- Tuesday, 21 August 2012 17:05
ប្រតិបត្តិការជួសជុលផ្លូវដែករបស់ក្រុមហ៊ុន Toll នៅក្នុងប្រទេសកម្ពុជា នាពេលកន្លងមក។ រូបថត សុវណ្ណ ភីឡុង
ក្រុមហ៊ុន Rail Services (Cambodia) Ltd បានដាក់សំណើគម្រោងរបស់ខ្លួន ដែលមានឈ្មោះថា «ផ្លូវដែកកម្ពុជា» ទៅឲ្យមន្រ្តីរដ្ឋាភិបាលកាលពីថ្ងៃទី៣ សីហា។ នេះបើតាមប្រធានប្រតិបត្តិលោក Daryl Dealehr។
ដោយមានការគាំទ្រ ពីក្រុមហ៊ុនប្រឹក្សាយោបល់ Sino-Pacific Construction Consultancy Co, Ltd (SPCC) ដែលម្ចាស់ហ៊ុនសំខាន់របស់ក្រុមហ៊ុននេះជាក្រុមហ៊ុនរដ្ឋ របស់ចិន Construction Engineering Corp និងដែលបានសាងសង់ហេដ្ឋារចនាសម្ព័ន្ធផ្លូវរថភ្លើងពី ប៉េកាំង‑ស៊ាងហៃ ក្រុមហ៊ុន Rail Services រួមជាមួយនឹងក្រុមហ៊ុន Hikmat Asia Sdn Bdh របស់ប្រទេសម៉ាឡេស៊ី នឹងមានបំណងវិនិយោគក្នុងចំនួនទឹកប្រាក់ជិត ៨៥០ លានដុល្លារលើផ្លូវដែកដែលមានស្រាប់រួចហើយក្រុមហ៊ុន Rail Services បានឲ្យដឹងនៅក្នុងសេចក្តីថ្លែងការរបស់ខ្លួនកាលពីម្សិលមិញ ថា បញ្ហាជាច្រើនដែលបានយាយីដល់ក្រុមហ៊ុន Toll Royal ចំពោះការស្តារផ្លូវដែកវិញនោះ រួមមាន ការបរាជ័យមិនអាចបន្តការដឹកទំនិញឡើងវិញបាននៅខែនេះ ការខ្វះការវិនិយោគ និងបញ្ហាលើកកម្រៃសម្បទាន។
សេចក្តីថ្លែង ការណ៍នោះមិនបានលើកឡើងអំពីបញ្ហាពន្យារពេលដែល ប្រហែលជាបណ្តាលមកពីការទូទាត់សំណងឡើងវិញទៅដល់ប្រជាពលរដ្ឋ ចំនួនជាង១០០០គ្រួសារ ដែលបានបង្ហាញថា ជាបញ្ហាសម្រាប់គម្រោងនោះ នឹងធ្វើឲ្យមានការថ្កោលទោសពីអន្តរជាតិដោយសារបញ្ហាខ្វះសមត្ថភាព របស់រដ្ឋាភិបាលក្នុងការដោះស្រាយបញ្ហានោះ។
សេចក្តីថ្លែងការណ៍ ក្រុមហ៊ុនឲ្យដឹងថា៖ «ក្រុមហ៊ុន Toll Royal បានបញ្ឈប់ប្រតិបត្តិការនិងសេវាផ្លូវដែកដែលមានស្រាប់ កាលពីខែកុម្ភៈ ២០១២ ដោយបានកាត់បន្ថយបុគ្គលិករបស់ខ្លួន និងសម្ភារទាំងឡាយ ដោយមិនបានធ្វើឲ្យប្រសើរឡើងនូវហេដ្ឋារចនាផ្លូវដែកដើម្បី បំពេញបន្ថែមបណ្តាញផ្លូវដែកដែលមានស្រាប់ និងបានប្រាប់ទៅរដ្ឋាភិបាលថា ខ្លួនទំនងជាមិនអាចបន្តប្រតិបត្តិការផ្លូវដែកនៅមុនខែ មីនា ឆ្នាំ២០១៣នោះទេ ហើយទាមទារឲ្យរដ្ឋាភិបាលបោះបង់ចោលកម្រៃសម្បទានសម្រាប់ ឆ្នាំទី៥‑៨ និងពាក់កណ្តាលឆ្នាំទី៩ ដែលជាការលើកលែងនៃចំណូលប្រមាណជាង៩,៥លានដុល្លារ»។
ការដាក់ សំណើរបស់ក្រុមហ៊ុន Rail Services គួរមិនមានបញ្ហាអ្វីចំពោះមន្រ្តីរដ្ឋាភិបាលនោះទេ ខណៈខ្លួនបានផ្តល់ការវិនិយោគផ្ទាល់ពីបរទេសចំនួនប្រមាណ៨៥០ លានដុល្លារ បន្ទាប់ពីរយៈពេលប៉ុន្មានឆ្នាំនៃកម្ចីសម្បទានពីម្ចាស់ជំនួយ ក្នុងតំបន់។ ក្រុមហ៊ុន Rail Services បានថ្លែងថា ពួកគេនឹងខិតខំប្រឹងប្រែងអស់ពីសមត្ថភាពទៅរដ្ឋាភិបាល ផ្តល់ហិរញ្ញប្បទានពេញលេញ ដល់គម្រោងនោះ»។
ជាថ្នូរមកវិញ ក្រុមហ៊ុន Rail Services នឹងប្រតិបត្តិការលើសម្បទានផ្លូវដែករវាងពីរាជធានីភ្នំពេញ និងទីក្រុងហូជីមិញសម្រាប់រយៈពេលយ៉ាងហោចណាស់៦០ឆ្នាំ ហើយនឹងស្វែងរកការចុះបញ្ជីនៅផ្សារមូលបត្រកម្ពុជា នៅពេលបញ្ចប់បណ្តាញផ្លូវដែកបច្ចុប្បន្ននៅកម្ពុជា។
ខណៈដែល ការផ្តល់សម្បទានបច្ចុប្បន្នសម្រាប់ខ្សែរថភ្លើងភាគខាង ជើង និងខាងត្បូង នឹងបន្តបន្ថែមរយៈពេលពី៣០ទៅ៤០ឆ្នាំ ក្រោមរយៈពេលបច្ចុប្បន្នសម្រាប់ក្រុមហ៊ុន Rail Services។
អ្នក នាំពាក្យរបស់ក្រុមហ៊ុន Rail Services លោក Daryl Dealehr បានឲ្យដឹងថា៖ «រដ្ឋាភិបាលកំពុងតែពិចារណាទៅលើសំណើនោះ ហើយមានចំណាប់អារម្មណ៍ខ្លះចំពោះសំណើនោះ។ រដ្ឋាភិបាលកំពុងធ្វើការពិចារណាលើធាតុនៃសំណើនោះ»។
រដ្ឋាភិបាល មិនបានប្រាប់លោក Daryl Dealehr ថាតើនៅពេលណារដ្ឋាភិបាលនឹងឆ្លើយតបនោះទេ ប៉ុន្តែលោកបានថ្លែងថា៖ «ខ្ញុំមានការប្រាកដខ្លាំងដែរថា រដ្ឋាភិបាលនឹងពិចារណាគម្រោងនោះយ៉ាងយកចិត្តទុកដាក់ ហើយលទ្ធផលគឺជាប្រយោជន៍បំផុតសម្រាប់កម្ពុជា»។
លោកបានបន្តទៀត ថា ៖ «ថាតើវានឹងមានរយៈពេលយូរប៉ុនណា ខ្ញុំមិនទាន់ដឹងនៅឡើយទេនៅពេលនេះ។ យើងនឹងសហការណ៍ជាមួយរដ្ឋាភិបាលគ្រប់វិធីទាំងអស់ដែលយើងអាច ធ្វើបាន ដើម្បីឲ្យរដ្ឋាភិបាលធ្វើសេចក្តីសម្រេចចិត្តត្រឹមត្រូវ»។
ប្រធាន ក្រុមហ៊ុន រ៉ូយ៉ាល់គ្រុប លោក គិត ម៉េង បដិសេធមិនធ្វើអត្ថាធិប្បាយ ដោយលោកអះអាងកំពុងស្ថិតនៅប្រទេសវៀតណាម នៅពេលទូរស័ព្ទទៅលោកកាលពីថ្ងៃចន្ទម្សិលមិញ។
រដ្ឋលេខាធិការ ក្រសួងសាធារណៈការ និងដឹកជញ្ជូនលោក ទូច ចាន់កុសល ដែលជាមន្រ្តីពាក់ព័ន្ធគម្រោងផ្លូវដែកទាំងនោះ ក៏មិនអាចទាក់ទងដើម្បីសុំការធ្វើអត្ថាធិប្បាយបានដែរ៕ Gregory Pellechi និង Don Weinland (ភ្នំពេញប៉ុស្តិ៍)
