- Saturday, 18 August 2012 14:59
បាត់ដំបង: ដំណាំស្រូវប្រមាណជាប្រាំបីម៉ឺនហិកតា បានរួចផុតពីការខូចខាត បន្ទាប់ពីមានអន្តរាគមន៍បូមទឹក និងមានភ្លៀងធ្លាក់រាយប៉ាយជាប់គ្នា ដោយសារឥទ្ធិពលព្យុះកៃតាក់ ដែលបានរលាយនៅវៀតណាមខាងជើងនោះរួចមក។ លោក លឹម គានហោ រដ្ឋមន្ត្រីក្រសួងធនធាន ទឹកនិងឧតុនិយម នៅព្រឹកថ្ងៃទី១៨ ខែសីហាឆ្នាំ២០១២នេះ បានអញ្ជើញពិនិត្យមើលស្ថានីយបូមទឹកហ៊ុនសែនទី៤៧ ស្ថិតក្នុងឃុំថ្មាតពង ស្រុកសង្កែ ខេត្តបាត់ដំបង ដែលកំពុងតែដំណើរការបូមទឹក មានជម្រៅរហូតដល់ ១២ ម៉ែត្រ ដើម្បីសង្គ្រោះដំណាំស្រូវបានជាង ៣០០ ហិកតា នៅក្នុងឃុំនេះ។
លោក ចាន់ យុត្ថា អ្នកនាំពាក្យ និងជានាយកខុទ្ទកាល័យក្រសួងធនធានទឹក និងឧតុនិយម បានឲ្យដឹងនៅថ្ងៃទី១៨ ខែសីហា នេះថា ដំណាំស្រូវជាងប្រាំបីម៉ឺនហិកតានៅទូទាំងប្រទេស ដែលរងផលប៉ះពាល់ពីភាពរាំងស្ងួតដោយកន្លែង មួយរយៈកន្លងទៅនេះ ឥឡូវនេះ (១៨ សីហា) មានភាពធូរស្រាលវិញហើយ បន្ទាប់ពីមានអន្តរាគមន៍បូមទឹកដោយក្រសួងធនធានទឹក និងមានភ្លៀងធ្លាក់ច្រើនស្ទើរទូទាំងប្រទេស ក្នុងរយៈពេលពីរបីថ្ងៃចុងក្រោយនេះរួចមក។
ប្រភពខាងលើ បានឲ្យដឹងទៀតថា ដំណាំស្រូវជាងពីរម៉ឺនហិកតា ត្រូវបានសង្គ្រោះដោយការអន្តរាគមន៍បូមទឹកដាក់ ក្រៅពីនេះគឺដោយសាររបបទឹកភ្លៀង ដែលបានចាប់ផ្តើមមានឡើងវិញ។ ចំនួន ៩០ ភាគរយ នៃផ្ទៃដីដំណាំស្រូវវស្សា ប្រមាណជាប្រាំបីម៉ឺនហិកតា ដែលរងផលប៉ះពាល់ពីភាពរាំងស្ងួត បានរួចផុតពីការខូចខាតហើយ នៅសល់បន្តិចបន្តួចកំពុងត្រូវបានធ្វើការអន្តរាគមន៍បន្ត។
ចំណែកឯស្ថានភាពព្យុះទីហ្វុង ឈ្មោះកៃតាក់ ដែលជាព្យុះទី១៣ នោះ ត្រូវបានប្រភពដដែលបញ្ជាក់ថា វាបានថយឥទ្ធិពលមកជាកូនព្យុះវិញ ហើយនឹងរលាយនៅវៀតណាមភាគខាងជើង។ នៅពេលព្យុះនេះរលាយ នឹងមានភ្លៀងធ្លាក់ច្រើននៅតំបន់អាងទន្លេមេគង្គលើ ធ្វើឲ្យទឹកទន្លេមគង្គចាប់ជន់ឡើងសាជាថ្មី។
លោក អ៊ុំ រីណា ប្រធានស្តីទីនាយកដ្ឋានឧតុនិយម នៃក្រសួងធនធានទឹក បានឲ្យដឹងនៅថ្ងៃទី១៨ ខែសីហា នេះដែរថា ភ្លៀងចាប់ផ្តើមមានធ្លាក់រាយប៉ាយមកវិញហើយ បន្ទាប់ពីព្យុះទី១៣ បានរលាយ។ ចាប់ពីពេលនេះទៅ ភ្លៀងធ្លាក់បានល្អប្រសើរវិញហើយ។
ចំពោះទឹកទន្លេមេគង្គវិញ បើយោងតាមការព្យាកររបស់នាយកដ្ឋានជលសាស្ត្រ នៅថ្ងែទី១៨ ខែសីហា ឆ្នាំ២០១២នេះ បង្ហាញឲ្យឃីញថា ទឹកនៅស្ថានីយជលសាស្ត្រទន្លេបាសាក់ ចតុមុខ មានកម្ពស់ ៧,១១ ម៉ែត្រ ខ្ពស់ជាងថ្ងៃទី១៧ ខែសីហា ០,០១ ម៉ែត្រ។ ចំណែកទឹកបឹងទន្លេសាបនៅស្ថានីយជលសាស្ត្រក្រគរ កំពង់លួង មានកម្ពស់ ៤,៦៣ ម៉ែត្រ ខ្ពស់ជាងថ្ងៃទី១៧ ខែសីហា ០,០២ ម៉ែត្រ៕ ដោយ: មង្គល (CEN)
លោក ចាន់ យុត្ថា អ្នកនាំពាក្យ និងជានាយកខុទ្ទកាល័យក្រសួងធនធានទឹក និងឧតុនិយម បានឲ្យដឹងនៅថ្ងៃទី១៨ ខែសីហា នេះថា ដំណាំស្រូវជាងប្រាំបីម៉ឺនហិកតានៅទូទាំងប្រទេស ដែលរងផលប៉ះពាល់ពីភាពរាំងស្ងួតដោយកន្លែង មួយរយៈកន្លងទៅនេះ ឥឡូវនេះ (១៨ សីហា) មានភាពធូរស្រាលវិញហើយ បន្ទាប់ពីមានអន្តរាគមន៍បូមទឹកដោយក្រសួងធនធានទឹក និងមានភ្លៀងធ្លាក់ច្រើនស្ទើរទូទាំងប្រទេស ក្នុងរយៈពេលពីរបីថ្ងៃចុងក្រោយនេះរួចមក។
ប្រភពខាងលើ បានឲ្យដឹងទៀតថា ដំណាំស្រូវជាងពីរម៉ឺនហិកតា ត្រូវបានសង្គ្រោះដោយការអន្តរាគមន៍បូមទឹកដាក់ ក្រៅពីនេះគឺដោយសាររបបទឹកភ្លៀង ដែលបានចាប់ផ្តើមមានឡើងវិញ។ ចំនួន ៩០ ភាគរយ នៃផ្ទៃដីដំណាំស្រូវវស្សា ប្រមាណជាប្រាំបីម៉ឺនហិកតា ដែលរងផលប៉ះពាល់ពីភាពរាំងស្ងួត បានរួចផុតពីការខូចខាតហើយ នៅសល់បន្តិចបន្តួចកំពុងត្រូវបានធ្វើការអន្តរាគមន៍បន្ត។
ចំណែកឯស្ថានភាពព្យុះទីហ្វុង ឈ្មោះកៃតាក់ ដែលជាព្យុះទី១៣ នោះ ត្រូវបានប្រភពដដែលបញ្ជាក់ថា វាបានថយឥទ្ធិពលមកជាកូនព្យុះវិញ ហើយនឹងរលាយនៅវៀតណាមភាគខាងជើង។ នៅពេលព្យុះនេះរលាយ នឹងមានភ្លៀងធ្លាក់ច្រើននៅតំបន់អាងទន្លេមេគង្គលើ ធ្វើឲ្យទឹកទន្លេមគង្គចាប់ជន់ឡើងសាជាថ្មី។
លោក អ៊ុំ រីណា ប្រធានស្តីទីនាយកដ្ឋានឧតុនិយម នៃក្រសួងធនធានទឹក បានឲ្យដឹងនៅថ្ងៃទី១៨ ខែសីហា នេះដែរថា ភ្លៀងចាប់ផ្តើមមានធ្លាក់រាយប៉ាយមកវិញហើយ បន្ទាប់ពីព្យុះទី១៣ បានរលាយ។ ចាប់ពីពេលនេះទៅ ភ្លៀងធ្លាក់បានល្អប្រសើរវិញហើយ។
ចំពោះទឹកទន្លេមេគង្គវិញ បើយោងតាមការព្យាកររបស់នាយកដ្ឋានជលសាស្ត្រ នៅថ្ងែទី១៨ ខែសីហា ឆ្នាំ២០១២នេះ បង្ហាញឲ្យឃីញថា ទឹកនៅស្ថានីយជលសាស្ត្រទន្លេបាសាក់ ចតុមុខ មានកម្ពស់ ៧,១១ ម៉ែត្រ ខ្ពស់ជាងថ្ងៃទី១៧ ខែសីហា ០,០១ ម៉ែត្រ។ ចំណែកទឹកបឹងទន្លេសាបនៅស្ថានីយជលសាស្ត្រក្រគរ កំពង់លួង មានកម្ពស់ ៤,៦៣ ម៉ែត្រ ខ្ពស់ជាងថ្ងៃទី១៧ ខែសីហា ០,០២ ម៉ែត្រ៕ ដោយ: មង្គល (CEN)
