅមកសាកសួរ។
បន្ទាប់ពីសាកសួររួសមត្ថកិច្ច ធ្វើការឃាត់ខ្លួនពួកគេទាំង៥នាក់
ក្នុងនោះដោយមានការសម្របសម្រួលពីលោក ឡុង ជាប
ព្រះរាជអាជ្ញារងអមសាលាដំបូងខេត្ត សមត្ថកិច្ចធ្វើការស្រាវជ្រាវ
បន្តឈានទៅដល់ការ ឃាត់ខ្ឡួនមនុស្សចំនួន៥នាក់ទៀត
នៅចំណុចរង្វង់មូលមុខ ច្រកទ្វារអន្តរ ជាតិប៉ោយប៉ែត
បញ្ជូនពួកគេយកមកសាកសួរនៅស្នងការដ្ឋាននគរបាលខេត្ត។
លោកវរសេនីយ៍ទោ
សិទ្ធ ឡោះ នាយការិយាល័យជំនាញបាន
បន្តឲ្យដឹងទៀតថា៖មេខ្យលទាំង០៤នាក់មានឈ្មោះ ១,ម៉ៅ
គឹមយួត ភេទស្រី អាយុ៣២ឆ្នាំ រស់នៅភូមិពង្រ សង្កាត់កំពង់ស្វាយ
ក្រុងសិរីសោភ័ណ ២,យិន សាម៉េត ភេទប្រុស
អាយុ២៣ឆ្នាំ រស់នៅភូមិក្បាលស្ពាន សង្កាត់-ក្រុងប៉ោយប៉ែត
ប្រកបមុខរបរអូសរទះ ៣,ងិន រ៉ែន ភេទប្រុស
អាយុ២៣ឆ្នាំ ប្រកបមុខរបរកម្មករ រស់នៅភូមិផ្សារមិត្តភាព
សង្កាត់-ក្រុងប៉ោយប៉ែត និង៤,សេង ធា ភេទប្រុស
អាយុ៣២ឆ្នាំ ប្រកបមុខរបរកម្មករនៅ ផ្សាររុង ក្លឿប្រទេសថៃ
រស់នៅភូមិក្បាលស្ពាន សង្កាត-ក្រុងប៉ោយប៉ែត ។នៅចំពោះមុខសមត្ថកិច្ច
បើតាមចម្លើយសារភាពពួកគេជាអ្នកស៊ីឈ្នួលជូនពលករឆ្លងដែន ទៅប្រទេសថៃ
ដោយក្នុងមនុស្សម្នាក់យកប្រាក់ពី១៨ម៉ឺនរៀល ទៅ២០ម៉ឺនរៀល។
លោកនាយការិយាល័យបានបញ្ជាក់ឲ្យដឹងទៀតថា
ផ្អែកតាមចម្លើយសារភាពពីជនសង្ស័យទាំង៤នាក់
និងមានការឆ្លើយបំភ្លឺដាក់បន្ទុកពីក្រុមពលករទាំង០៦នាក់ បច្ចុប្បន្នជន
សង្ស័យសមត្ថកិច្ចជំនាញបានកសាងសំណុំរឿងបញ្ជូនខ្លួនទៅតុលាការខេត្ត
ដើម្បីយកទៅចាត់ការតាមផ្លូវច្បាប់។ចំណែកពលករទាំង០៦នាក់ដែលពួកគេសុទ្ធជាអ្នករស់នៅខេត្តបាត់ដំបង
និងខេត្តសៀមរាប រងគ្រោះបម្រុងងចាញ់ពួកបោកពួកមេខ្យល់ ទាំងនោះត្រូវបាន
សមត្ថកិច្ច ធ្វើការអប់រំ ណែនាំ និងឲ្យធ្វើកិច្ចសន្យា
ដោះលែងឲ្យត្រឡប់ទៅស្រុកកំណើតវិញ។
គួរបញ្ជាក់ថា
បើតាមរបាយការណ៍ពីការិយាល័យនគរបាលប្រឆាំងការជួញដូរមនុស្ស
និងការពារអនីតិជននៃស្នងការដ្ឋាននគរបាលខេត្តបន្ទាយមានជ័យ
រយៈពេល០៩ខែឆ្មាំ២០១២ចុងក្រោយ សមត្ថកិច្ចខេត្តបន្ទាយមានជ័យ
បានធ្វើការបង្ក្រាបទប់ស្កាត់ពលករឆ្លងដែនខុសច្បាប់សរុបចំនួន៣,០១០នាក់
ក្នុងនោះស្រី១,០៦១នាក់
និងបង្ក្រាបបានមេខ្យល់ចំនួន០៧នាក់ កសាងសំណុំរឿងបញ្ជូនខ្លួនជនសង្ស័យទៅតុលាការខេត្តចាត់ការតាមផ្លូវច្បាប់
៕