ថ្ងៃទី 07 ខែសីហា ឆ្នាំ2012, ម៉ោង 05:25 PM ឈ ភ
ភ្នំពេញ ៖ ប្រធានក្រុមហ៊ុនគងស៊ីណាន់ហ្វើរើសមេតាល់ គ្រុបខូអិលធីដី របស់ចិន គឺបានស្នើរសុំការគាំទ្រ ពីក្រសួងឧស្សាហកម្មរ៉ែ និងថាមពល ក្នុងការបង្កើតរោងចក្រស្លដែក និងរោងចក្រផលិតក្រដាសនៅកម្ពុជា។
ព្រឹក០៧ ខែសីហានេះ ក្នុងជំនួបសំដែងការគួរសំ និងពិភាក្សាការងារ ជាមួយលោកស៊ុយ សែម រដ្ឋមន្រ្តីក្រសួងឧស្សាហកម្មរ៉ែ និងថាមពល លោក លី យ៉ាងតុង ក៏បានជំរាបលោករដ្ឋមន្រ្តីអំពីផែនការបន្តគឺចង់បង្កើតគំរោងនេះ អោយទៅជាគំរោងធំមួយក្នុងការជីកយករ៉ែដែក ដើម្បីធ្វើការស្លដែក ផលិតដែកថែប ផលិតអគ្គីសនីដែលប្រើកំដៅដែលសេសសល់ពីការស្លដែក ការផលិតស៊ីម៉ង់ដោយសំណល់ដែកថែប និងការកែច្នៃកាក់សំណល់ពីទឹកកខ្វក់ដើម្បីប្រើប្រាស់ឡើងវិញ និងការប្រើប្រាស់ទឹកចំហាយពីការផលិតដែកថែប ដើម្បីផលិតក្រដាស់។ភាគីក្រុមហ៊ុនក៏បានលើកឡើងពីបញ្ហាខ្លះទាក់ទងទៅតំបន់សាងសងរោង ចក្រសំរាប់គំរោងធំទាំងនេះ នៅជិតរាជធានីភ្នំពេញ ព្រមទាំងលទ្ធភាពក្នុងការសាងសងរោងចក្រផលិតក្រដាស់ដែលមាន សមត្ថភាពអោយបាន១៥ម៉ឺនតោនក្នុងមួយឆ្នាំ ព្រមទាំងពីបញ្ហាវត្ថុធាតុដើម ដើម្បីដំណើរការផ្គត់ផ្គងអោយរោងចក្រនេះ ។ដោយឡែកពីបញ្ហាផលិតថាមពលដើរដោយនុយក្លែអ៊ែរ និងការផលិតស៊ីម៉ងត៍ដោយសំណល់ពីការផលិតដែកថែប។
លោកស៊ុយ សែម បានស្វាគមន៍ចំពោះកិច្ចសហប្រតិបត្តិការរវាង ក្រុមហ៊ុនគងស៊ីណាន់ហ្វើរើសមេតាល់ គ្រុបខូអិលធីដី និងដៃគូរទាំងអស់ ចំពោះទីតាំងដែលក្រុមហ៊ុនមានបំណងចង់ដាក់គំរោងធំនៅជិតរាជធា នីភ្នំពេញក៏វាជាការងាយស្រួលក្នុងការដឹកជញ្ជួនទំនិញ ការប្រើប្រាស់ទឹក និងអគ្គីសនី ហើយក្រសួងឧស្សាហកម្មរ៉ែ និងថាមពលនឹងខិតខំជួយលើការងាររដ្ឋបាលផ្សេងៗ ដែលស្ថិតនៅក្រោមការគ្រប់គ្រង់របស់ក្រសួង។
ក្រុមហ៊ុនគងស៊ីណាន់ហ្វើរើសមេតាល់ គ្រុបខូអិលធីដី របស់ចិន ខាងលើនេះ បានទទួលអជ្ញាបណ្ណក្នុងធ្វើអាជីវកម្មរ៉ែ ដែកក្នុងខេត្តព្រះវិហារ ហើយបច្ចុប្បន្នក្រុមហ៊ុនកំពុងធ្វើការសិក្សាផលប៉ះពាល់បរិស្ថានជា មួយក្រសួងបរិស្ថាន ដើម្បីដំណើរការរោងចក្រនៅតាមទីតាំងដែលបានកំណត់៕Agkor thom