- Saturday, 25 August 2012 18:17
កំពង់ឆ្នាំង: ជនសង្ស័យមួយក្រុមមានគ្នាប្រាំនាក់ ដែលជាមុខសញ្ញាលួចគោប្រលះយកសាច់លក់ ត្រូវកម្លាំងសមត្ថកិច្ចប៉ូលិសការិយាល័យព្រហ្មទណ្ឌកម្រិតស្រាល កម្លាំង ប៉ូលិសស្រុករលាប្អៀរ កម្លាំងប៉ូលិសស្រុកកំពង់ត្រឡាច និងកម្លាំងប៉ូលិសក្រុងកំពង់ឆ្នាំង សហការគ្នាព័ទ្ធចាប់បាន នៅក្នុងផ្ទះសំណាក់មួយកន្លែង ស្ថិតក្នុងសង្កាត់ខ្សាម ក្រុងកំពង់ឆ្នាំង កាលពីម៉ោង១រំលងអធ្រាតថ្ងៃទី២៤ឈានចូលថ្ងៃទី២៥ ខែសីហា ឆ្នាំ២០១២ និងម្នាក់ទៀតចាប់បាននៅឯស្រុកកំពង់ត្រឡាច។
ជនសង្ស័យដែល ត្រូវប៉ូលិសចាប់ខ្លួននេះ ១-ឈ្មោះ ម៉ាត់ រ៉ហាន ភេទប្រុស អាយុ២១ឆ្នាំ ២- ឈ្មោះ ម៉ាត់ យូសុះ ភេទប្រុស អាយុ២៧ឆ្នាំ ៣-ឈ្មោះ សុះ សុទី ភេទប្រុស អាយុ២៦ឆ្នាំ ជនទាំង៣ នាក់នេះមានទីលំនៅ ក្នុងភូមិព្រៃពីស ឃុំឈូកស ស្រុកកំពង់ត្រឡាច ខេត្ដកំពង់ឆ្នាំង។ ៤-ឈ្មោះ ពៅ ស្រីមុំ ភេទស្រី អាយុ២៤ឆ្នាំ មានទីលំនៅ ក្នុងភូមិស្រះស្រង់ សង្កាត់ព្រៃញី ក្រុងសំពៅមាស ខេត្ដពោធិ៍សាត់។ ៥-ឈ្មោះ ជឿន ស្រីអន ភេទស្រី អាយុ២២ឆ្នាំ មានទីលំនៅក្នុងខេត្ដកំពង់ស្ពឺ។ ជនទាំង៥នាក់នេះ ត្រូវសមត្ថកិច្ចព័ទ្ធចាប់បានកាលពីវេលាម៉ោង១០និង៣០នាទីថ្ងៃទី២៥ ខែសីហា ឆ្នាំ២០១២ នៅក្នុងផ្ទះសំណាក់មួយ ស្ថិតក្នុងសង្កាត់ខ្សាម ក្រុងកំពង់ឆ្នាំង។ ក្រោយពេលឃាត់ខ្លួន ជនសង្ស័យទាំង៥នាក់ខាងលើនេះ សមត្ថកិច្ចបានស្រាវជ្រាវ និងឈានទៅឃាត់ខ្លួនបក្ខពួករបស់គេម្នាក់ទៀត ឈ្មោះ សុះ រី ហៅម៉ិច ភេទប្រុស អាយុ២៨ឆ្នាំ និងមានទីលំនៅក្នុងឃុំឈូកស ស្រុកកំពង់ត្រឡាច។
លោកហ៊ុល វាសនា អធិការរងក្រុងកំពង់ឆ្នាំង ដែលស្ថិតក្នុងប្រតិបត្ដិការនេះបានអោយដឹងថា ជនសង្ស័យ មួយក្រុមនេះបានធ្វើសកម្មភាពចូលលួចគោ របស់ប្រជាពលរដ្ឋ ឈ្មោះ ប្រាក់ សុគា នៅក្នុងភូមិត្រពាំងចិក្សា សង្កាត់កំពង់ឆ្នាំង ក្រុងកំពង់ឆ្នាំង។ ក្រោយពីសភាពការណ៍នេះកើតឡើង លោកឧត្ដមសេនីយត្រីយ៍អាត់ ខែម ស្នងការនគរបាលខេត្ដកំពង់ឆ្នាំង បានដាក់បញ្ជាអោយកម្លាំងប៉ូលិសការិយាល័យព្រហ្មទណ្ឌកម្រិតស្រាល ប៉ូលិសក្រុងកំពង់ឆ្នាំង និងស្រុកមួយចំនួនទៀត ដើម្បីធ្វើការស្រាវជ្រាវ និងពួនស្ទាក់នៅតាមច្រកផ្លូវសំខាន់ៗ។ ក្រោយពីកំណត់មុខសញ្ញា និងទីតាំង ដែលពួកគេស្នាក់នៅបានហើយ ក៏សុំគោលការណ៍ឃាត់ខ្លួនតែម្ដង។
នៅចំពោះសមត្ថកិច្ចជនសង្ស័យបានឆ្លើយសារភាពថា ពួកគេទើបតែធ្វើសកម្មភាពលួចគោ ប្រលះសាច់លក់បានចំនួន១០ក្បាលតែប៉ុណ្ណោះ។ ចំពោះវត្ថុតាងដែលរឹបអូសបាន មានម៉ូតូមួយ គ្រឿង ម៉ាកហុងដា សូនិក ពណ៌ខៀវ អត់ស្លាកលេខ រួមនិងសម្ភារៈសម្រាប់ធ្វើសកម្មភាពមួយចំនួនទៀត។
បច្ចុប្បន្ន ជនសង្ស័យទាំង៦នាក់ ត្រូវបានឃុំខ្លួនបណ្ដោះអាសន្ន នៅការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ដកំពង់ឆ្នាំង ដើម្បីសាកសួរចម្លើយបញ្ជូនទៅតុលាការ៕ ដោយ: បរិបូរណ៍ (CEN)
លោកហ៊ុល វាសនា អធិការរងក្រុងកំពង់ឆ្នាំង ដែលស្ថិតក្នុងប្រតិបត្ដិការនេះបានអោយដឹងថា ជនសង្ស័យ មួយក្រុមនេះបានធ្វើសកម្មភាពចូលលួចគោ របស់ប្រជាពលរដ្ឋ ឈ្មោះ ប្រាក់ សុគា នៅក្នុងភូមិត្រពាំងចិក្សា សង្កាត់កំពង់ឆ្នាំង ក្រុងកំពង់ឆ្នាំង។ ក្រោយពីសភាពការណ៍នេះកើតឡើង លោកឧត្ដមសេនីយត្រីយ៍អាត់ ខែម ស្នងការនគរបាលខេត្ដកំពង់ឆ្នាំង បានដាក់បញ្ជាអោយកម្លាំងប៉ូលិសការិយាល័យព្រហ្មទណ្ឌកម្រិតស្រាល ប៉ូលិសក្រុងកំពង់ឆ្នាំង និងស្រុកមួយចំនួនទៀត ដើម្បីធ្វើការស្រាវជ្រាវ និងពួនស្ទាក់នៅតាមច្រកផ្លូវសំខាន់ៗ។ ក្រោយពីកំណត់មុខសញ្ញា និងទីតាំង ដែលពួកគេស្នាក់នៅបានហើយ ក៏សុំគោលការណ៍ឃាត់ខ្លួនតែម្ដង។
នៅចំពោះសមត្ថកិច្ចជនសង្ស័យបានឆ្លើយសារភាពថា ពួកគេទើបតែធ្វើសកម្មភាពលួចគោ ប្រលះសាច់លក់បានចំនួន១០ក្បាលតែប៉ុណ្ណោះ។ ចំពោះវត្ថុតាងដែលរឹបអូសបាន មានម៉ូតូមួយ គ្រឿង ម៉ាកហុងដា សូនិក ពណ៌ខៀវ អត់ស្លាកលេខ រួមនិងសម្ភារៈសម្រាប់ធ្វើសកម្មភាពមួយចំនួនទៀត។
បច្ចុប្បន្ន ជនសង្ស័យទាំង៦នាក់ ត្រូវបានឃុំខ្លួនបណ្ដោះអាសន្ន នៅការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ដកំពង់ឆ្នាំង ដើម្បីសាកសួរចម្លើយបញ្ជូនទៅតុលាការ៕ ដោយ: បរិបូរណ៍ (CEN)