ដោយ ៖ ចន្ថា ថ្ងៃទី 10 សីហា 2012ម៉ោង 17:46:09
ខេត្ដកំពង់ឆ្នាំង ៖ បក្ខពួកចោរប្លន់ ២នាក់ដែលជាសាច់ញាតិនិងគ្នាក្នុង ចំណោមបក្ខពួករបស់គេ៥នាក់ត្រូវបានកម្លាំងនគរបាលការិយាល័យ ព្រហ្មទណ្ឌ កម្រិតធ្ងន់និងកម្លាំងនគរបាលស្រុកកំពង់លែងបានស្រាវជ្រាវ និងចាប់ឃាត់ខ្លួន បញ្ជូនមកស្នងការដ្ឋានរគរបាលខេត្ដ កំពង់ឆ្នាំង កាលពីវេលាម៉ោង៥និង៣០ នាទីល្ងាចថ្ងៃទី៩ ខែសីហា ឆ្នាំ២០១២ ។ក្រុមជនសង្ស័យទាំង២នាក់នេះ ម្នាក់ ឈ្មោះ យ៉ិន ទីន ភេទប្រុស អាយុ៤៥ឆ្នាំ មានទីលំនៅក្នុងស្រុកគីរីវង់ ខេត្ដតាកែវ និងម្នាក់ទៀតឈ្មោះ ស ហេនភេទប្រុស អាយុ៣៤ឆ្នាំ មានទីលំនៅក្នុងភូមិ-ឃុំ ពោធិ៍ស្រុកកំពង់លែង ខេត្ដកំពង់ឆ្នាំង ត្រូវជាប្អូនថ្លៃរបស់ឈ្មោះ យ៉ិន ទីន ។
នាយការិយាល័យព្រហ្មទណ្ឌកម្រិត ធ្ងន់នៃស្នងការដ្ឋាននគរបាលខេត្ដកំពង់ ឆ្នាំងលោក ជឹម ប៊ុនធឿន បានឱ្យដឹងថា ការចាប់បានជនសង្ស័ទាំង២នាក់នេះ គឺបន្ទាប់ពីកម្លាំងនគរបាលស្រុកកំពង់ លែងបានទទួលពាក្យបណ្ដឹងពីជនរគ្រោះ ឈ្មោះ ស៊ិ ឌួច នៅខេត្ដតាកែវដែលជា អ្នករកស៊ីទិញគោនៅស្រុកកំពង់លែង ហើយត្រូវក្រុមចោរប្លន់មកប្លន់យក លុយអស់ប្រមាណជិត៧០លានរៀល ។
ក្រោយពីទទួលបណ្ដឹងនេះកម្លាំង នគរបាលជំនាញសហការជាមួយកម្លាំង សមត្ថកិច្ចស្រុកបានចុះស្រាវជ្រាវភ្លាមៗហើយបានឈានទៅចាប់ជនសង្ស័យ ២នាក់ក្នុងចំណោម៥នាក់ដែលបានរៀបចំផែនការប្លន់នេះ ។
លោកបានបញ្ជាក់ទៀតថា នៅមុនពេលកើតហេតុជនរងគ្រោះឈ្មោះ ស៊ិន ឌួច បានបើកលុយនៅខេត្ដកំពង់ឆ្នាំង បានចំនួន៦៩.៨៥០.០០០រៀលដើម្បី យកទៅទូទាត់សងថ្លៃទិញគោនៅក្នុងស្រុកកំពង់លែង ។ ពេលដល់ស្រុកកំពង់លែង អោយឈ្មោះ ស ហេន ជាអ្នកឌុប ពេល ឌុបហើយដល់កន្លែងស្ងាត់ពួកគេម្នាក់ ទៀតឈ្មោះយ៉ិនទីនរួមនិងបក្ខពួករបស់ គេសរុបមានគ្នា៥នាក់បានធ្វើសកម្មភាព ប្លន់យកលុយរបស់ជនរងគ្រោះតែម្ដង ។
បច្ចុប្បន្នជនសង្ស័យទាំង២នាក់ នេះ ត្រូវសមត្ថកិច្ចកំពុងសាកសួរដើម្បីកសាង សំណុំរឿងបញ្ជូនទៅតុលាការអនុវត្ដតាមនីតិវិធី ៕