ថ្ងៃ អង្គារ 07 សីហា 2012
ដោយ លី ម៉េងហួរ
RFI
លោកនាយករដ្ឋមន្ត្រី ហ៊ុន សែន
Ảnh: Reuters
Ảnh: Reuters
ក្នុងសេចក្តីជូនដំណឹងដដែល បានលើកឡើងថា ខុទ្ទកាល័យលោកនាយករដ្ឋមន្ត្រី សូមអំពាវនាវដល់ប្រជាពលរដ្ឋទូទាំងប្រទេស សូមកុំចាញ់បោកជនថោកទាប ហើយសូមបងប្អូនជនរួមជាតិ មេត្តារង់ចាំមើលការបិទតាមកញ្ចក់ទូរទស្សន៍ និងស្តាប់វិទ្យុ នូវការផ្សាយបន្តផ្ទាល់ នៅថ្ងៃទី៩ ខែសីហា ឆ្នាំ២០១២ នៅក្នុងសម័យប្រជុំរដ្ឋសភា។
ជាការកត់សម្គាល់ សេចក្តីជូនដំណឹងរបស់នាយកខុទ្ទកាល័យលោកនាយករដ្ឋមន្ត្រីខាងលើនេះ បានធ្វើឡើងភ្លាមៗ ខណៈដែលតាមប្រព័ន្ធហេ្វកបុក នាព្រឹកព្រលឹម ថ្ងៃទី៧សីហា ឆ្នាំ២០១២ មានការផ្សព្វផ្សាយនូវលិខិត ដែលមានហត្ថលេខារបស់សម្តេចនាយករដ្ឋមន្ត្រី ហ៊ុន សែន និងមានខ្លឹមសារពន្យល់ទៅកាន់ជនរួមជាតិថា ក្នុងពេលសម្តេច មានវត្តមានក្នុងកិច្ចប្រជុំរដ្ឋសភា ដើម្បីឆ្លើយបំភ្លឺរឿងព្រំដែនកម្ពុជា-វៀតណាម នាព្រឹកថ្ងៃទី៩សីហា ឆ្នាំ២០១២ គឺសម្តេចនឹងមិនទទួលសំណួរពីក្រុមអ្នកតំណាងរាស្ត្រឡើយ។ នោះគឺមកពីលោកនាយករដ្ឋមន្ត្រី ហ៊ុន សែន បានទទួលការបង្គាប់បញ្ជាពីមេដឹកនាំប្រទេសវៀតណាម។
ទោះជាយ៉ាងនៅក្នុងសេចក្តីជូនដំណឹងជាផ្លូវការ នាព្រឹកថ្ងៃទី៧ ខែសីហា ឆ្នាំ២០១២ លោក ហូ សិទ្ធី នាយកខុទ្ទកាល័យលោកនាយករដ្ឋមន្ត្រី ហ៊ុនសែន បានច្រានចោលនូវការលើកឡើង ដោយបំភ្លៃការពិតនោះ។
ក្រុមអ្នកលេងហ្វេកបុក ដែលគេដឹងថា ជាក្រុមអ្នកប្រឆាំងរដ្ឋាភិបាល និងមានមូលដ្ឋាននៅក្រៅប្រទេស ក៏បានធ្វើលិខិតក្លែងបន្លំផងដែរ ចំពោះមរណភាពរបស់សម្តេចជាស៊ីម កាលពីថ្ងៃទី៤សីហា ឆ្នាំ២០១២។ ក៏ប៉ុន្តែខុទ្ទកាល័យសម្តេចជាស៊ីម និងអគ្គលេខាធិការព្រឹទ្ធសភាបានចេញសេចក្តីបដិសេធជាលាយអក្សរ និងបដិសេធផ្ទាល់មាត់ភ្លាមៗ ចំពោះដំណឹងអកុសល ហើយព្រមានប្តឹងផងដែរ៕cambodai news
