ដោយ ៖ គឹម សុខជា ថ្ងៃទី 03 សីហា 2012ម៉ោង 10:13:15
ខេត្តបាត់ដំបង ៖ ស្លាប់៣នាក់របួសម្នាក់ជាកម្មករក្រុមហ៊ុនចិន ធ្វើផ្លូវលេខ៥៩ពីប៉ៃលិនទៅស្រុកសំពៅលួន ដោយសារផ្ទាំងថ្មបាក់ធ្លាក់សង្កត់ពីលើ ខណៈពេលកម្មករ និង មេការបច្ចេកទេសម្នាក់ កំពុងស្វានថ្មដាក់រំសេវបំផ្ទុះយកថ្មកិនបំបែកតូចៗទៅក្រាលធ្វើ ផ្លូវ កាលពីវេលាម៉ោង១៥និង៤៥នាទី ថ្ងៃទី២ ខែសីហា ឆ្នាំ២០១២ នៅខាងត្បូងភ្នំព្រឹក ស្ថិតនៅភូមិព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។លោក សា រ៉េត វិសេដ្ឋ អធិការងនគរបាលស្រុកភ្នំព្រឹក បានឲ្យដឹងថា បុរស៤នាក់ដែលរងគ្រោះថ្នាក់ដោយសារផ្ទាំងថ្មសង្កត់ មានទី១-ឈ្មោះលាវ ឈៀង អាយុ៣១ឆ្នាំ មេការបច្ចេកទេសជនជាតិចិន ។ ទី២-ឈ្មោះ ស៊ុន ភក្តី ហៅ ម៉ាប់ អាយុ២៥ឆ្នាំ ។ ទី៣-ឈ្មោះ ហុំ ហុន អាយុ២៧ឆ្នាំ។ ជនជាតិខ្មែរ២នាក់នេះ មានទីលំនៅភូមិក្បាលថ្ម ឃុំសែប ស្រុកកំពង់ត្រឡាច ខេត្តកំពង់ឆ្នាំង ។ អ្នកទាំង៣នាក់នេះបានស្លាប់ភ្លាមៗនៅកន្លែងកើតហេតុបាញ់ថ្មនៅ ភ្នំព្រឹក ។ ចំណែកជនជាតិខ្មែរម្នាក់ទៀតរងរបួសស្រាលឈ្មោះ ស៊ុន វិសាល ហៅតុលាអាយុ២៣ឆ្នាំ នៅភូមិក្បាលថ្ម ឃុំសែបស្រុកកំពង់ត្រឡាច ខេត្តកំពង់ឆ្នាំង មកធ្វើជាកម្មករឲ្យក្រុមហ៊ុនសៀងហៃធ្វើផ្លូវលេខ៥៩ពីប៉ៃលិន ភ្នំព្រឹកសំពៅលួន ។ លោកអធិការងបានបន្តថា នៅវេលារសៀលថ្ងៃទី២ ខែសីហា ឆ្នាំ២០១២នោះ កម្មករនិងមេការបច្ចេកទេសទាំង៤នាក់ បានចូលទៅការដ្ឋានបាញ់ថ្មនៅខាងត្បូងភ្នំព្រឹកដើម្បីស្វានរន្ធ ដាក់រំសេវបាញ់យកថ្មមកកិនតូចៗយកទៅក្រាលធ្វើផ្លូវថ្នល់លេខ៥៩ នេះ ។ ពេលកំពុងស្វានថ្មស្រាប់តែផ្ទាំងថ្មមួយផ្ទាំងទម្ងន់រាប់តោន បានបាក់ធ្លាក់មកសង្កត់អ្នកទាំង៤នាក់ជាប់ស្លាប់ភ្លាមៗនៅពីក្រោម ផ្ទាំងថ្ម ប៉ុន្តែមានម្នាក់រួចផុតជីវិតគ្រាន់តែរបួសស្រាល។
លោក សារ៉េត វិសេដ្ឋ បានបញ្ជាក់ថា ក្រុមហ៊ុនចិនធ្វើផ្លូវលេខ៥៩ បានធ្វើការដ្ឋានកិនថ្មនៅខាងត្បូងភ្នំព្រឹក (ពីស្រុកភ្នំព្រឹកទៅសំពៅលួន)ក្រុមហ៊ុននេះបានបាញ់យកថ្ម រយៈពេលជិតមួយឆ្នាំមកហើយ ។ កន្លែងបាញ់ថ្មមានរួងរន្ធយ៉ាងធំ ពេលកម្មករចូលទៅស្វានរន្ធដាក់រំសេវបំផ្ទុះយ
កថ្មទៀត ទំនងជាថ្មវាស្រើបរង្គើរចង់បាក់ធ្លាមមកមេការមិនដឹងទើបបាក់ ធ្លាក់មកសង្កាត់ស្លាប់បែបនេះ ។ ចំណែកអ្នករងរបួសបានដឹកបញ្ជូនទៅសង្គ្រោះនៅមន្ទីរពេទ្យឯកជន ក្នុងស្រុកភ្នំព្រឹកភ្លាមៗដែរ ។ សព៣នាក់ទាំងជនជាតិចិនម្នាក់បានប្រគល់ជូនអ្នកទទួលខុសត្រូវ ក្រុមហ៊ុនសៀងហៃឈ្មោះ លី ហៃតាវ ដើម្បីរកក្រុមគ្រួសារមកយយកទៅធ្វើបុណ្យតាមប្រពៃណី៕nokor wat